Question 1

香港知專設計學院評價譚蕙芸 在Facebook 的評價

Accepted Answer

［沒有誰比誰高貴］（六之五）反修例運動此前多場審訊，不論是襲警、藏武器、暴動案，在法庭裡的檢視方法，採取視覺較微觀。示威者在這條街被捕，隔一條街發生的事，不會視為相關。時間上檢視也收得狹窄，例如7.21元朗襲擊，或831太子站事件，示威者受事件影響之後上街，法庭不會視為有參考價值（relevant）. 然而國安法第一審，唐英傑開電單車涉衝向警察防線，車上插了「光復香港。時代革命」旗幟，案件搬到法庭，被提升到「恐怖活動」「煽動他人分裂國家」層次。法庭對刑事案件審訊，多檢視可觸摸之物，如翻看閉路電視、檢視直播片段、化驗被告背包或手袋的物件。但驗視一句話的意義，用甚麼方法，拉闊到歷史何年何月，翻查幾多本字典，還是要揭開人腦看看人的思想？早幾天，辯方專家證人，港大學者李詠怡當被控方逼問舉殖民旗的人心裡想甚麼，梁天琦設計口號的心底意思。Eliza一度在庭上表示：「我沒法子有讀心術　（I am not a mindreader）.」如何去讀一場社會運動的集體心理？社會學家，明顯和法律專家有不同看法。這天，彭寶琴法官問及Francis，他如何理解「反修例運動的時間線(timeline)」。作為專研社運的學者，Francis認為運動由2019年6月9日開始，延續至大約2020年中，但難說某一日正式結束。彭官反問：「逃犯條例不是撤回了嗎？在2019年9月條例撤回後，李教授你仍然覺得運動繼續下去？」Francis說是。彭官亦問Francis，「你在問卷中問示威者，那一個口號有代表性，但每一個集會不是有主辦單位嗎？大會不是有他們的主題？」（亦即民間所謂的大台）Francis回應道，每次遊行雖有個別主題，但整場大型反修例運動不只是個別遊行。「例如人們最初對『齊上齊落』口號感到有共鳴，因為此口號表達了整場運動裡，示威者感到的團結精神和聯繫感(togetherness)。很多時候，口號不是直接與政策訴求有關，而是表達示威者的情感和感受。」這天，辯方專家證人，中大新傳學院教授李立峯Francis進入第二天作供。高個子的他，頭髮長及頸，穿了淺灰色西裝外套，外套布料質地有反光效果，西裝上的縐紋特別顯眼。他出現在證人枱時，拿着橙色的布袋，把厚厚的文件塞在布袋內，擱在證人枱。Francis喜歡把手踭擱在枱上，竪起前臂，長長的手指揮舞着，談起他熱愛的社科方法論，語速越說越快，微微地左右搖動帶輪辦公室椅子。法官不只一次請他說慢一點。有些時候，三位法官們發問的問題，比雙方大狀們更多。Francis說，曾向全香港市民抽樣撥打電話作民意調查。為了要有隨機性，撥打住戶家居電話時，會向聽電話的人問，若家居住戶多於一人，那一位同住者的生日日期較接近，則邀請該人來回答民調。唯一的男法官陳嘉信，手指之間常夾着筆，雙眉上下舞動，立即發問：「為何打電話去家居要這樣問，而手機則不用問？」Francis解答道：「在外國，曾有研究發現，在家庭中負責接電話的人，永遠都是家庭主婦。」法官杜麗冰聽到後，臉上綻放出會心微笑，更向陳官互相交換笑容。Francis續說：「又或者是年輕人搶着電話聽，這樣，民調做出來就會有偏差。」另一個社會學方法論的提問，也是由陳嘉信法官追問出來的。Francis團隊亦曾於廿多場遊行或集會活動中做現場調查。調查員會被分派在集會或遊行現場，邀請參加者填問卷。但隨着運動變得更流水式，出現更多變數，甚至出現衝突。為了保護調查員安全，例如7.27元朗遊行，他們會派出少量資深調查員到現場，派發含有QR Code的單張，示威者可以事後上網填寫。無論是代表控方的周天行檢控專員，抑或法官都問Francis，讓人拿單張回去跟QR Code填問卷，怎樣肯定填的人真是去過現場？陳嘉信法官問：「你說，填問卷的人很熱心，你怎知他們會不會『熱心』過頭，上網虛構答案？」他雙手在空中比劃着括號，把「熱心」二字強調。Francis說，他們巧妙地在網上問卷中加入了一條題目：「這天在那一個示威地點加入隊伍」，亦有一個選項是：「我今天沒有參加遊行」。填表者並不知道，研究員會剔走沒參加遊行的人的意見。「他們填的時候，不知道這條題目若答了，其實篩走了自己，最終我們便可以只分析參加過示威的人的數據。」三法官聽罷，明白學者一早想到這些漏洞，點頭表示明白。法庭裡，尋找「光時」意義之旅，控辯雙方均花心力指斥對方研究方法有漏洞。代表律政司的署理刑事檢控專員周天行，嘗試從Francis的研究裡，找尋不足之處。Francis和團隊以5種研究方法：全港性電話民意調查、示威現場問卷調查、焦點小組、連登討論區大數據分析、公共討論分析（時評人在傳媒的言論），多管齊下來理解社會運動中口號的意義。周專員指，調查大部分於2020年初之前進行，而本案發生的日子（2020年7月1日）之前一段時間，即2020年2月至7月，Francis沒有相關研究。周專員問：「沒有任何事阻止你進行更多研究吧。」Francis指，當他自己知道要做專家證人時，已是2021年4月底，時光追不回了。「我不能坐時光機回到過去(I cannot travel back in time to do it.) 周專員堅持追問，可以做電話民調呀。此時陳嘉信法官插嘴表達其看法：「即係你叫李教授在2021年問番啲人9個月前在想甚麼?」Francis望着陳官說：「你說的我認同，即使可以問，搜集回來的數據也不會可信。問人今日在想甚麼會較可信，你問人一年前想甚麼，可信性甚低。」周專員轉以「以子之矛」嘗試再去進攻。「你曾說過口號的意義會隨時間改變，你在案發前一段相關時間，無研究喎。」Francis再解釋，除非遇到重大事件，口號的意思隨時間改變，基本上是以年計，或以十年計，「口號意義改變，並非分分秒秒在變動」。Francis在庭上首次披露，他團隊進行的「連登討論區」大數據研究，份量之浩瀚，他和團隊從連登「時事台」從2019年6月到8月21日的討論帖子及回應留言，涉及2千5百萬個，電腦檔案足有38GB。周專員從枱底拿出幾疊白紙，原來他的團隊從連登討論區，人手萃取了一些帖文，叫Francis即場示範如何做Coding (編碼)工作。西裝骨骨的Francis翻閱着文件，開始說：「呢位網民【四葉妹妹】有提及過「光復香港。時代革命」沒提及「港獨」及「五大訴求」，可算為「1, 1, 0, 0」; 網民【英國男孩】完全沒提，電腦會記為「0, 0, 0, 0」；這位【草尼馬仔】貼了光時旗的照片，不含文字留言，我們技術上沒法認出。但不改變們這個整個研究方法的合理性」。在嚴肅法庭，聽到鬼馬的網名，旁聽者都忍不住笑了出來。控辯雙方過招，誰的「方法和總結」算是合理，光時究竟意義何在，是否違犯國案法？Francis今天較完整披露他的看法。他認為，控方專家劉智鵬教授，以歷史及語言學角度去看「光時」這口號的意思，作出一個聲稱，就是「『光復香港。時代革命』這口號，只有唯一一個解讀，並為所有人共知」，「但我認為劉教授沒有提供充足證據去證明這個聲稱」。Francis解釋，劉教授報告中用了「necessarily」一字，即口號詮釋的唯一可能「必然」是這樣，這是Francis自己認為需要用多種社科方法驗證的假設。口號究竟是由喊的人那端衍生意思，還是從接收者那邊決定意思？陳法官指，他理解控方劉專家報告中指的是，「喊口號的人懷有分裂國家意圖和目的」。但Francis卻說，喊口號基本上是一個「傳播行為」，不只是一個人單方面「個人表達」那麼簡單。一個口號喊出來，是由嗌的人承擔意義發送者責任，還是接收的人也有份貢獻意義？如此哲學性問題，在法庭的空氣裡交鋒。Francis又像在講課一樣，「作為傳播學者，我認為，喊口號是一個溝通行為，不只是一種自我表達。我嗌一個口號，會考慮接收者如何理解。」小個子的法官杜麗冰，左手手指戴了綠寶石戒指，她一邊說話一邊以手部語言輔助她的比喻：「好像我跟一百個人說，我喜歡西瓜，有人會覺得我愛吃紅色的生果，另一個人覺得我愛吃綠色皮的水果。我發送一個訊息，但別人接收不同。」Francis補充：「不止這樣，說話的人會小心用字。例如有一句句子意義明確，另一句句子的意義含糊，如果我要表達自己，減少誤會，我會選較明確的那句。」陳官提出，智力不同的人也會用字不同。Francis反駁：「不只，也看大家出身甚麼背景，像你們法庭背景的人理解『引導性問題』(leading question)和我們社科人便不同，不只是智力差異的問題。」聽到這句話，杜官和陳官都作深思狀。控方曾挑戰，指若文字意義多樣，人們便沒辦法溝通。Francis在此反駁：「劉教授說，人們會跟社會慣例(convention)去用字，但問題是，社會有很多慣例。文字使用很複雜，也有修辭學(rhetoric)作為一種慣例。劉教授把語言意義解得太過死板（too rigid），語言意義多樣，修辭令人們變通調適，否則世界便沒有創意寫作了（creative writing）。」控方周專員指出，劉教授也有其「證據」，就是警方跟據示威錄影片段，數算有多少次出現「光時口號」，而這口號與「顛覆元素」如港獨訴求、暴力行為同時出現。Francis反駁，這數據只在「點算上」可靠，但兩件事同時出現(co-appearance)，並不等於有關。Francis用一個生活化的例子，說明兩種同時出現的東西，無必然關係。「在大學，學生在班房可以自由入座，兩個大學生每次課堂都一起坐，可以解讀為他們是朋友；但在中學，課室座位是被編排的，兩個中學生常並排而坐，只能說他們是一起坐。」然後，Francis就望着控辯雙方大狀的方向：「就像在這個法庭，李先生和周先生也一起坐，要考慮這是個法庭場景。」眾笑。至於示威場景，有其特性，Francis解釋：「好像每年香港七一遊行，於同一個示威裡出現的團體，訴求可以不共容。