關於 阿托品眼藥水副作用 ，我們在網路上蒐集到這些相關的討論、資訊與評價

《每日雙眼各一滴控制近視眼藥水 安全有成效》

記唔記得3個月前，我同大家分享過幫哥哥控制近視嘅好方法呢？當時因為哥哥近視加深太快，兩隻眼都已接近 500 度近視，於是帶佢去睇眼科醫生👩‍⚕️，經建議下選擇使用「#阿托品控制近視眼藥水」。

哥哥宜家已經用咗「阿托品控制近視眼藥水」3個月喇，係時候要返去醫生度覆診，睇睇眼睛嘅適應情況，滴咗「控制近視眼藥水」嘅呢段期間，眼睛冇出現任何問題或副作用，所以哥哥可以繼續用佢嚟控制近視👍🏻。

初時，哥哥未養成滴眼藥水嘅習慣，有時會唔記得滴，需要我哋晚晚提醒。但滴咗兩個禮拜後，習慣成自然😊，每晚臨瞓前佢都會自動自覺攞嚟滴，為免忘記，仲將眼藥水放定係床頭，滴完之後就瞓覺，唔會有任何唔舒服嘅感覺，第二朝起身亦能如常活動。

阿托品「控制近視眼藥水」冇加入任何防腐劑，一盒30支即棄型包裝，每日用一支，唔需要重覆使用，就唔怕藥水長期接觸到空氣中嘅細菌，減低眼睛受感染嘅機會，而且係醫生處方令我更加安心比哥哥選用💕。

前文回顧👀: https://m.facebook.com/story.php?story_fbid=2625060894414371&id=1631542677099536

【終於幫小朋友揀左適合佢嘅近視控制方法！】

仲記得，哥哥👦🏻四歲時第一次驗眼，當時驗出輕微近視，視光師話正常小朋友應該都會有少少遠視，隨年紀長大會慢慢退至0度。但哥哥咁細個就已經有50至100度，意味著好大機會繼續加深。自此，我就每半年帶佢驗眼一次。

初時，加深速度唔係太快，6、7歲時維持大約200度。到8歲果年，近視度數突然飆升百幾二百度😨，到宜家10歲已經近500度了。視光師建議佢去睇眼科醫生，相討對策，#以控制近視。因為小朋友近視，加深太快嘅話，有機會變成深近視一族🤓，好可能出現其他眼疾。

哥哥唔打機、唔玩手機、唔睇電視，最大原因可能係太鍾意睇書📚。小朋友鍾意睇書係好事，但有時太沉迷而唔比眼睛休息，距離及姿勢唔好，導致近視加深。眼科醫生提出3個建議可以做到控制近視嘅效果，分別係戴矯視隱形眼鏡、DIMS 離焦鏡片同埋滴阿托品眼藥水 (Atropine)。

要小朋友自己戴隱形眼鏡，有一定難度，如果處理得唔好，眼睛易受感染。加上佢成日跑跑跳跳同踢波⚽️，以前已經整爛過唔少眼鏡喇，如果配副 DIMS 比佢，價錢唔平，容乜易又比佢撞花跌爛，肉都赤呀😓。所以，決定用 #阿托品眼藥水作近視控制嘅方法。

阿托品眼藥水需要經醫生處方👨🏻‍⚕️，每次一支，每晚臨瞓前雙眼各滴一滴，哥哥自己都可以做到；藥水會令眼球放鬆👀，減慢眼球拉長速度，從而減慢近視度數上升，#控制近視加深嘅速度。而低濃度副作用亦較少，任何近視度數都可以用。搵到呢個方法幫哥哥，我哋又開心又放心💕。

有興趣可以去 近視童盟 Child Eyecares
或者網站望下: https://www.childeyecares.com/

#近視 #近視控制 #Atropine #阿托品眼藥水 #hkmama #親子blogger

早前寫了一篇文章關於素人父母荒謬的近視見解以及不負責任地推介不要配足近視眼鏡的度數。

不仿一起來看看醫學界對控制近視有什麼睇法。

對抗偽科學的最佳辦法是努力增值自己對科學和醫學的認識，那麼就不會被成日講一些似是而非的見解的素人父母誤導。

文科生誠意推介這篇文章

Part 2 - 眼藥水可減近視??

醫學治眼

上一回講到做「眼操」沒有證據能夠減低近視。今集又再翻查學術文獻, 睇睇有咩方法可以成功控制近視進展。

Cochrane collaboration 在幾年前有做過呢一個方面嘅 review:
Walline et al. Interventions to slow progression of nearsightedness in children. Cochrane Database of Systematic Reviews 2011, Issue 12. Art. No.: CD004916.

<< Cochrane collaboration 係一個非牟利機構, 也是 evidence based medicine 實證醫學界, 專門做位於證據等級金字塔頂部 meta-analysis 嘅權威。佢個 logo 係一個綜合多個婦產科關於使用類固醇研究嘅 'forest plot'。 ( show off 下先, 我都係一篇 Cochrane review 嘅 co-author ) >>

作者總括了二十三份關於治療兒童近視的研究。其中兩份研究是使用較弱的近視眼鏡 (under-correction)。十二份研究是使用漸進眼鏡, 一份研究使用漸進隱形眼鏡, 兩份研究使用 RGP 隱形眼鏡。一份研究用減低周邊遠視效果的特製鏡片。(香港理工大學眼科視光學院最近贏咗獎嘅研究, 都好似係 similar but opposite idea?)。 有六份研究使用眼藥水。

我平時收 eye-research emails 最多見到嘅研究都係講使用阿托品眼藥水 (Atropine eyedrops), 亦係該 review paper 結論指出對抑壓近視進展最有效的方法。

有趣的是, 我細個聽過話近視配眼鏡唔好配足這個做法, 原來研究結論係會令近視進展稍為變差, 'Under-correction of myopia was found to increase myopia progression slightly'!

阿托品眼藥水原理是減少眼球拉長 (axial length control)，從而減輕近視加深速度。用阿托品眼藥水有冇副作用? 當然有! 阿托品眼藥水會影響虹膜括約肌 iris sphincter muscle，令你的瞳孔會被放大, 更多光線可以進入眼內, 所以使用者可能會出現畏光。 除此之外, 睫狀肌 ciliary muscle 亦會被放鬆, 令病人看近距離景象時視力模糊。

事實上在兒童眼科, 我們有時會用阿托品眼藥水於患有弱視的小童, 用來令較強的眼睛視力模糊, 從而令小孩更專注使用另一隻有弱視的眼, 'to make the weak eye work harder'.

印像中, 這些研究的結論通常是當這些使用 atropine 的小孩停止滴眼藥水, 他們的近視進展就會繼續。 所以, 如果讀緊這篇文嘅你已經二字頭 or older, 恐怕眼藥水這類療法已經與你無緣了!

PS. 所謂的 OK 鏡 (ortho-keratology), 有文獻指出用於小孩可以有效減輕近視進度:
Sun et al, Orthokeratology to Control Myopia Progression: A Meta-Analysis. PLoS ONE
< 當然, 要戴幾多年, 係咪要由細個戴到十幾廿歲先有 permanent effect, that's also a big question >
<< also, 戴隱形眼鏡帶有其風險, 例如眼角膜細菌感染 bacterial keratitis, 嚴重甚至有可能導致失明!>>

#醫學研究
#治療近視
#弱視
#阿托品眼藥水

big thanks to Roy and Kin for their expertise!