【澳洲Backpackers常見嘅恐怖同房，今次係新加坡大媽】
雖然以前都曾經喺唔同地方住過Hostel，但講到真正遇上最多奇人怪事乜都有嘅經歷，就要數澳洲Backpackers。講真，喺澳洲Backpackers咩奇人怪事都可能發生，如果有睇過我本小說的話，都應該知道我曾經同過個道友同醉酒佬同房超過一個月，醉酒佬仲喺我對鞋度屙尿。所以，有一次同朋友喺美國一間Hostel，遇到Dorm room入面有個醉酒佬訓咗喺浴缸，我朋友嚇到走返出嚟，我仲可以繼續若無其事去廁所。
經歷過澳洲太多瘋狂同房後，如果醉酒佬喺廁所入面裸跑唱住歌，我應該都唔覺得有咩出奇。
今次，就遇著一個極奇怪新加坡大媽。
住喺Hostel/ Backpackers，最怕同住一室相對無言（唔係想靜吓唔講嘢果種，而係毒L連say hi都冇反應），更怕係太多嘢講，明明冇嘢講都夾硬搵嘢講，尤其是偽ABC。咩叫偽ABC呢，就係果種明明外國人唔想理你，但你係要扮曬捲脷講英文，自己唔識飲酒隊草，為咗融入人哋圈子又扮曬識，結果自己頂唔順，英文又唔識講，俾人恥笑也不自知－－我見過太多太多。
以前，我都以為要融入西方文化，就要一齊飲酒隊草，但其實都有好多正常嘅同房，一樣可以傾到計。
有個新加坡大媽，話自己29歲，目測冇59都49，一把年紀仲好hyper，撩完呢個又果個，四周圍撩人隊酒冇乜人理佢就自隊，隊到面紅耳熱頂唔順；自己唔熟澳洲地圖又扮曬嘢，東南西北分不清，竟然喺沙灘都可以蕩失路，自己柒咗都唔知，仲覺得係好威嘅冒險故事。佢不斷喺度自己大笑，ahahahahah!!!! 喂好好笑呀，已經冇人想理佢。
夜媽媽人哋熄曬燈、拉埋眼罩、塞埋耳塞，講真呀，出得嚟行，自會知道「行規」暗示叫你收嗲啦，佢仲嘈，我塞埋耳塞仲聽到你自言自語。然後，鼻鼾聲震天，同房個個頂佢唔順。
喺房入面都算，出嚟煮嘢食煮到燶曬，又周街同人講係自己好叻煮飯，我見住佢連mash potato都可以整燶，嘆為觀止。然後冇人想理你，繼續周街同人講自己29歲係單身，小鮮肉可能會信你（其實鬼佬點會唔識玩），我見到佢手指就一句收你皮：So how's your wedding ring?
即時敗走。
絕啲我想問，係咪你老公頂你唔順離婚，你幾廿歲人學人出走？？？😂
諗返起我第一次住Hostel係喺美國，當時實習為咗慳錢就去住，結果一住，就住咗十年，十年嚟都係以hostel為主，今年剛剛好係十年。Hostel/ Backpacker係有自己一套生存法規，或者講「行規」，住得多你自然就會明，其中一個行規係，合則來不合則去，冇嘢講請唔好夾硬搵嘢講，新加坡大媽似乎係第一次住咁...🤦🏻♂
🇦🇺🐨🦘小弟的澳洲生活原創小說現已上架，歡迎Inbox訂購或到各大書店購買，詳情請看：goo.gl/3g4Hk8
☑自製南美明信片已開售，請多支持：goo.gl/Dfmpbc
【IG請follow】www.instagram.com/travelerwithmovie
頂唔順英文 在 English SOS [實用篇]: 點樣用英文表達「頂唔順」呢個感覺 的推薦與評價
香港朋友發明咗”undingable”呢個字去形容好難頂或者頂唔順嘅嘢今日教大家點樣正確地用英文去表達呢個感覺.HKers have invented the word “undingable” ... ... <看更多>