Search
透過三月理財月，我同小豆打開咗理財嘅話題，雖然佢年紀仲細，未完全明白晒理財係啲乜嘢，但今年公公婆婆送咗個豬仔錢罌俾佢，我就由儲利是錢開始講起，教導佢儲蓄及應使得使嘅概念。
佢開始知道爸爸媽媽啲錢會放銀行，知道媽媽負責管理收入及分配開支，好似讀書、食飯、買衫、上興趣班、買玩具等通通都要用錢，要建立小朋友「想要」和「需要」嘅概念，唔好胡亂花錢。所以父母嘅身教都好重要，可透過平時同小朋友去購物時傾多啲，佢哋聽得多就識得分別「想要」同「需要」。平日多啲提醒小朋友珍惜食物，同感恩依家擁有嘅嘢。
另外，俾小朋友知道爸爸媽媽有理財嘅習慣，我亦有話俾小豆知媽媽會利用理財工具如「錢家有道收支管家apps」 去記錄收入、日常開支及儲蓄等，當然我亦會透過一啲小遊戲、唱歌跳舞等方法，俾小豆可以輕鬆了解理財觀念及重要性，慢慢學會管理自己嘅零用錢！希望大家鍾意我哋呢個分享，多灌輸正面嘅理財觀念俾你哋嘅小朋友啦！
#錢家有道 #TheChinFamily #香港理財月2019 #hkmoneymonth2019 #錢家有道主題曲 #齊齊學下管理財務
[錢家有道 X Plastic Thing]
每次下定決心儲錢唔夠幾日
一見到鐘意嘅嘢就即刻失守
去到月尾見到戶口數字
先至知驚 先至後悔
又再一次下定決心儲錢
就係咁樣越窮越等錢使無限 loop
究竟呢個循環幾時先可以完啊...
等理財超級英雄話你知：tag你個無限loop friends，一齊參加香港理財月活動，用埋錢家理財工具，終止呢個惡性循環啦 (http://bit.ly/2Jo9QM3)
#香港理財月2019 #hkmoneymonth2019 #計劃你財成就未來 #敢至係英雄 #錢家有道 #TheChinFamily
轉工定係繼續留喺目前嘅公司，大家一定要靠自己判斷，唔好因為有人撬你過檔就走，要認清楚邊啲人係想你好，邊啲人只係顧住自己利益。
我聽過同事撬人過檔時喺電話同對方咁講：「仲諗咩吖，我個客咁鍾意你，使咩擔心唔適應？老細見你遞信走先至加薪挽留，佢都唔係真心，一陣turn down offer，我個客仲會blacklist你。何況呢份人工多啲，香港地賺得少點儲錢呀？」
我希望逐點拆解，曾經遇過上述問題、打算轉工，或者諗住暗示老細要加人工嘅朋友，可以借一借鏡。
首先，一份工除咗睇錢，仲要睇你做得開唔開心，同埋有冇發展前景，唔使驚得失邊個，要以自己作依歸。
其次係，即使有公司出offer，你都有權利去考慮，每個人都應該有得揀，作為一間公司如果有求職者turn down offer就blacklist，似乎太小家喎。
第三件事係，老細加薪係基於好多唔同理由，冇錯，有啲係唔辭職唔加薪，亦有啲係真心愛才，當然亦有加完之後挑剔你，甚至寧願請個新人都唔加畀你，乜嘢類型都有，但你作為佢員工，個老細為人係點，冇人比你更清楚。
最後一樣嘢係「香港地賺得少點儲錢呀？」我見過人月薪一萬幾千唔止夠用，仲儲到好多錢；亦見過高薪厚職但原來未到月尾就褲穿窿。錢多與少係好主觀，老細肯唔肯加人工亦好講際遇，所以呢個係關乎理財嘅概念，最重要係自己識得量入為出，同埋制定適當嘅儲蓄目標，如果想喺呢方面有更深嘅認識，今個月嘅「香港理財月」就有好多活動同埋講座幫到你，click以下連結可以參加活動同埋為自己訂立理財目標啦：http://bit.ly/2VW7RQF
錢家有道 The Chin Family更準備咗好多WhatsApp stickers (http://bit.ly/2VSofl6) 畀大家，真係有需要同老細傾人工都隨時用得著。記住，份工係你嘅，啲錢都係你嘅，冇人比你更清楚應該點樣handle！
#香港理財月2019 #hkmoneymonth2019 #計劃你財成就未來 #敢至係英雄
