話說就有兩個女仔公開咗一個偷拍女仔嘅telegram group
被踢爆及公審嘅一眾用戶就好嬲 . 於是不斷批評爆料嘅女仔
睇返個group名，唔講仲以為係攝影group 街拍snapshot咁
「偷拍是欣賞妳」
「爆料活該死全家、被強姦」
啲人講嘢無腦恐怖？香港法律仲得人驚！
偷拍啱唔啱？ 咁啱時間 #關注性暴力480 就前排出咗個post
首先👁 香港的現況 👁係
⚠️沒有特定法例針對涉及為性目的而進行觀察或視像記錄的窺淫行為
偷拍唔係性罪行 ❌ 所以任何性別比任何人偷拍裙底 / 侵犯私隱
咁點算呀？
目前若行為於公眾地方進行，視乎性質可被控「遊蕩罪」、「作出有違公德的行為」或《公安條例》的「公眾地方內擾亂秩序行為罪」。
但係又必須有「公眾」元素，即除受害人與疑犯，至少可另有2個人在案發現場 🌚
如果以上述三項條例都未能作出檢控
都可能可以根據《刑事罪行條例》以「有犯罪或不誠實意圖而取用電腦」作出檢控嘅
不過本身是針對未獲授權地取用電腦資料的行為
最近高等法院法官提出以此罪行檢控手機偷拍的行為偏離了條例的原意
所以...
係比嬲嬲 😡同罵班人咁都乜9都講得出👿嘅同時...
我哋都要關注同推動 【法改會雜項性罪行建議：窺淫 (Voyeurism)】
👁 法律改革委員會建議 👁
> 設立窺淫罪
> 罪行內容參照英格蘭《2003年性罪行法令》第67條
> 構成元素：為了得到性滿足觀察或者記錄另一人進行「私人行為」
聽落都唔錯咁，但係原來都係未包「裙底偷拍」
好感謝性暴力協會已經睇完並發表立場及意見
> 同意訂立窺淫罪，然而，我們不建議參照英格蘭《2003年性罪行法令》第67條，反而應該參照蘇格蘭《2009年性罪行法令》第9條「窺淫罪」
> 英格蘭的條例並不涵蓋在公眾地方的「裙底偷拍」或偷窺的行為，即是如果某人在港鐵車廂、商場扶手電梯發生的被影裙底，不會受到保障
> 相反，蘇格蘭的窺淫罪比英格蘭的條例更全面，能涵蓋裙底偷拍（甲在乙的衣服下面操作設備，以觀察乙的生殖器官或臀部—不論暴露或有內衣覆蓋）。
> 英國現正修改第67條，正是參考蘇格蘭條例的做法，增加條例針對裙底偷拍
－－－－－－－－－－－－
📒了解更多《雜項性罪行》諮詢文件發表之意見書: bit.ly/miscsexoff
揭發偷拍群組後，我的網誌、fb、ig 不斷受到他們檢舉和滋擾。佢地亦在群組內，不斷攻擊侮辱我，我姑且讓大家看看部分的攻擊。
我揭發佢地違法偷拍裙底、侵害他人私隱和身體自主，原來錯的不是偷拍者和鼓吹者，而是我。
佢地認為，是樣衰嘅女仔先會不齒偷拍，漂亮的女仔是不會的。所以，我是以為自己好索好正，先有搞佢地嘅氣焰，喺度蝦蝦霸霸佢地呢啲弱勢。搞散左偷拍群組，是垃圾，應該要感到羞恥。我之所以舉報他們，是因為沒有得到被偷拍的恩寵，所以心理不平衡和妒忌。他們群組消失，是單純因為我個人不忿他們（而不是他們有錯）。又或者，是「兩條臭閪」的錯（而不是他們有錯）。
所以，由於揭發偷拍裙底是如此的最大惡極，而佢地偷拍裙底嘅任務又是何等光榮，所以已經有上幾萬人好討厭我了，我活該死全家、被強姦。
呢個係2018年嘅香港啊。
