讀者投稿《極度無衛生及無常識的奶奶篇》
已經同住六年，之前一直有返工所以好多嘢都可以當睇唔到， 關係都算和諧 。但自從一年前生咗個仔之後 ，我自己湊番，每日都喺屋企對住佢就開始好多嘢都頂唔順。
1. 我奶奶有灰甲，香港腳，仲要勁甩皮。 成日赤腳喺屋企， 仲要坐喺梳化度棟起隻腳，用手搣腳皮又襯我哋瞓覺喺廳度用指甲鉗剪腳皮,腳皮直接跌落個地度， 求其用手執番叫做執咗。隻手之後又走去抱我個仔。 前排乾燥佢隻腳爆拆到流血，自己又唔知搞到個地都係血， 仲要乾曬。等我瞓醒起身見到地下有血再問佢隻腳係咪流血，佢都唔肯認。叫佢畀隻腳我哋睇，佢先唔出聲，我仲要比埋膠布佢，再三催四請麻煩佢貼住個傷口。
( 小朋友成日喺地下玩，搞到個地下又腳皮又血真係好核突) ---- 我而家已經唔畀面佢，總之佢做啲乜嘢我都要叫佢洗手。( 點知佢入廚房拎洗潔精洗手就算)
2. 年廿八叫佢換床單，佢仲話唔使喇。之後又要逼佢， 洗完出嚟， 諗住晾個床單，點知搞到小朋友玩嘅地方都係皮屑，好似落雪花一樣， 仲要我自己用吸塵機吸番。(床單可以一年唔洗， 宜家諗返起平時成日抱個仔上佢自己張床玩， 好核突。)
3. 前排流感好犀利，佢喺屋企喪咳咗兩日都唔肯帶口罩，點知搞到我個仔乙型流感( 我個仔嗰排冇出街)
( 到我囝病咗先肯帶口罩， 有鬼用咩。無耐我都病 埋一份)
4. 前排全家病咗，我老公叫佢煮粥，食咗一餐粥， 下一餐佢就去買燒鵝同整炸雞翼。( 佢自己都病)
5. 屋企得三個人 ，買餸成日買六人分量， 都唔緊要可以留返下一餐整，點知佢成日一次過整曬六人份量，食淨咗又隔夜放雪櫃。但係唔會第二晚拎返出嚟食，唔知又要擺幾多日喺雪櫃，再畀我or老公再扔。
6. 上年過年我老公畀多幾千蚊佢過年， 同晚佢已經唔見咗啲錢，但係冇出過街。所以我哋好肯定喺屋企。 到最後我老公唯有畀多幾千蚊佢， 半年之後大掃除喺洗手盆搵返嗰幾千蚊， 因為太多塵，所以我哋拎衣夾夾住 ， 同晚佢自己已經拎返曬啲錢。我哋都由佢， 點知兩日後，佢話家用用曬，要我老公再畀錢佢，我老公就吊鳩佢話佢上次拎番幾千蚊，佢話啲錢係佢自己喎。
7. 自己有兩個衣櫃，但從來冇開過，著嚟著去都係 嗰幾件， 5尺床有三尺都係擺雜物報紙膠袋，床頭啲塵幾吋厚。我哋話幫佢清雜物，佢又發撚曬脾氣又喊又西咁。
8. 佢可以全餐飯得三樣都係煮菜，可能有一碟有少許肉絲。 咁叫均衡飲食。 生猛海鮮買返嚟擺落雪櫃，第二日先煮嚟食。 生肉直接連膠袋冇綁好放落雪櫃，啲血水就喺個雪櫃度滴緊。
9. 勁鍾意打牌， 夠鐘打牌就衝出門口，燈，電視， 風扇可以全部唔熄。 洗衣機入面啲衫可以唔理。
飯都可以煮到一半唔煮(即係好多嘢可以唔熟。)
10. 表達能力有好大問題：例如：
今日喺邊度撞到呀邊個呀。
琴日去咗邊度食咗啲乜嘢好難食呀。
完全溝通唔到。
11. 有次個囝唔知係邊執左d 綠色泥膠放落口，趙左一陣，我見到佢嘔d綠色口水出來，我即刻擘大個囝個口，同一時間叫奶奶拎杯水黎，等左佢接近一分鐘，佢拎左杯超熱水出黎。
#退一步海闊天高
#我的極品四大長老
隔夜 燒鵝 在 各位晚上好隔夜燒鵝炆茄子隔夜燒肉炆豆腐粉葛赤小豆0魚湯 的推薦與評價
各位晚上好隔夜燒鵝炆茄子隔夜燒肉炆豆腐粉葛赤小豆0魚湯. ... <看更多>