【龔成問答信箱】（Q12901-Q12920）
Q12901：
你好，我想不通一點，好似我想賺錢，如果我而家將10萬蚊投資落去，咁我到底係要幾時去放先至為之賺錢呀！例如某股 $40 入，如果升值到$50 咁到底是否要放
龔成老師：
你想「賺錢」，其實你只停留在「賺現金」。
因為你好想買入某股後，盡快賣出，賺到現金，而這個模式，一開始就有概念上的問題。
因為你視股票為「暫時持有的項目」，現金你視為真財富。
有錢人的想法與你相反，佢地視現金為為「暫時持有的項目」，優質股則視為真財富。
所以，如果你以$40買入某優質股，當佢升到$50，如果這刻仍在合理區，你應該持有，直至佢到了貴的水平，又或這股質素轉差，才會賣出。
因為賣出股票，就是放牽了真財富，變回了「貶值的現金」，所以我地唔會輕易賣出優質股的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12902：
龔成，這可以嘛?
2800 $3000
11 $1500
823 $2000
66 $1500
另外想問香港依家局勢+中美貿易戰，真係會令到經濟大衰退嘛?
龔成老師：
你上述都是有質素的股票，你投資的比例適合，你可以長期進行。暫時睇，中短期經濟的確不太好，但未去到大衰退的情況，而我地長線投資，反而會因這些情況而在中短期買到平貨，只要不斷進行月供，長期進行就得。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12903：
成哥你好，我突然有一想法， 既然巴菲特投資那麼厲害，那麼為什麼不直接投資他的公司，要費神自己選股?
龔成老師：
其實，這都是一個方法。因為可以直接投資巴郡，以得到佢的投資回報。
不過，當中有幾個問題，第一，佢年齡唔細，接班人雖然都會用佢的方法，同時有一定的實力，但點都唔會有第二個巴菲特。
第二，由於投資者都知巴郡的回報不差，所以巴郡會有溢價，即是可能會買貴貨。
另外，其實我都想憑自己的實力，去做出某些投資成績，同時如果我地想進取，就一定要親手落場。所以，我會選擇自行投資。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12904：
中行翻到招股價，入市時機？
龔成老師：
中行（3988）這刻只是合理區，未到平宜區。
我地唔會以「招股價」，作為衡量是否買入股票、平貴的指標，過往的股價未必有意義。中行本質不差的，但增長力有限，只是一隻收息股，唔好對股價有太大期望。
這股現時處於合理區，分注投資可以。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12905：
龔老師你好，1257中國光大綠色環保現在$5估值還算合理嗎？
是否之前因為大灣區和新股上市關系令股價有炒作。
雖然賺錢能力有增強，但債務都幾重會扣分?
分析這類企業時應該注意些甚麼?
感謝老師分享~
龔成老師：
光大綠色（1257）本質不差的，是潛力股，不過股價就較為波動，投資注碼不能太大。
佢專注於生物質綜合利用、危廢處置、光伏發電及風電業務。而生物質能源及危廢處置，在中國都是較新興的行業，近年的增長快速，相信往後仍有一定的增長能力，行業前景正面。
由於當中有一定的入行門檻，在資金、規模、技術都要有一定的要求，因此對光大綠色有利。而這企業亦處於不斷投資的狀態，處於一個發展階段，相信長遠的潛力仍在。
由於這行業較新，同時有一定的風險，因此市場對這企業的估值亦不敢太進取。至於佢的中短期炒作，會令股價略有波動，但不要被佢影響。
負債近年有增加情況，這的確是風險，所以，我地對佢的估值都唔會太高。
這企業適合長線或超長線投資，但注碼就不能太大注。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12906：
呀Sir想問下領展你係用邊個方法做估值。
因為佢盈利計埋佢物業既市值，佢依家個價或者佢年報入面搵仲量行計既價都係計埋佢地既市值作估算。
如果減返佢物業既升減值之後，其實以佢實質既盈利作推算，佢依家個價其實係超級高估左。
如果真係想入領展，我明要分注，但係你都知佢已經係貴，咁分注黎既意思都不大，明白我地作為投資者要了解佢內在價值。
但市價一直以佢物業既升減值作為估值時，我地應該用邊個角度諗，如果諗佢內在價值既話，其實一直都唔洗入貨。
龔成老師：
領展（0823）由於盈利裡包含物業重估，因此，盈利數字無乜分析的價值，所以，當我地分析時，會扣去物業重估去計。
其實，佢會以「可分派利潤」的9成作派息，而這個「分派利潤」，正正是無計物業重估的盈利，所以如果簡單計，以股息作為分析點都可以。
我地計算平貴，有極大作用。