如性小眾、勞工及外傭團體也會各自有訴求。」即使大型示威有一些共同訴求，各人理解也有差異。Francis指，他有研究2014雨傘運動，其口號為「我要真普選」，「但落實到具體解釋，甚麼是『真』的普選？『真』字既開放又抽象，讓人各自己想象。」文字容易於不同場景被誤解，Francis特別澄清了一個可能的誤會。焦點小組討論的指引中，研究員需要留意討論覆蓋不同範疇。其中一個範圍呈在法庭文件中，寫道：「社會運動意識形態和激進化(social movement ideology and movement radicalization」。Francis特別澄清「激進」二字的在的學術意思：「激進化，在研究社運學術世界裡，意思是與社會常態的距離（deviation from social norm ），涉及更重大改變的意思，並沒有『好與壞』的評價。」「好像反修例運動最初，有人要求『成立獨立調查委員會』，這訴求較溫和，因為過去香港也曾成立過，相比起來，『解散警隊』這口號則較激進」。陳官補充：「即是要求更徹底的社會改變。」陳官亦引述文件中的資料，好奇地向Francis查問：「為何你認為『光復香港。時代革命』比『五大訴求』更激進呢？」Francis解釋：「修辭學上，『革命』比『訴求』所涉及的改變，幅度更大，這是明顯的。」在香港的刑事審訊上，「不爭辯事實、客觀存在」是常用術語，去指控一個人做了一件事，作為刑事案的入罪條件。然而一支旗，一句口號，如何建基於事實，使用這種法律語言，又出現了奇特的交雜和火花：周專員指出，警察報告中點算示威口號出現次數是「客觀、不爭辯的事實」。Francis反駁道：「你們只是提供了口號在示威現場，曾出現過的這個事實。」周進逼：「你們只是倚賴別人的意見。」Francis：「我們紀錄了人們表達意見的這個事實。我們分析的文章、人們論述過這些意見，都是一種『社會現實』（social facts）」周再問：「你是否同意，劉智鵬教授報告裡，他對光時口號的解釋，是對的(correct)？」詮譯變成了對和錯，二元對立，二選一，社科學者抗議了。Francis：「我們的總結是，口號是開放的，抽象的，不只一個解釋，每人有每人的論述。我不會評價一個時評家對口號的解釋，正如我不會評價焦點小組裡一個平凡人的解讀。(I wouldn’t judge)我不會說，這個人的解讀是正確，這只是他自己的說話　(I wouldn’t say if this guy is correct, it is his own articulation)。」周不放棄：「你不會異議，若我說劉智鵬教授的解讀是對的。」Francis斬釘截鐵回應：「我會異議，問題並不在對與錯」。杜麗冰法官嘗試插話，問Francis：「你會否覺得劉教授可以作這樣的解釋，即使你不贊同其解讀？」Francis說：「我個人不會對口號作這樣的詮釋。劉智鵬教授的詮譯，只是『其中一個詮釋』。其解讀的地位沒有特別高，也沒有特別低。相比起某一個時事評論員，或者我們焦點小組的某一個參與者。」周天行在盤問到最後，拋出了這個問題：「我說，我方對口號的理解方法(approach)更可靠。」Francis噗哧笑了，全場亦爆出陣陣笑聲：「哈哈，肯定不是。警察在『點算口號』上或許是可靠，但我挑戰警察報告中『對數據的理解』，當口號與顛覆元素共同於示威場合出現，根本不是支持口號有顛覆意義的證據。我對警察報告是完全不贊同。」此時，周天行專員彎腰，跟坐在他旁的同事耳語了逾三十秒。周專員回過頭，橫空拋出這句話：「我向你指出，你的報告不可靠，不相關。」Francis咬字清晰，語氣肯定回應：「我的報告，既可靠，合乎標準，亦相關。」誰的解讀更有權威？控方專家認為喊口號的人必然意圖顛覆；辯方則指出，口號是開放和曖昩的，任何人的解讀，都沒有比另一個人的解讀更有權威。一支旗，八個字，意義之爭，連繫着多位國安法被告的命運。國安第一被告唐英傑，身型壯碩，年輕的他坐在犯人欄，由幾個懲教署職員押送。唐的學歷不算高，是一位日本餐廳的厨師，然而穿着深色西服的他，還押了一年後，出席他自己的審訊，連日聽學者解讀他舉過的一支旗，都堅持翻閱着厚厚的法律文件，專心地聽着耳機，坐在他旁邊隔了犯人欄的翻譯先生，即時以廣東話傳譯。「Rhetoric….修辭學」英語對話，小聲的廣東話，在法庭後方響起了，兩條聲道有些重疊。幾名穿墨綠色制服的懲教署職員， 和唐一起坐在寬闊的犯人欄內。懲教職員的身體，慢慢挪移越近唐的方向，他們偶爾也竪起耳朵，跟進學者們的辯論進程。連穿着保安制服的叔叔，都聽得懂英語，都留意到辯論擦出火花，露出驚訝的表情。八個字，有罪還是無罪，全城關注。誰的解讀更高貴？時鐘已到下午四時半，明天Francis繼續作供。＊＊＊國安法首審專家證人系列（六之一）：［Regime & Redeem］7月2日控方專家劉智鵬作供https://www.facebook.com/wwviviantam/photos/a.1435553239866430/4210137115741348/國安法首審專家證人系列（六之二）：［Just Do it］7月9日辯方專家李詠怡作供https://www.facebook.com/wwviviantam/photos/a.1435553239866430/4229321820489544/國安法首審專家證人系列（六之三）：［過去與未來］7月12日辯方專家李詠怡作供https://www.facebook.com/wwviviantam/photos/a.1435553239866430/4237523026336090/國安法首審專家證人系列（六之四）：［知行合一］7月13日辯方專家李詠怡及李立峯作供https://www.facebook.com/wwviviantam/photos/a.1435553239866430/4240215429400183/國安法首審專家證人系列（六之五）：［沒有誰比誰高貴］7月14日辯方專家李立峯作供https://www.facebook.com/wwviviantam/photos/a.1435553239866430/4243328702422189/ 國安法首審專家證人系列（六之六）：［選櫻桃的人］7月15日辯方專家李立峯作供https://www.facebook.com/wwviviantam/photos/a.1435553239866430/4245860505502342/（圖為辯方專家證人中大新傳學院教授李立峯離開高等法院）

Question 2

香港知專設計學院評價龔成 在Facebook 的評價

Accepted Answer

【龔成問答信箱】（Q21481-Q21500）Q21481：你好! 老師。我今年28歲，疫情問題，搞到我現收入對比之前少左差唔多4-5成人工，現時收入得17000。而我對於金融知識可以話係0，之前一直都無去接觸投資或者相關知識！近一兩年我更加體會到合適投資理財既重要性，最近機緣巧合之下我接觸你個page ，所以我忍唔到想問一些有關好新手既問題。我想問︰1. 投資是否要有一定既本金，才可以開始。我有朋友一直都叫我合理投資，佢話就算你得幾千蚊都可以！唔一定要幾萬/幾十萬。而我就覺得本金覺得要有返一定既數目，例如兩三萬不等。2. 另一個問題係，我身邊有部分朋友佢地投資股票，大部分都係短線投資（我唔知佢地對該股票本身公司既了解程度深淺）係宜類事上樣，佢地算係投資定算係投機!?3. 最後我想問一下，28歲先開始慢慢學（本身興趣不大）會唔會係好遲可能真係問左幾個好愚蠢既問題，但我覺得如果開始要學，更加應該要解決我眼前既疑惑先。龔成老師︰「發問」，係學習必經階段，唔好覺得愚蠢，而停步。因為，無人一出世就乜都識，好多野，都係後期努力學習得來。所以，你想做投資，就要努力去吸收知識。睇財經新聞、睇企業年報、投資書籍、上相關課程，都會對你有幫助。1) 我地開始投資，唔一定要有一筆較大的起動資金。只要你每月有一定儲蓄能力，就可以利用這筆閒錢，以月供股票形式，去進行投資增值。以你28歲，可以選擇一些「平穩增值股」+「潛力股」作投資目標。以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。2) 我地買入一隻股票，就等同買入一間企業，一定要知道佢質素、行業前景、財務狀況等，才去考慮否投資。當我地確認係值優質股後，我地會用平貴定入貨策略，並長線持有。而唔係做短炒，去賺差價。因為短線股價會受市場氣氛、資金流向等，與企業質素不相關的事情影響。這些因素，我地係不能估計。但長線，企業價值會係股票上展現出來。因此，優質股你買入後，長線持有，讓其自然增值，永遠都係最有效的財富增值方法。而你朋友，不論佢地對企業了解多寡，短線操作，必然受很多不能預計的因素影響。因此一定賭博成份，故算係投機。3) 你28歲，唔算遲，依然有好充裕時間做財富增值。你除了盡力儲蓄、投資、學投資知識外。也要把握你年青優勢，盡力儲錢，做好財富增值部份。------------------------------------------------Q21482：老師，今日隻ASM 近期上升，雖然得一手，我在50值博倍升股中挑選的，1177都有三手，好有滿足感!但係佢地升咁多，我点加碼再入再長線持有呢？好矛盾二月開始學習股票，終於睇到威力，都滿足又請教!等番跌落合理價，又可能冇我入咁低，個值博率咪又低左囉？龔成老師：太好了！ASM PACIFIC（0522）有質素的，這瘓《50股》其中一隻，優質度4分，可見值得長線持有。至於中生（1177），同樣可以長線。如果你本身有貨，就唔好太急去買入，ASM PACIFIC約在合理區頂，中生就略貴，你都一以耐心少少，等佢地回翻D先加注。