男人 一生只想尋找一個肯挨麥記的女人........
【有靚車嘅可以試試！】周街撩女仔，當個女仔唔理你，就再show架靚車佢睇，如果佢知你有錢想上車，就同佢講：「妖，我都唔鐘意港女嘅」
片中鬼仔係講：「I Dont Like Gold Digger(我唔鐘意人釣金龜)！」
from VitalyzdTv:http://www.youtube.com/watch?v=0iyeUcFKRv4
配潮文：張晨神文《男人 一生只想尋找一個肯挨麥記的女人》
是咁的，身邊啲朋友成日問我有咩擇偶條件，巴巴閉閉咁分享佢地嘅心得。
話咩要有劉心悠嘅面孔、法拉嘅笑容、雷凱欣嘅身材、何家淑女嘅後台、Angela Monkey嘅整容醫生。
我多數就一句車埋去：「咁個條女會唔會陪你去食麥記先？」
個宅男肥仔拎住個巨無霸，臉容扭曲到好似畢加索啲名畫咁，生命去到一個非常危險嘅階段。聽到依個問題，佢已經從最終幻想中解放出黎。
他已經死了。
唔想講都要坦白講，一個男人去到廿幾歲，拖住條女，「去邊食飯」依個問題仲難解拆過「南北韓危機」同「阿仙奴N年無冠」。
有時銀包就得個幾廿蚊，衰啲講句入星巴克買杯Latte扮下高尚，已經要行路返屋企。
隔離有個女伴，想食餐經濟啲嘅都要左諗右諗，
「譚仔呀！今日想食米線！」
「吓，好逼喎...」
「沙嗲王呀！都坐得舒服！」
「吓，要等勁耐喎...」
「不如食碗雲吞麵呀！寶貝你想減肥嘛！」
「吓，勁多阿叔阿伯喎...」
「食麥記」？你真係講都唔敢講！就算佢肯，你都唔好意思問。
試過同一位已成歷史塵埃嘅女朋友走入一間茶記。
喂唔差架喎其實！
地板立立令唔在講、餐牌全過膠，令你感受到法國西南部波爾多嘅浪漫迷情、加上圍繞身邊，三部LCD大電視，令你可以係2013年，觀賞亞視節目：「2010年亞洲小姐決賽」，個種係過去未來穿梭嘅快感令人縈繞夢域。
一個客飯配咕嚕肉，唔包餐飲都78蚊，絕對唔cheap！
只不過對面個女人就唔係咁諗啦，
聽到入茶記已經成個比達上身咁西口西面，
見到個餐牌直情變埋超級西面人。
大佬，你想做比達都睇下對面個個係唔係莊子啊！
又話唔乾淨、又話個位逼、又話電視機好嘈。
我心諗：「法拉利跑車啲位仲窄，你係咪唔坐先？成日落老籣啲 clubbing，都唔似好安靜下話，斷估你都唔會拎本雙城記去老籣呀，你邊有咁文藝呀？」
ok fine！我諗就凶狠，講就冇份...
最後佢講左一句：「Honestly，我覺得食餐飯每人三百零蚊好基本囉。」
我心諗：「安甩匙哩，你唔洗強調每人囉，你都冇找過數。係咪？」
我想即刻飛左佢。
但事實上佢即日已經飛左我。
悲劇。
雙城街凶宅 在 台北市中山區農安街的房子 :: 健保藥局哪裡找 的推薦與評價
健保藥局哪裡找，台北市中山區農安街. ... 街夜市捷運 雙城街夜市怎麼去 雙城街夜市ptt 農安街美食 雙城街夜市施工 雙城街夜市交通 晴光市場美食2021 農安街凶宅 中山 ... ... <看更多>