「記得爺爺還在生時，他不時會頂我老豆更擔任著“接放學環節”中的重要角色，每次跟他途經李康記時，我會蝸牛上身，刻意放慢腳步，不動聲色地表現出當下一刻對豆腐花的慾求，輾轉地經過數個月，爺爺終於才意識到我的套路；願意停下來贈我一碗，這可是我吃過最清甜滋味的豆腐花。我想沒有任何人能理解，從爺爺這個從來不給自己買零食的鐵漢中，智取到一碗李康記豆腐花是多威風的盛事。「李康記啲豆腐花有咁好食咩？」，我在李康記的病態式慣性消費甚至引起了友人的疑惑。好吧，我承認豆味是比以往淡了，但在「情意結保鮮膜」的加持下，分辨食物美味與否這件事便變得毫無意義了。」
-
李康記，我諗由讀幼稚園就已經開始去消費，再由中學開始消費佢；數唔清以佢嚟做過幾多次作文嘅題材，我樂此不倦，因為喺呢度發生過嘅故事實在太多，促成嘅回憶實在太多。以唔同身份、唔同裝束、唔同情緒、唔同天氣咁食呢碗味道十幾廿年如初嘅豆腐花，我的確樂此不倦。
-
我以為可以食到老，我以為可以，但遺憾地過咗今日之後，呢碗可以鎮靜情緒、滑過下屆港姐、冬暖夏涼嘅豆腐花再唔會喺玻璃趟門後列好隊咁等大家嚟寵幸。我揸住條淚線食埋最後一啖，再鼓起勇氣咁向老闆求証，冇錯，新舊鋪29號都將會停業，祝大家夠運，趕得切喺李康記衝線去榮休終點站前買到。
-
另外多謝 @kinoko.maru 嘅陪伴，雖然我而家嘅心情好似失戀或者派完成績表知道會被踢出校咁，但有你喺隔離，呢個結局更完滿。
李康記豆腐花 - 頤德行