因為當一隻股票處貴時，我地未必會買，又或只會以拉長買入時期，例如小注月供的模式買，這樣就可以避免一次過在貴的價位買了太多貨，而長期來說，由於買入價平均，所以股價會慢慢去翻合理區（除非佢永遠都唔跌落合理區）。
相反，若見到佢這刻處平，我地就可以掃貨，與貴的情況，整個投資策略會好唔同。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12907：
龔sir: 早前$21.5/1000買入東亞銀行，但預期消息不利，應否減持？還是不理會繼續持有？謝謝
龔成老師：
唔需要因為中短期不利而賣出，你要分析長期的情況。
東亞（0023），算是一間不過不失的銀行，本質不差，不過近年有略為轉弱的情況，這股持有價值都有，但不建議持有得太多，前景算是中等。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12908：
我想月供 友邦 同 (恒生 定 港鐵) 感覺港鐵 長期會好d，而恒生就要慢慢一層一層上 收息都幾好
龔成老師：
上述都是有質素的股票，可以進行月供。
恆生（0011）收息方面會較好，港鐵（0066）就有平穩增長力，不過近期會略為波動，但長期月供無問題。
友邦（1299）同樣是有質素的股，可以進行月供投資。
你亦可以建立一個組合，同時月供這些股。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12909：
龔成老師你好，我26歲，月入大約兩萬五。早幾年開始儲錢並作人民幣定期。人民幣約有50萬，港幣現金只有10萬左右及一隻8萬元左右的錶(可以放咗佢投入股票巿場)。
每月和男朋友有月供股票合共7000左右(中國平安2000、地鐵2000、金沙2000及盈富基金1000)
有看到你之前說如股票市場下滑，人民幣可兌回入股票巿場。想請教一下，如果我想這一年內準備置業，這些錢應怎部署？
龔成老師：
如果你打算在一年內置業，其實應該開始準備現金，你首先計算你預算的首期，計算翻現時的現金情況。
如果你資金足夠，月供股部分可以繼續。
你可以分3注賣出人民幣，轉成港幣，以應對首期，但不建議「一年內炒一轉股市博增值」，因為一年只是一個中短期投資，無人知你要賣股套現買樓時，股市的情況，因此不建議炒一轉模式。
至於你的錶，由於我自己無投資錶，所以未能提供意見，你要分析長期的升值潛力，如果不強話，就賣出套現。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12910：
老師你好。懇求指教
我手上有
#3 13,310股 （$13.2 入）
#1888 5,000 股（$11 入）
#3993 21,000股 （$4.88 入）
請問你怎樣看#1888 和# 3993 呀
跌了很多我不知道是否要守著
我獨自養6歳小孩想希望儲學費-每月可儲大概$4000-5000
請求指教我儲蓄平穏股
非常多謝你
龔成老師：
煤氣（0003）當然無問題。
至於建滔積層板（1888），則只是不過不失，生意雖然保持增長，但盈利的增長程度不及生意，因此反映佢成本等因素，會左右佢的盈利，而股價亦會比較波動。
股息率其實不差，但會因為生意上落而有所改變。
佢現時處合理價，低市盈率，以及高股息率，是反映市場反映這風險，股價要上翻去不易，暫時算是可以持有，但上翻多D時，宜先賣出一部分，餘下再守
至於洛陽鉬業（3993），並不是完無質素，但不能說是穩健，佢的營業額同盈利都十分波動，這點令分析佢較困難。因為好難確定到往後經營環境對佢的影響，同埋，佢亦因成本令佢盈利較波動，這同樣是較難預測的。
另外，這股的股價較為波動，加上曾經有段時間比散戶熱炒過，都增加風險。這股不是不能投資，但不建議大注。所以，你在反彈後實減部分，餘下小注，就可持有。
你之後，集中做月供股票，供盈富（2800）就得。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12911：
老師你好∼我有問題想問
本人34歲，月入32K，有妻女，只得本人是收入來源，
手上儲蓄只有30萬，想分10萬作投資用。
而本人有月供股票
2800(盈富)：月供$2500 （現時股數為2705）
本人性格向來是比較保守低風險，多人或上網見都說應將投資組合擴大，分散投資，每月亦有8000可作投資用。
所以想將2800加大月供到$5000。
之後再供三隻股票：
港燈(2368) : $1000
中電(0002)：$1000
煤氣(0003)：$1000
1 ) 想問問約我想到60歲前可財務自由，被動收入想做到有每月5萬港元左右，有沒有可能？