有時就算未到你之前的買入價，只要合理，而你又資金足，買入後仍有現金剩，都可以考慮的。------------------------------------------------Q21483：拜讀完財務自由行後, 有些關於物業投資的問題,想請教下, 先講下本人的資料先: -女性, 單身, 40歲                            -無買過物業, 現住我媽名下之自置公屋, 已供完, 未補地價, 無住屋問題    -現在財務狀況:                           *人工$29000, 收入穩定         *基金USD30000 , 月供HKD2000                       *股票$450000, 分佈如下:      2 - 15%,                             3 - 6.5%,                          11 - 14%,                66 - 10%,              590 - 5%,                               737 - 0.3%,                           823 - 3%,                                         939 - 4%,                                       1177 - 6%,                                     1398 - 1.4%,                                    1448 - 1.9%,                                 2382 - 1.6%,                                2638 - 0.9%,                                 2800 - 23%,                                      2823 - 0.5%,                                   2828 - 4.9%,                                      3067 - 1.5%,                                     9988 - 1.4%                                  並現在月供66 - $1000,        823 - $1500,                              2382 - $1000,                       2800 - $1500,                                 9988 - $1000                          *現金$200000,                         *公積金$1600000,                                   想問:                                               1. 睇完財務自由行時才發現物業都好重要, 但以我的年齡才買樓會否太遲? 我驚銀行不會做太長年期按揭?2. 如買樓可以, 要如何儲首期? 因買後打算放租, 要預較多首期, 再要儲幾年錢, 驚按揭難做           3. 還是不買樓了, 買股票儲資產算了                                    買樓這問題, 我想了幾個星期, 問不同人有不同意見, 都不知怎決定好, 所以都好想聽聽龔老師意見, 謝謝你的回覆!其實我驚年紀大，現在才供樓負擔太重，另外股票打算長線投資，但如因買樓要賣出，又唔知好唔好龔成老師：你現時的股票組合，基本上都無問題，大多是優質股，同時算是一個平衡狀態，而部分持有較多比例的，就不要再加注，你預一隻股票去到15%是上限。1）在我地財富配置中，應該長遠建立「股樓平衡」的組合，不過，你現時無住屋方面的逼切需要，因此，你在這方面變成了不是「必然」。但長遠，建立股樓平衡都是方向，但要留意，雖然這是方向，但我地買樓有一個好重要的原則，就是「供得起」，要確保在這方面無問題。如果太勉強，就未必是好事。以你的情況，暫時不用急於買樓，因為當你買樓後，財富會太偏重在物業，同時你在供款方面，都會有一定的數目用於供樓。因為你這刻的財富與收入，並不算好高，因此在置業後，會用了一定的資金同時供樓可能會有吃力，就算收租現時亦未能對消供款，每月都要有支出。2）儲首期以儲蓄及投資股票滾存，然後到接近買樓時，就要賣出股票去套取現金準備買樓。3）你可以視買樓為一個方向，但不用一定要完成，同時不用好急去進行。可以等你財富有更大累積後，例如定一個3年的儲蓄投資計劃（試試在3年內，盡全力去儲蓄、投資），睇下到時的財富與收入情況，再作決定。------------------------------------------------Q21484：老師 想請教一下 組合入面想減少一啲質素無咁好既股票套現 可唔可以俾啲意見減邊隻好405 66 788 1558 823 2342 8083 2806 1980 336 2208 6618 6993 1810 大部份都蝕緊 未返到家鄉 除左823 66 1980 1810 8083有賺龔成老師：上述持股的隻數，的確有少少多，管理會較難（但又不是好多）。而我地決定一隻股票去或留，不是睇賺蝕，最重要睇質素。而我見組合內的股票，其實又不是差，因此問題的確大。京信通信（2342）、中國有贊（8083）、天鴿互動（1980）、華寶國際（0336），並不是無質素，只是風險較高，又或業務較為波動，可考慮減持部分。至於其他，無問題，可以長線。------------------------------------------------Q21485：522 ASM 之前公怖第一季純利急升，對估值有沒有提升，現在加注是否合適？謝謝至於700，1177，9988，等等我直等老師說到合理位置才入，所以700，9988，未有加注，1177就越等越貴，不知如何是好。謝謝你龔成老師：ASM PACIFIC（0522）有質素。佢係半導體和發光二極管行業的集成和封裝設備供應商，為跨國芯片製造商，為獨立集成電路（ＩＣ）裝配工廠和消費電子產品製造提供半導管裝配設備及材料。過往的生意與盈利都有增長，不過盈利有點波動，這都會令股價略有波動。佢業績正面的，會對估值有少少提升，但我在分析時，會以更長期的角度分析，不能只睇短期業績。因此，雖然現時睇佢業績正面，但都不能太過調高企業價值。而佢長遠有一定的發展，可長線投資。現價合理區頂位，如分注小注或月供，仍可以。如果本身不太多貨，都可加小小，加如果已有一定的貨就唔好加。至於另外三隻，你可以月供的，如資金不多，就停一停，不要急於買入。------------------------------------------------Q21486：你好，我想問下，如果月供股票會否產生很多碎股日後出售比較困難？龔成老師：的確會有碎股，但其實不用太擔心。第一，碎股都可以賣到的，一些大型股，只要價位低少少就賣到。第二，當你好長期去供的時候，碎股佔比其實好少。第三，有些銀行提供「你在該銀行月供股票，該銀行比你用正股價賣出」，佢地會提供這服務。------------------------------------------------Q21487：龔成老師你好，我最近開始由讀醫書，放假開始研究投資。想透過投資，為屋企人帶來更穩定嘅退休生活。但我係投資新手，想問應該如何入手，因為平時鑽研醫書用上好多時間。我是一位醫學院畢業生，投入職場數年，最近因為打算為屋企人帶來更穩定嘅退休生活，並有出國進修嘅目標，開始在工餘時間，由鑽研醫書，抽撥時間開始研究投資，因而關注了你的專頁。我是投資新手，所以把握時間，清楚自己嘅投資能力同方向龔成老師︰你讀醫，相信會投資一定的時間去得到專業資格，而這個事業的回報，比一般的其他職業為高，因此，你要好好發展這事業。因為這個事業可以為你帶來理想的初期本金，之後再配合投資，可以為你帶來長遠理想的財富。怍為一個位投資新手，你建議你先要做三樣野。第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。你可以先睇我本《股票勝經》，適合初階投資者的。第二，了解銀行及證券行，去開一個證券戶口，並準備做月供股票。其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。原理如同儲錢，不過就不是儲現金，而是儲股票。計劃要長期進行。另外，盈富是一個包含55間優質企業的組合，適合絕大部分人投資，風險不高，長期儲貨可助你財富平穩增值，記住要長線持有。當你在做上述三件事的同時，開始學下股票，了解下那些股票適合你自己。上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。------------------------------------------------Q21488：唉！成哥！好惨！朋友介紹我買輪。買左華虹12479..0.26買，就死得。係米冇可能升返0.26其實我第一次睇你fd，我已經覺得你好好，好細心幫d網民分析。如果之前我大胆d問下你的介绍同分析，我一定吾係咁結果龔成老師︰我20年前，都是短炒者，技術分析者，用左幾年，輸足幾年，之後長線投資，就開始不斷賺錢。