諗極都唔明，為什麼以前寫專欄，試過一篇文提咗 Roger Vivier 個名七次都冇人會話我賣廣告，而家係咁易放張相出嚟，就會畀人話我收咗錢。不過既然係咁，先來個 standard disclaimer 吧：呢篇唔係廣告。
同朋友打完波，我話早啲返去瞓，攞番啲 beauty sleep，跟住全世界就話我姿整貪靚下刪一百字。開車回家途中，認真反思自己係唔係姿整貪靚下刪一百字。
真的不是姿整貪靚下刪一百字咁簡單。
距離四十歲不遠，理論上的確有很多事情已經沒有太多時間實現。但望著鏡子，覺得自己還是年輕，而呢下「覺得」其實好緊要。我覺得自己仲好有本錢去冒險，而冒險便是一種 stay young 的本錢。覺得自己年輕繼續冒險，然後因為冒險又繼續年輕，呢個永不休止嘅循環都算係養生之道。
況且，fit 不只是由年齡決定的。上個禮拜同個 junior 同事食 lunch，行上鴨巴甸街嗰條斜路，佢行到面都青埋都仲要慢過我。真係要死，都佢死先啦。
相由心生是真理，但心由相生也不是沒有道理。
其實寫咁多廢話去話自己都唔係咁老算唔算已經響起中年危機嘅警告？
冇乜嘢嘅話，我都係出番去搽埋啲 La Mer 面霜就瞓喇。
#真的不是廣告
#攻關
IG= marcusyip55