2 ) 我現在想供的股票不知能否做到「平穩增值股」+「收息股」的組合，會不會太集中或者太少，應否再加供多隻股票？令我降低風險？
望能求幫助，萬分感激
龔成老師：
1）如果每月投資$8000，假設回報率10%（你要將股息再投資），到你60歲，預期會滾存到$940萬。到時再轉投資收息股，目標是6%，每月收息為$47000，與你的目標接近。
2）其實，盈富（2800）已經是一個平衡的組合，因為當中已經有50隻股票，當然，你新加的3隻月供股，都是穩健的，所以就算加上月供，令你最新的金額$8000，可以的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12912：
你好。請問長實 1113 這股票前景怎樣？ 是不是屬平穩增長型股票？什麼價位屬於便宜區、合理區？
本人對你的課堂有興趣，特別是教授分析股票估值。請問何時再開班？謝謝
龔成老師：
長實集團（1113）不差的，其實整個長和系都有質素，只是近年受歐洲業務影響，但佢地的視點好長的，佢地仍在買資產中，可見，歐洲中短期仍弱，但價格合理，只要等幾年慢慢好翻，就會有回報。
長實現價合理，可分注投資，前景不差，不過，這股增長力只是平穩，並不是高增長的類型。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12913：
龔老師你好，本人有13萬現金，8萬蚊左右股票：包括388香港交易所，808泓富產業信托，2388中銀香港，2840金etf，3988中國銀行，2800盈富，2601中國太保。
黎緊會做全職媽媽（打算做2年）。屋企由丈夫暫時支持。想再入金etf同匯豐。現金同投資比例理想嗎？
龔成老師：
如果你將要做全職媽媽，家中收入減少，你的投資風險度都會有所減少。
你現時的持股，都有質素，風險度不高的，基本上持有無問題，不過，現金方面就不能用盡，要視乎你的家庭情況去適當配置，暫時，現金要留$10萬。
如果你計過數，更多現金可以運用的話，可以投資較穩健的股，平穩增值類+收息股。盈富（2800）及收息股可以。
金etf可入少少，不建議投資太多，匯豐（0005）都可以投資，這是不錯的收息股，但就不要對股價有太大期望。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12914：
龔老師你好!本人已經38歲。由於收入不穩定，加上理財不善，現只有存款50萬，加一份價值15萬的保險。
我的目標是20年後可退休，每月有2萬元的被動收入。
現想開始月供股票，請問每月要投資多少，才可以達成目標？又應該月供哪幾隻股票？謝謝你!希望你能解答我的疑難。
龔成老師：
你要善用現時手頭上的資金，令財富合理增值。
$50萬中，有一半都可以投資股票，只要分注投資就得，你可以投資平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）。盈富佔比可較多。
如果你要20年後，每月有$2萬被動收入。現時每月最少要投資$6000，假設投資$6000，回報率10%（你收到股息後，要再投資），保持20年，會滾存到$410萬。到時再轉投資6%的收息工具，每月平均會收息$2萬左右。
當然，如果回報無10%，你就未必能滾存到這數，所以，建議你最少月供$6000，投資股票，當然愈多愈好。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12915：
老師，我現在的組合，都是之前買落的收息股繼續持有，再月供3000港鐵，另外每當大市大跌500點以上，就一手一手的買入長江基建。
本人的強項是持貨能力強，在市況不穩的時候持續入貨並可線持有。希望這個模式現在還行得通。
龔成老師：
可以呀，這是一個不差的策略，不過，你要睇翻會否過份集中在長建（1038），我地最重要是設計一個平衡穩健的組合，長線持有。
至於你42歲，其實不用太集中在收息股，因為當我地進行人生財富累積，會運用「先增值，後現金流」作方法，前期應投資較多增值類資產，而較年長的，則應投資較多保守類項目。
例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12916：
老師你好！小妹今年24歲，最近看完老師的書真的真的獲益良多！明白到投資心態及投資組合平衡的重要性。
亦都令我對自己未來的財務方向有了目標，希望可以在6年後資金達至100萬，就以下情況希望老師可以給我一些意見。
現持有股票5，66，388各一手
儲蓄方面：每月可儲$7000，想其中抽$5000作月供股票，另外$2000為現金儲蓄
組合分配如下：
$2000 恆生
$2000 保誠
$1000 港鐵
想問問：
1. 這樣的組合配搭可以嗎？