其實我當時，用左幾年時間去學分析技術，我當時不斷睇書、上堂學短炒，但最後都是輸，可能是我能力不足吧。但我之後做銀行同證券行，見大部分輸錢的客，都是偏向短炒的。當然，你問我有無人贏錢，是有的。但就我觀察，長線投資贏錢的人，比短炒的較多。另外，如果你分析全球真正賺錢的投資者、經金經理，佢地都無人短炒，都是長線投資的，巴菲特都是反對短炒的，佢都唔用技術分析。因此，我相信長線投資，是真正助我地贏錢的方法。所以，我不停會叫讀者，唔好短炒，唔好用衍生工具，就係這個原因，這都是經驗之談。以你現時情況，建議唔好再用衍生工具。因為短期股價，主要係受市場氣氛、資金流向等，與企業本質不相關的因素所影響，好難估。但長線，只要係優質股，企業價值一定會係股價上慢慢反映出來。因此，若你睇好個別企業，你係應該買正股，而唔係短炒工具，並長線持有。華虹半導體（1347）有質素，發展不差。佢主要從事半導體產品的生產及貿易，開發及提供晶圓工藝技術組合，包括嵌入式非易失性存儲器及功率器件，以及ＲＦＣＭＯＳ（射頻互補式金屬氧化物半導體）、模擬及混合訊號、ＣＭＯＳ圖像傳感器、電源管理及ＭＥＭＳ（微機電系統）等多種其他技術。佢客戶主要為集成器件製造商與系統及無廠半導體公司。中國因為想發展這方面的技術，政策在長遠會對這公司有利，增長正面。但你現時投資12479這些衍生工具，投資策略與正股好唔同，這些衍生工具當你見到唔對路，就要立刻賣出，無得守，因為佢時間值會不斷減少，你持有愈耐，就愈貶值，你只能等多短時間，現時距離到期有2、3個月，你最好在1個月內，無論升跌多少，都要賣出，否則之後時間值跌得好快。------------------------------------------------Q21489：龔成老師， 同朋友一齊做生意，但係佢叫左自己屋企人黎反工，我就開始有種唔知點既感覺，又唔知點叫佢做野，我應該點處理。龔成老師：第一，你要同佢溝通，做生意要多溝通，要大家知道各自的想法，比佢知你想點，同時你都要了解佢想點，要找一個大家都平衡到的方法。第二，要定規則，要盡早定立營運模式，要向企業化去行不能一個人話事。當企業化，就大家要守規則，事情就會較易處理。------------------------------------------------Q21490：老師你好，考慮左好耐，始終都係心思思想向你請教一下。因此近年係FB睇到老師分享資料好有用，而且你強調買股票應該採用價值投資法，而唔好只係為短炒波覆，呢一點真係好警醒我。回顧過去買賣股票，因為只顧短線波覆，其實鑊利唔多，可以只係打和。所以而家開始，我都希望自己可以跟從老師既方法去投資，請老師指教一下。我今年32歲，月入3萬。存款100萬，月息可收約2％，股票約30萬（2388,2628,9988,3069）以前買股票，短炒為主，波覆收入會儲一半，花一半。未來1-2年希望買樓，請問老師覺得我應該從現金再投資幾多去股票市場會比較好？同埋想問一下3888,909呢類是否可以低吸儲貨？謝謝龔成老師︰記住，我地投資股票，係希望長線持有一些優質企業，透過佢自然增長，達至財富增值目的。而唔係做短炒，去賺差價，這個方法係好錯。32歲計，你應先做好增值部份。但由於你1-2年內要置業，資金係有一個明確的使用目的。而且時間太短，如果用來投資較有潛力股票，會有一定波動性，影響最終回報。以你情況，資金最多可以投資一半在收息股，另一半則以現金或定期持有。再保守D，你可以只持有現金或定期都可以。收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。現有持股，華夏恒生生科(3069)和阿里巴巴(9988)波動性會較大。中國人壽(2628)質素只是中等。如果置業時都需要贖回現有持股，我建議你減持部份﹐將佢換成收息股，定期或現金持有，會較好。到你買樓後，新資金才投入較有增長力股票，幫你作財富增值。金山軟件（3888）主要從事遊戲研發及提供網絡遊戲、手機遊戲及休閒遊戲服務；提供雲存儲及雲計算服務；設計、研發及銷售推廣辦公軟件產品及服務。業務有質素，長遠發展力不差，不過擔心股價較為大上大落，現價合理區頂位，這股前景正面的。明源雲（0909）有潛力。佢主要係中國房地產開發商及房地產鏈參與者，提供企業級ERP解決方案及SaaS產品。睇翻佢之前的資料，佢係中國房地產開發商的第一大軟件解決方案供應商，市佔率有約2成。係呢個市場裡面，按收入計，亦為ERP解決方案及SaaS產品的最大提供商。其實，佢的角色可以話中國房地產行業的數字化轉型，為房地產開發商及其他參與者，開發了一套行業垂直的ERP解決方案及SaaS產品，以助其管理廣泛的業務運營。包括銷售及營銷、採購、成本管理、項目管理、預算以及房地產資產管理，佢的SaaS產品包括雲客、雲鏈、雲採購及雲空間。業務雖然有增長力，但股價都唔平，如果初步分析，處貴水平，值博率未算強，始終市場現時對這類股有好大期望。但由於3888和909都係波動性高架股票，暫時不適宜你用來投資，等你置業完成才再考慮。------------------------------------------------Q21491：龔成老師你好，本人36歲，單身，正職加freelance收入大約每月兩萬元。最近一年才認真開始儲錢。現在儲了10萬元港幣，另有多年前買入的5萬元人民幣。有意分注買入股票作長線投資。很想請教您的意見！現在我可以keep住每月儲一萬元。我打算平均一個月用大約＄5000 分注買入股票。餘下的$5000儲起，等在大市回落時用來買平貨。我初步的想法是：1. 每月買一手安碩恆生科技（03067）2. 大約每隔兩三個月買一手雅生活（03319）或者中國生物製藥（01177），你建議買哪一隻較佳？請問我這樣方案可行嗎？定係有其他更加好的組合更適合我？另外你會否建議初學投資的人先集中只買港股？其實我亦有意投資美股ETF，原因是我見它長缐的回報不錯，有不同成份股亦可分散風險。只是現在我資金不多所以暫時不打算買。我有信心半年後我的freelance收入會有所增加，到時可有多些資金投資，打算之後每月keep住用分注買入VOO，長期月供。這樣可以嗎？感謝龔sir寶貴時間回答。龔成老師︰我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。你現時36歲，應以增長力為主。現時你先用$5000分注，另外$5000儲起等大跌市機會，這策略係可以。安碩恆生科技（3067）、雅生活（3319）和中國生物製藥（1177）都係有質素，和較有潛力股票。3319和1177相比，潛力度1177會高少少。而現有人民幣，如果無特別用途，可以換回港幣，連同10萬元作投資之用。但我地投資增值，唔係只係講求增長力和優質程度。同時間，我地都要考慮成個資產配置。唔可以太集中係個別資產、行業或者股票。你所提到的股票，都係潛力股類別。佢雖然有增長潛力，同時風險都較高，不宜持有過多。你每月分注，暫時集中係潛力股係可以，但現有資金，必需較集中在平穏增長股部份，去平衡個風險。長線計，你要留意平穏增長股和潛力股比重，以你年紀，最多只可以50:50。而你只係初學者，要再打折扣，大約佔3成好了。另外，50:50這個比重不是永遠。到你年紀日長，你要慢慢下調潛力股佔比，去平衡個風險。平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)至於初學者，無話一定要港股先，定美股先。個重點係你較了解邊個市場，和當中股票。美股都有質素，若你對美股有一定認識，將來都可以將VOO加入月供組合之中。 ------------------------------------------------Q21492：老師，20歲 Year2，我好希望大學畢業之前儲到半個百萬即係500,000！龔成老師：這是一個高目標，不過，不是不可能。最基本你要你要做好理財，盡力儲蓄，之後就要睇下你點樣滾大財富。主要方法有兩個，第一，投資，較集中投資增長力較高的股票，當然會有風險，但同時要求你有一定的投資實力，但只要付出，我相信$50萬目標不是不可能的。第二，做生意，你現時大學生，應該能找到時間做生意，同時可以找一一個年輕人的市場，這是你的優勢，只要做得好，你可以有理想回報。加油！我等你完成目標的好消息！------------------------------------------------Q21493：似乎Alibaba 近况普通，想把它換了腾訊1357聽講它買了很多Bitcoin, 我又無膽買Bitcoin, 所以考慮它，你覺得如何？龔成老師：我地分析企業時，最重要是睇翻企業的長遠發展，唔好單比這一刻的情況影響，要睇長遠。阿里（9988）有質素，有增長力，之前貴，現價去翻合理區。其實仍不差的，佢同騰訊（0700）的質素，接近。阿里係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。以企業的長期發展計，這股的確優質，但股價都有一定的波動，現價算是合理翻D，但都不是大手時候。始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。對於這類優質、有發展，但現價未算特別平的股票，小注分注投資，或月供，是較好的方法，算是平衡了風險與增長的考慮。這股可以長線投資的。預佢現價約合理區中上部。至於美圖公司（1357），佢的確有投資比特幣，你當間接投資，都可以的，但你預佢上落較大。這股業務都算正面，佢過左最差時期，現時正向好。佢主要從事提供在線廣告及其他互聯網增值服務；以及開發、製造及銷售智能硬件產品。見佢財務數據改善，這企業仍有發展力，有長線投資價值。不過業務變化始終大，不建議大注投資。------------------------------------------------Q21494：你好，老師，有些問題想請教你：本人30歲已婚，家庭月入約18萬，平均儲蓄每月13萬，現持有一幢樓齡約34年的物業，市值800萬，現欠按揭350萬。目標想購置一個三房港島單位作永久居住使用, 現有物業則用作放租用途。本人和太太現金約有420萬，由於理想單位大約需要1800-2000萬，首期不足，故此有兩個方案,還望老師指教：1）儲蓄多3-4年和平穩投資，儲夠首期以買到心儀3房單位2）投資一個兩房新樓，如康城/啟德/黃竹坑等，待物業升值後再發售並換上心儀單位請問上述方案更好？定還是有其他可能？謝謝龔成老師：其實兩個方案都可以，但從這刻的投資項目值博率考歲，方案（1）較好。當我地考慮你長遠的置業計劃時，會考慮怎樣最有效達到，怎樣將現時的財富，最有機會及最快，能完成你的目標。現時股市的平貴度，相比起香港樓市為平，因此在增長力方面會較好。再加上股票的流動性較強，以及買賣的成本比你物業買賣成本為低，因此，（1）對你來說是較好的。另外，當你進行（1）的方法，其實不一定硬性規定要3-4年，如果你持有股票升值較快，同時樓市出現下跌，這已經可以買。相反，如果資金未足，就可以遲少少先買，可彈性處理。------------------------------------------------Q21495：呀Sir~我想加番多d潛力股落個組合到（暫時我只有盈富同六福）想問問中生製藥1177，是否$8以下都可以入？另外，福壽園1448係咪around $7.5以下都可以入呢？我想暫時各入1-2手另外，小米都想買一手，依家可否都入一手呢？龔成老師：這3隻都可以，你可以在適當位置加入。褔壽園（1448）$7以下合理區頂，如果$7以上你小小注好了。中生（1177）$8以下合理區頂。小米（1810）$24以下合理區頂，如果在這價以上，你小小注，或月供好了。你可以買入一手，等跌再加。另外，你可考慮安碩恒生科技（3067）。這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買可次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。------------------------------------------------Q21496：阿Sir 之前睇咗你嗰條片關於25歲再讀四年full time course, 好有少少問題想請教你。 我18年大學畢業主修英語研究。 畢咗業兩年半我都係做luxury零售業,因為我知道未來嘅路我唔係想做零售 我三月中辭咗職。 我計劃左打算今年8月考試CFA所以而家嘅時間溫習多。 而家暫時都係冇做嘢，有時會做兼職， 之前儲嘅錢都有做少少投資。對於呢個轉變呢一刻我有少少迷惘 但係因為我選擇咗咁樣去做，所以都要硬着頭皮繼續去。 所以你對於例如考 CFA 或者FRM認為係點？ 我之後都想會喺金融或者銀行個方面發展我以前中學係讀商科 同埋都有考LCCI。因為而家疫症嘅關係我短期內都應該唔會搵到工 屋企人都為我有啲擔心。龔成老師︰我地考慮重點，應集中係你長線發展。首先，你要了解CFA和FRM對你將來工作，會唔會有實際幫助。如果有，你就努力去做。心態上，只要唔好為左有張沙紙，人有我有而去做。而係從實際作用出發，去考慮這件事。另外，現時除左讀書和兼職外。你都可以睇下，有無一些工作，係可以吸收相關經驗。可以幫助你將來，進入你心儀的工作，都值得去試一試。短期可能因為讀書、學習，令收入偏少(當然，收入減少不致嚴重影響家人。)。但長遠係有利的話，你就應向這方向進行。------------------------------------------------Q21497：   你好龔成先生， 我想請問點樣可以增重增肌，同時又可以兼顧儲錢呢方面。因為健身需要大量食物補充，是否只能降低少許儲蓄平衡。龔成老師︰如果增重增肌是你工作所需，而又對你工作有利。你係可以調整一下儲蓄部份。但若果係個人興趣，你就要找出儲蓄增值和生活興趣中，取得一個平衡點。若你放棄今天興趣的消費，去加大儲蓄，自然財富增值會較快。當財富累積較多，將來你就有更多資金實現你夢想和興趣。當然，這個平衡點無一個絕對答案，你可以自己衡量。------------------------------------------------Q21498：龔sir, 我持有以下股票，有乜評價，應否繼續持有？396823193993262859418611515338686958816663613338211113龔成老師︰首先，你持有組合好雜亂，而且太多隻。長線計，你要集中翻係8-10隻左右，會較易管理。你組合配置上，算係一個偏保守的平穏增長型組合。若你係較中年，這個組合係可以。整體而言，你持股質素都無大問題，但要留意翻以下幾隻。洛陽鉬業（3993）、天津港發展(3382)質素上唔算最高，加上波動大，不宜大注。中國人壽(2628)、質素只係中等，同樣不宜持有過多。北京北辰實業股份（0588），本質不算差，但賺錢能力又不算好高，同埋企業規模較細，都是較負面的因素。如果你持有的股票不算多，可以繼續持有。若持有較多，建議沽出部份，平衡個風險。同仁堂科技（1666）有質素的，不過增長力比過往略減。唔值得投資太大注，小注等佢回勇係可以。------------------------------------------------Q21499：龔sir想請教下你。本人25歲，每月可儲蓄14000，其中月供股票8000，餘下6000等大跌市先用。現有7萬現金，40萬股票組合如下︰0257 光大環境 12.5%1177 中國生物製藥 12.5%1833 平安好醫生 5%2800 盈富基金 20%3067 安碩恒生科技 25%3091 A日興電遊 25%月供股票都係用這比例供，想問5年後累積200萬資產可能性大唔大。同埋問如果資助配置係，每年做一次rebalancing 好定係用升一倍放一半好d？謝謝龔成老師︰你現時持股都有質素，月供資金分配都可以，都係適合你年紀。安碩恒生科技（3067）及A日興電遊（3091）有少少都是同類，因為有不少都是科技類別，因此，你持有的比例其實已開始多，你要留意翻（這刻問題未算大，加上你年輕，可承受風險），只是長遠要留意比例不能過多。但留意光大環境（0257）業務本質不差的，不過負債不斷增加，令風險度提高左。其實有長期投資價值計，只是太宜大注。現貨可持有，但唔好再加注。我假設投資回報有10%（連股息再投資），你每月投資$14000 + 47萬(現金和持股)，5年後大約會增值至170萬。故你要再加大少少投入，每月大約去到月供$16000-17000，才有較大機會達至你的財務目標。至於幾時重整組合比重，其實你1年左右做一次就可以。當你發現個別行業，或者潛力股比重開始過高，你就要作出調整。調整唔一定係沽出現有股票，可以透過新資金的配置，去令組合平衡翻。同時睇下有無持股質素轉差，就要沽出部份，甚至全部持貨。至於升一倍、沽一半這策略，但比人些不懂定平貴，或者好保守架投資者。讓他們先收回成本，所以唔係一定要做。因為只要持股係優質，長線持有永遠都係最好。------------------------------------------------Q21500：龔成老師你好 我想請問係没有會計基礎下 有無書藉可以推薦 讓我可以睇明白年報？ 還是必須要去上會計課程？ 我是澳門人 一直沒機會上你的課程 過去一年睇左各種各樣嘅書藉 但一睇公司年報就頭痛 基礎知識太差 希望老師可以指點一下（其待有日你可以到澳門開班）龔成老師：你可以睇《年報勝經》，這是是寫比一些無乜會計知識，而又想學睇年報分析的人，相信是適合你的。你睇完這書後，再試下睇企業年報，自行分析。如果日後有需要，就再講會計課程。另外，如果你想學股票基本知識，可以睇《股票勝經》。其實我之前都有開過澳門班的，不過現時疫情，所以暫時停左，之後會再開翻的。你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。因為現時已有好多澳門人留左位。----------------------------------------------若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

Question 3

香港知專設計學院評價龔成 在Facebook 的評價

Accepted Answer