2. 保誠現在的價格便宜嗎？
3. 因為看完書後了解到潛力股/平穩增長股/收息股的組合分配，所以保誠其實算是平穩增長股或是收息股？
龔成老師：
1）你現時的持股，都是有質素的，你可長線持有。而你打算月供的股票，都可月供，但這刻股市未到平宜區，所以，你手頭上要留有一定的現金。
如果你手上現金不多，月供部分最好減$1000，令每月現金儲到$3000。
另外，如果日後收入增加，你最好加上盈富（2800）去月供。
2）未，這刻只是合理區。
3）平穩增長類股。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12917：
老師，而家我同先生都係 39,月入18 萬 (我15+佢3) ，資產淨值1200萬。
最近為左小朋友想移民去英國，我係醫生好大機會攞到工作簽證，人工少一大截。
預計到時稅前月入只有 80000 英磅一年，先生做IT, 喺英國反而有機會高人工啲去到40000 磅一年。 但扣除稅項家庭月入應該只有7000 英磅。（我地有兩個小朋友，移民都係為左佢地將來。）
我喺度諗如果將現有資產重新配置，可否產出多 HKD 40000/月被動收入
係咪有4% 息就做到？
假設保留4M hkd買bonds, 待5年入籍後用黎買英國自住物業。
剩低8M, 除左買港股仲有咩選擇？ 定係保留一間香港物業 (扣除供樓後無乜正現金流)
多謝老師
龔成老師：
如果你地在果邊的收入，都足以應付支出，那在資產配置中，不用過份著重現金流。
因為你地只是39，財富仍有一定的增長力，當我地進行人生財富累積，會運用「先增值，後現金流」作方法。
所以，你地的年齡，其實可投資有平穩增長力的股票，唔需要只著重現金流。
你可以將資產分配成2部分，平穩增值股、物業。至於債券，如果你地風險承受能力較低，就可投資，否則，投資股票仲好。
前者你可平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）。
至於物業，如果你地無必要性買香港物業，不如現時已買英國物業。
就算從投資價值分析，香港物業現時的租金回報率不高，而英國物業，這刻受脫歐等不利因素影響，估值反而較吸引，同時由於你地將來會住果邊，管理較易，因此，這都可以成為財富分配的其中一部分。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12918：
老師你好，以加我月供港燈媒氣各3千5 中國鐵塔 3千 總數1萬 呢個月供組合O唔OK 有冇D更好既組合建議
龔成老師：
雖然當中都是有質素的股票，都可以長期月供，但如果想組合更加平衡的話，最好加入盈富（2800）$3000，上述則各減$1000。
另外，現時大市只處合理區，一邊投資，同時你要一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12919：
你好，我4月開始供了 1211,2388,0066 各1500 至今
2月時買了1手2800,29蚊入
如果現在想增持1手1211是否適合?
或是我的組合可以嗎?
可以承受中風險
謝謝
龔成老師：
上述都是有質素的股票，你可以保持月供，長期進行就得。
至於比亞迪（1211），現價$40以下，已經進行平宜區，如果你本身貨不多，可以在現價入一手，最重要這股佔你總財富的比例不過多該可以。
另外，現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q12920：
今日我不停諗你講呢句...買股票就是買企業，買入企業後，慢慢等企業成長才賣出...
既然係咁, 其實係咪應該睇下自己有興趣咩企業, 再先簡單了解下佢既業務先?
龔成老師：
這都是一個選股方向。
我的股票班，會教5種選股方法，之所以要教咁多種，其實由於唔同方法，如同唔同角度去找出優質股，這可以提高我地選股的能力。亦可以令我地更易早市場一步找到優質股。
當中有一種方法，叫「生活選股法」，就是利用我地身邊的情況去選股，這與你以興趣去選，都有相似的地方。
買股票就是買企業，所以，你從你有興趣的方向去選股，可以，但這只能作為其中一個選股方向，因為，我地最重要是建立一個穩健，長期增值的組合，「優質企業」是最重要。
如果該企業你有興勢，但無質素，那都不值得投資。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
首期計算 在 澳門樓宇按揭貸款顧問- 青年首次置業首期計算誤區! 你又識吾識 ... 的推薦與評價
青年首次置業首期計算誤區! 你又識吾識計? 歡迎留言或查詢，小編會盡快覆你＃青年首次置業＃澳門貸款＃買樓. ... <看更多>