【龔成問答信箱】（Q21421-Q21440）Q21421：龔sir上完你個堂，我分析左152呢間公司，因為阿Sir有推薦過548收息，而152又係548嘅母公司，我睇過佢係業務覺得佢嘅增長能力應該好過548，所以想考慮用作收息及有所增長。現在有幾個問題唔清楚，想請阿sir解答：1 佢2020年嘅流動負債得大增一倍幾是否係收購蘇寧易購引致呢，對佢本身有咩影響呢？2 這股近幾年都派特別息，是否會對往後派息不穩定呢？3 我搵左佢近5年平均市盈率係7.6-10.4，以佢最新一年嘅盈利1.1嚟剩返，得出嚟嘅估值大概係$8.4至$11.4，是否太低？阿Sir認為合理價係幾多？點計算呢？唔好意思新手上路要勞煩阿Sir幫幫手龔成老師︰先講深圳國際（0152），此股係有質素，是不差的收息股。佢主要從事收費公路的開發、營運及管理；物流中心及綜合物流港的建設、營運及管理；提供第三方物流服務、物流資訊及金融服務、港口及相關服務、物流園轉型升級服務。過往業務穩定，生意與盈利都不差，不過就不是高增長類。這股都有長線投資的價值。現價合理，投資收息可以。1) 此變動與收購蘇寧無關，只要你留意資產負債表，你會發現變動，主要係來自貨款部份。當你再仔細睇附註25，你就會發現，其實係一些中期票據和債券到期日，由以往多於1年(計入非流動負債)，變成1年之內(計入流動負債)，因此流動負債才會大增。以集團現時財務狀況，負債問題不算大。2) 由於近年特別派息，主要來自土地轉讓的收入，這些收入都是一次性。因此，有機會往後特別派息會有波動。3) 我地係計算合理市盈率時，會用過去10年數據，抽取中間4個市盈率7.6 - 9.6倍，作為參考。但在採用前，你先要分析，這個4個中位數，是否可以合理反映其價值。我地睇翻過去10年的市盈率圖表，你會發現自2018年起，整體數字出現明顯回落。因此，我地就要先去了解當中原因，點解有這樣的變化。只要你仔細留意過去幾年年報，你會發現集團近年特別派息原因，主要係來自轉讓公路資產。集團本身收入，主要來自公路收費。而公路，自然係集團的重要資產。當這些重要資產減少，市場會預期佢賺錢能力弱左，故近年給予的市盈率估值，都會較再早幾年為弱。因此，我地計算合理市盈率時，要作出相應調整，大約係6-8倍會較合理。再以過去5年，平均每股盈餘HKD1.846計算。合理價值︰約為HKD11.0 - 14.7。當然，這只是其中一個估值的角度，而投資者在進行估值時，會同時用多個估值方法去進行估值，得出更立體的結果。預佢現時估值合理中間至中下。------------------------------------------------Q21422：Hello成哥，上完股票班真係學到好多嘢，令我更有信心選股同埋計算估值。我最記得一上堂時你叫我地分清楚urgent同埋important，我相信上堂學終身受用嘅知識一定係最important龔成老師：我地一定要分清「urgent」、「important」。香港人太多趕急的事，以至一直都唔做重要的事，所以我先第一堂同大家講，課堂好重要，比你用一世的，我見個有部分同學好認真，佢地會為左唔遲到上堂，而要求公司早走。我見過有同學為左做最後的大功課，請左公司半日假。如果你之後的決定，都明白「urgent」、「important」，集中處理「important」，你往後會好成功。------------------------------------------------Q21423：龔Sir 你好, 想請教你一個問題, 如果有一隻股票, 股價年頭7元, 入左2000股, 年尾8元, 另每股派息0.472, 咁回報係咪21%？ 見下計法：原本： 7元 x 2000 = 14,000一年後： (8元 x 2000) + (0.472 x 2000)= 16000 + 944 = 16944元回報： （16944 - 14000）/14000 = 21%*以上所指係置富房託如果回報有21%, 咁又唔錯喎謝謝！我指如果我無理解錯回報有21% , 收息股黎講好好, 對嗎？ （雖然只有2手）龔成老師：對，你計算正確。以房託及收息股來說，這個回報是高回報，其中一個原因是你買入時，當時房託受疫情因素影響而向下，所以能以一個不差的價位買入。長遠來說，房託較難每年有這個回報，你預是收息及基本增長。這股可長線，你的投資不差。------------------------------------------------Q21424：成哥，你好啊朋友最近誤入佐以下股票8083中贊@3.9×80003833新彊鑫礦@2.13×20000235  中策@0.2575x1500003321 偉鴻@5.2×150001357 美圖@2.94×300064@0.37×200000163@2.0×50000請問應否繼續持有？如重新規劃組合現時有咩可以選擇，謝謝成哥無私既分享235係0.2575至岩，希望成哥能卑d意思，幫幫我朋友可以重整組合，謝謝龔成老師：坦白講，持股大多無質素或只是熱炒類，部分就有少少質素。首先你要明白一個概念，我地持有一隻股票與否，關鍵位是企業質素、前景，不要被買入價影響。買為我地買股票就是買企業。買入價，你的賺蝕，只是一個心理因素，該企業長遠的發展，才是我地是否值得持有的重點。如果企業有質素，但股價短期下跌，就不用擔心。如果企業無質素，但你現時蝕錢中，繼續持有只會令你財富繼續貶值，因此要賣出。如果企業質素轉差，就有可能要減持，因為這股佔你組合的比例，未必值得太多。中國有贊（8083）不是劣質，但不建議持有太多。新疆新鑫礦業（3833）屬風險類股，不能持有太多。偉鴻（3321）無質素，宜賣出。中策集團（0235）質素唔太好。佢主要從事投資證券、金屬礦物及產品及電子組件貿易、放債及證券經紀業務。睇翻過往的業務情況，非常波動，生意上落大，有時大賺有時大蝕，風險高。加上企業規模不大，投資價值不高。這股股價有時會大升，但可能只是中短期業務與消息，長遠未必一定利好。美圖公司（1357）正面，佢過左最差時期，現時正向好。佢主要從事提供在線廣告及其他互聯網增值服務；以及開發、製造及銷售智能硬件產品。見佢財務數據改善，這企業仍有發展力，有長線投資價值。不過業務變化始終大，不建議大注投資。結好控股（0064）質素一般般，不宜持有太多。英皇國際（0163）質素不太好，賣出較好。建議之後，投資翻一些穩健類的股，如不懂選，就投資ETF。------------------------------------------------Q21425：老師，你本《5年買樓》的書好正！對我這對買樓O認識的人來說，可以在很短時間內對樓市有個整體概念和有信心可以去買樓！可措現時樓市已回升不少，很多屋苑已破頂，現在只能繼續等待！可否請間老師，現在手頭有大约五球，在等待樓市回調才買樓，現在應如何配置這五球呢？因為不知要等到幾時，又不想令這五球繼續遍值！謝謝！龔成老師：如果你本身無自住樓，而自己又有這需要，其實已經可以考慮，最重要是你資金足夠，在供款方面無問題，買樓後仍有現金剩，這樣已可買。好多人會分析樓市走勢，但我相信這是好難的，反而考慮「自己的需要及配置」，才是你買樓更大的分析點。香港樓市，中短期會有少少上落（但不會大跌），長遠會向上。首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。在長遠計，我仍相信樓市在長遠計，因供求關係，仍是向上多。因為現時香港買樓的需求仍大，而長期供應不足，加上政府往後施政只會更加困難，好多所謂的大計劃都未必能夠實行，又或最後規模細左。另一方面，需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。長遠計，租金及樓價會平穩，有少少向上，但不是倍升，不會好似過往般倍升，而是平穩向上。如果有自住需要，只要在供款方面無問題，買樓後仍有現金剩，都可以考慮下置業。------------------------------------------------Q21426：老師請問成本上升算利好定不利消息? 我最近研究紙業，點解紙材成本上升，有d賣紙既公司會賺多左? 究竟成本上升係好事定壞事?龔成老師：其實這是複雜的問題，往往要睇行業情況，以及企業營運情況。有些行業，當成本上升後，能將絕大部分轉嫁比客戶的，可能因為行業的競爭有限，又或全行的營運模式都相同，因此佢地會同步加價，而客戶無太大的選擇權。當我地分析時，往往會睇翻企業有無「成本轉嫁」能力。當你分析時，要同時睇企業的毛利率，如果成本上升但毛利率不跌，反映企業有成本轉嫁能力，即是成本對佢無影響，往往有一定的優質度。------------------------------------------------Q21427：想問老師有冇一啲儲蓄型危疾保險推介龔成老師：無呀，因為我不從事這方面的銷售，你可以去銀行或保險公司問下。最重要是，你按自己的「需要」去買，保險就是將你不想承受的風險，轉嫁比保險公司。這是防守的動作，不過，我地理財最重要是攻守兼備，因為不用太多，「足夠」就得。------------------------------------------------Q21428：龔Sir你好！本人3x歲，想問一下長遠收息同增長，可以考慮以下股票持有或買或增持？或龔Sir 有甚麼推介？1. 1310 （$11買）2. 1830 （$4.4買）3. 331 （$4.5 買）4. 398 （$2.5 買）5. 1373 （$2.5 買）6. 1523 想買7. 1883 想買8. 3067 （月供1/2手）做增長股票非常感謝！龔成老師︰我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。你3X歲，我一般會建議你用「平穏增長股」 + 「潛力股」的組合，先做好財富增值部份。除非你個人極保守，或者本身有其他原因，需要有額外穏定現金流作支援。否則，而一刻我唔建議你投資太多，中信國際電訊（1883）、香港寬頻（1310）這類收息股。另外，東方表行集團(0398)質素較一般。這些股票，若持貨不多，可持有。但若太多，最好沽出部份換至其他股票。珩灣科技（1523）主要以「Ｐｅｐｌｉｎｋ」及「Ｐｅｐｗａｖｅ」品牌從事ＳＤ－ＷＡＮ路由器的設計、開發、推廣，以及提供相關軟件許可及保修與支援服務。ＳＤ－ＷＡＮ路由器可連接多個廣域網（ＷＡＮ）連接、智能分配流量給多個廣域網、可集中管理，以及必須利用加密技術建立安全連接。業務及盈利都有不差的增長，發展不差，不過公司規模始終較細，因此始終都有風險。這股長遠不是無價值的，但都要明白發展緊的，都是有變數的行業，所以股價潛在波動可以較大。現價都算是合理的，但不建議大注投資，長線投資都可考慮。必瘦站（1830）長遠有發展，本身有一定的質素。睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。這股有長線投資價值。業績前計佢$4是合理區頂，業績後股價升左好多。現貨可持有，但暫不宜加注。將來你可以投資以下股票，但若果你投資知識不高，可先較集中在平穩增長類股，至於潛力股，只宜小小注，最好是你提高投資知識，等你有一定知識，先慢慢增加翻潛力股比例。現時大市只在合理區，資金唔好盡用。最好留有部份，等大跌市出現時，可以用來掃貨。------------------------------------------------Q21429：龔成老師，您好!我見有讀者問你移民後的投資策略，但佢地冇提到一點，就係英澳等國家抽取資產增值稅，例如股票買賣利潤，政府會抽取約30-40%税。如果考慮埋這因素，我們需要調整投資策略嗎? 例如減少平穩收息股(因為抽税後利潤所餘無幾)集中喺增長股?謝謝龔成老師︰我自己無對海外稅務作深入研究，比唔到太多具體意見你。但當考慮到這些增值稅項時，的確會令原先回報被打上拆扣。但除非你不作投資增值，或者移民到低稅率地區，否則這個問題，基本上係無可避免。投資策略基本上唔會大變，但你計算長線回報率時，要因應相關稅項作扣減，以免令預測過於樂觀。最後，我建議你去問翻當地稅務顧問，看看有沒有一些節稅方法，從而減少這方面的影響。------------------------------------------------Q21430：老師你好！今年28歲 月薪34k要比10k 家用有月供2k(2800)保險每個月1.5k (每年一次過付款)有50k Savings有意今年同男朋友搬出黎啱啱開始上你既堂想用月供/ 分注投資方法放啲錢入水桶1同水桶2。另外，今年個市似好熾熱，身邊所有人都喺度講緊股票，如果我用計公司價值判斷佢價格係貴或平，其實係咪都可以放心入股？今年會唔會算係一個較危險嘅買入時機？想請教老師意見同指導。感謝龔成老師︰現時大市在合理區，雖然部份新經濟股，有輕微過熱架情況。但整體大市水平，尚算合理。我地唔會去估個市點走去定買賣策略，只會繼續用企業估值，去定平貴咁買貨。但當成個大市去到一個狂熱的情況，我地就要保守少少，現時未算去到好狂熱。以你現時28歲，投資在水桶1同水桶2，係正確做法。但你收入計，每月月供金額太少。如果你唔係有太多必需開支，我建議你盡量將月供金額，提升到1萬以上。因為你年青，應把握時間，盡力去做好財富增值部份。而一刻，你唔需要急住去配置，或者新加其他股票去月供。因為投資係一個長線計劃，你可以等上完堂，有一定知識和明確概念，才去調整會較好。------------------------------------------------Q21431：hi 你好 龔sir，我是一位18歲學生，沒有part time 現在一邊學習緊投資知識，1現時我有一萬元想all in 入股票，想搵一隻股票收息邊隻最好？ 2我現時打算購買你的書學習投資知識，邊一本系適合我這個BB新手，多謝龔成老師︰1) 你這個年紀，就算資金不多，都應努力學好投資知識，甚至小注去吸收經驗，為將來準備。所以，你做法好正確。由於你暫時經驗和資金都不多，建議你先從以下收息股入手。如果你不太認識這些股票，可以直接買3110派息基金，都可以。但將來到你有穏定收入，又對投資有一定了解，就要加大投資力度，改為買一些較有增長力的優質股。盡力把握年青時間，去為自已財富增值。目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）或收息基金(3110)都可以。2) 以下是我的12本書：《80後百萬富翁》（第9版）《80後2百萬富翁》（第4版）《80後3百萬富翁》（第2版）《財務自由行》（第7版）《大富翁致富藍圖》（第5版）《50優質潛力股》（第4版）《50穩健收息股》（第3版）《50值博倍升股》（第3版）《股票勝經》（第3版）《選股勝經》（第2版）《年報勝經》（第2版）《5年買樓4部曲》（第2版）你可首先睇：《80後百萬富翁》《股票勝經》《財務自由行》之後再睇其他。------------------------------------------------Q21432：龔成老師，很喜歡睇你嘅影片，好多分析都講得好好，特別係價值投資法。本人看好中國嘅保險業，隨住14億人口開始富起來，相信保險嘅需求會越黎越高。想問問你對中國人壽2628同財險2328嘅睇法？同業中，長遠有高升值潛力嘅股票又可以推介一下嗎？期待你嘅回覆，多謝龔成老師︰我自己都係用「價值投資法」，巴菲特用左這方法賺大錢好多年，這是公開的。但一般散戶就是貪賺快錢，而不用這方法，因此，令到一般散戶仍是輸多贏少，我們仍是賺大錢的一群。中國隨著人口增加，城鎮化、人均收入增升等，都對保險這類產品需求，只會有增無減，故長線中國保險叢係正面。中國人壽(2628)不是無質素，但近年有質素下滑情況。現價合理，但投資價值只係中等。中國財險（2328）主要於國內為各界客戶提供多種財險產品，包括機動車輛保險、企業財產保險和家庭財產保險。過往的生意與盈利都不差，不過就無乜增長動力，質素算是中等。這股現價合理，可長線，但就主要預係收息，唔好對股價有太大期望。如果你看好中國保險業和其增長潛力，平安(2318)會係較理想選擇。佢有規模，有品牌，近年的發展都不差，不過，股價有時會有少少波動，這主要受投資市場表現影響。這股有長線投資價值，是平穩增長型。現價算係合理區中上部，分注投資就可以。------------------------------------------------Q21433：老師你好，我最近幾個月開始留意你page，我以往只有3次買賣股票經驗。但有一次錯信股票group輸了幾萬蚊，加上13元買入石油股，依家跌到得番8蚊左右，真心輸到怕。想請教依家石油股係咪唯有繼續持有？求指教龔成老師︰近期好多網上騙案，就好似你所講股票group，要小心。記住，我地買入一隻股票，一定要知道佢質素、行業前景、財務狀況等，才去投資。如果你連間公司點賺錢、行內有乜優勢、點解未來有發展和增長潛力，都答唔倒自已，純粹係聽消息，甚至係某某群組意見。咁你就要停一停，唔好投資住。石油股，好似中石油(0857)、中石化(0386)、中國海洋石油（0883）質素都算有，但不是最高質類別，佢對油價較為敏感，所以，如果長遠油價向上，佢都會增值的。雖然佢都有一定的規模及質素，但卻不是最高質素的企業，這是由於佢地的產品自主力較弱。石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業，不要大注。如果佢佔你組合好多，你可以每有反彈，就慢慢沽出部份。------------------------------------------------Q21434：成sir 您好！小弟年29。已經有想財務自由的目的。不想再浪費自己的人生了。最近學習窮人與有錢人的態度及資產與負責的分別。月入17000 扣除一切開支可以儲1萬元。銀行有70萬。有留意你大推盈富 港鐵 領展等等。以最終目標財務自由及每月被動收入約20k. 小弟投資經驗0。有睇過下成sir 教導以月供模式較適合初學者。留部份現金流等大市跌時可以大手購入長線投資收息股？小弟會睇書學習如何去計算公司的真正價值。多留意不同公司的年報表等。有一個最不明白的是睇財經新聞。是否留意新聞介紹公司背景及行業發展？長遠是會否留意公司會否接觸新行業等？另一個最大問題是如分配70萬去錢滾錢達到 金錢為你工作。小弟已經開始睇投資書。增值自己才是最大的財富。長遠需要報讀會計課程？好人一生平安龔成老師︰如果你希望最終可以每月有2萬蚊現金流，以股息率6%計，你需要本金400萬，這就是你初步目標。你現時29歲，係財富增值黃金時期，除了增值外，也緊記要努力提升自己投資知識。由於你未有投資經驗，好易會買貴貨，所以用月供或分注入貨模式，對你這類初學者，會較安全。以你29歲，可以選擇一些「平穩增值股」+「潛力股」作投資目標。以現時大市合理區狀況，月供最好用一半每月儲蓄，另一半就先儲起架策略。平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）潛力股：安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845），但就要明白波動性比上述會高左，同時風險大左，你要自己平衡。若你不懂選股，可以先用盈富(2800)作目標。其餘合適股票，到你對佢地有一定了解，才從中選股。現時大市只是合理區，你現有70萬資金可以先投入15-30萬，用分注形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。由於你很年輕，相信要達成400萬目標不難。我假設投資回報有10%（連股息再投資），你每月投資$10000 + 70萬本金，大約10年多後，就會增值至400萬。至於投資知識方面，新聞主要係睇有無一些事情，對企業本身質素，或者長線發展有影響。例如早前內地監管政策收緊，就令阿里巴巴(9988)等企業的風險度增加左，這就是要留意地方。我地要不斷吸收「資訊」，例如宏觀經濟情況，企業發展，各行業的情況。但我地睇新聞不是要知道所謂的「意見」。除了看書、年報、新聞外，你可以報讀一些投資相關課程，去提升相關知識。本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成。到你讀完整個課程後，你已能自己選股、投資、評估平貴，在投資上已掌握了一定的知識。------------------------------------------------Q21435：Hi 阿sir你好，想聽下你意見，本人38歲，女，月收入$53000，現時有兩個物業，供款分別15000及18000，租金收入為$15000。每月開支$15000左右。另一單位明年亦打算出租，大概收$11000租金左右。睇左你好多資訊，有做月供股票，每月$13000，分別銀娛$2000、比亞迪$2000、中銀香港$2000、小米$1000、阿里巴巴$2000、友邦保險$2000、港鐵$2000。現時股票有11萬左右，現金$25萬，手上保險有50儲蓄。想10年後，可以有500萬，想問下你意見？我現時股票組合投資是否正確？希望得到阿sir回覆龔成老師︰以你38歲計，應先做好增值部份，你現時持股都係合適合。但留意，比亞迪(1211)現價偏貴，要回到$120左右水平，才建議再開始月供。此期間，你可以用ＧＸ中國電車基金（2845）- 這基金的目標是追蹤Solactive中國電動車指數NTR「相關指數」表現緊密相關的投資回報。或其他潛力股代替，如中生(1177)、福壽園(1448)、安碩恒生科技(3067)、港交所(0388)、騰訊（0700）。現時大市只係合理水平，現金和股票最好各佔一半，你可以多5-10萬去分注入多少少貨。餘下資金，就等大跌市出現，才加大力度掃貨。另外，保險主要係用來防守，買足夠保障就可以。儲蓄成份架保險，我就唔建議太多，增值最好都係留比優質資產(如優質股、物業等)去做。我假設投資回報有10%（連股息再投資），你每月投資$13000 + 本金36萬，10年後大約會增值至340萬。如要達至500萬目標，你要將月供加大至$22000，才較大機會成功。所以，我建議你利用明年新增租金收入，加大投資力度，以助你達成目標。物業方面，你現時已經持有兩個物業，之後就暫時唔好增加固定資產類別，令財富組合更平衡。同時，如果可以的話，盡快將手上物業出租能有助你提高現金流。------------------------------------------------Q21436：龔成老師，你好呀！現年40歲女，剛離婚無業，賣了樓有200萬現金。現在有以下股票，請問我有買啱嗎？ 應該長期持有或是到一定嘅時候賣掉獲利？ 909跌了一半，我應該怎樣呢？#1     2500股 $53.5#2     1000股 $71.5#941 1500股 $42.5#291 10000股 $67#3690 500股 $278#909  8000股 $53.5我嘅目標係可以在短時間內買一個細單位300～500萬內自住，唔駛再租屋，請問我嘅投資方向啱嗎？ 應該怎麼樣更好呢？ 麻煩老師解答，萬分感謝！龔成老師︰我想先要你明白少少財富增值概念，我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。你要分析你的投資目標，你想潛力股的比例多少？平穩股的比例多少？組合風險程度如果？即是你想設計一個怎樣的投資組合？長期、優質、平衡、適合你。所以，只要係優質的股票，我地一定會長線持有，而唔會半路中途去沽貨。除非成個大市好狂熱(現在未算)，或者個企業長線質素轉壞，我地先會賣出。回到你本身情況，首先，你有一個明確目標，就係短時間內購買物業自住。同時間，你現時在待業狀態，故中短期內對現金需求不少。以你40歲計，應以增值為主。你持有股票，大致上係可以。明源雲（0909）有潛力。佢主要係中國房地產開發商及房地產鏈參與者，提供企業級ERP解決方案及SaaS產品。睇翻佢之前的資料，佢係中國房地產開發商的第一大軟件解決方案供應商，市佔率有約2成。係呢個市場裡面，按收入計，亦為ERP解決方案及SaaS產品的最大提供商。其實，佢的角色可以話中國房地產行業的數字化轉型，為房地產開發商及其他參與者，開發了一套行業垂直的ERP解決方案及SaaS產品，以助其管理廣泛的業務運營。包括銷售及營銷、採購、成本管理、項目管理、預算以及房地產資產管理，佢的SaaS產品包括雲客、雲鏈、雲採購及雲空間。業務雖然有增長力，但你買入價唔平。現時回落近半，但初步分析，依然都係屬於貴水平。始終市場現時對這類股有好大期望，此類股票，波動性較大。此股可持有，但由於你持股比重有點高，我建議你每有反彈，沽出部份，去平衡風險。另外，華潤啤酒（0291）都有質素，但佢佔你組合近半，太過高。緊記，個別股票比重不要超過組合15%，否則會出現過度集中性風險。所以可考慮賣出部分。你可以用沽出部分以上2隻股票資金，再加上30-50萬，去分注慢慢買入以下優質股，並長線持有。平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）潛力股：安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845），但就要明白波動性比上述會高左，同時風險大左，你要自己平衡。若你投資知識不高，可先集中在平穩增長類股，至於潛力股，只宜小小注。到你提高了投資知識，才慢慢增加翻潛力股比例。餘下資金，主要係用作你置業基金。再加上，你還未有工作，最少都要留有半年基本生活開支的應急錢，作為後援。若將來股市有明顯調整，你也可以考慮用部份資金來入市。這樣安排這200萬，相信會較有彈性之餘，當你都會較有保障。至於置業方面，你係用來自住。緊記要堅守一個準則，就係「供得起」。現時香港樓市算係合理區頂，你可以慢慢物悉目標，到有較理想價錢，又有信心可以供得到，就可以考慮出手。------------------------------------------------Q21437：你好 龔sir。睇左你fb一段時間 先買入必瘦站 會繼續持有 多謝你既分享。另外亦留意到你之前講既粵海投資 本身想入手 但最近參股嘉誠環保工程 但網上不多關於嘉誠環保工程資料。消息公報後 股價有所下跌 請問你對於呢個公司行動有咩睇法?會否影響你本身對呢個股票既評價呢? 謝謝龔成老師︰必瘦站（1830）長遠有發展，這股有長線投資價值。但現價已經係偏貴，有貨可持有，就唔好加注住。粵海(0270)宣布收購嘉誠環保工程註冊股本總額合共 53%的股權，在該收購完成後，嘉誠環保工程將成為其非全資附屬公司。嘉誠環保工程是一家在中國成立的有限責任公司，其於 2005 年成立，主要從事環境工程工作，並為工程相關工程提供投資、設計、建造、運營、諮詢、設備研發和製造服務。嘉誠環保於中國河北省及河南省的市政給排水工作，相信集團想進一步提升在華北地區的市場份額和品牌影響力，初步睇係正面。至於中短期股價走勢，未必一定跟企業質素和發展潛力有關。我地分析時，一定要集中用長線質素去做判斷。現價計，算是合理水平，可分注入貨。------------------------------------------------Q21438：  Hello 龔Sir, 最近1638佳兆業跌了很多，值得入嗎？另外，1503招商局有成8厘息，係咪值得入當收息？ thanks!龔成老師︰佳兆業集團（1638）主要從事物業發展、物業投資、物業管理、酒店及餐飲業務、戲院、百貨店及文化中心業務，以及水路客貨運業務等。業務發展不差，不過盈利就較為波動。另外，由於負債較高，因此都有風險。現價合理的，但唔建議太大注。招商局商業房託（1503）佢持有及投資中國相關的物業組合，物業組合有深圳市蛇口的多項物業，包括寫字樓綜合物業新時代廣場、數碼大廈、科技大廈及科技大廈二期，以及購物中心物業花園城。物業有質素，不過較受經濟週期因素影響，租金會有少少波動，令到這股的股價較為波動。現價合理，有投資收息價值，不過唔建議太過集中在這房託。------------------------------------------------Q21439：你好～～老師，我有少少問題希望你幫到我1）想問一下康希諾6185 我400（200股）同260（200股）都有貨，呢兩日我見升返唔少，今日心大心細諗緊放唔放～～我唔係好識分析呢間公司前景好唔好？2）我買咗中國電動車2845，138元400股～～有見過你講過買呢一個股票都不錯，我要唔要而家低價再入多少少3）快手362 有200股，241元又入了200股4）藥明康德189元 入了200股我有啲股票分開兩次入，我應該取一個中間價，等升返上去放晒佢，定係低價入嗰啲，覺得升到一個價位可以先放咗佢，高價位嗰啲就照放喺度？謝謝龔成老師︰你好著重個帳面數，其實你放貴個1手先，定平個1手先，係無實質分別。只係心理上，覺得放平個1手，你就賺左。貴個手就放係度，當無事，這種想法好錯。你要明白一個概念，我地投資唔係賺差價。而係想將一些長遠只會貶值的現金，換成會增長的優質資產(如優質股、物業等)，並長線持有。因此我地持有一隻股票與否，關鍵位是企業質素、前景，不要被買入價影響。因為我地買股票就是買企業。買入價，你的賺蝕，只是一個心理因素，該企業長遠的發展，才是我地是否值得持有的重點。如果企業有質素，但股價短期下跌，就不用擔心。如果企業無質素，但你現時蝕錢中，繼續持有只會令你財富繼續貶值，因此要賣出。如果企業質素轉差，就有可能要減持，因為這股佔你組合的比例，未必值得太多。1) 康希諾生物（6185）主要於中國從事研發疫苗產品，疫苗產品線如下：3種臨近商業化在研疫苗：包括腦膜炎球菌結合疫苗（ＭＣＶ）組合（四價ＭＣＶ及兩價ＭＣＶＩ，均為集團核心產品）及Ａｄ５－ＥＢＯＶ（其由集團與軍事醫學科學院生物工程研究所共同研發，為中國第一種獲批淮作應急使用及國家儲備的埃博拉病毒疫苗）。另外，有6種處於臨床試驗或臨床試驗申請階段的在研疫苗；包括針對白喉、破傷風及百日咳的ＤＴｃｐ疫苗組合（嬰幼兒用在研ＤＴｃｐ、在研ＤＴｃｐ加強疫苗、青少年及成人用在研Ｔｄｃｐ）、肺炎球菌疫苗等。業務有潛力，但估值好難，市場對佢有好大期望，股價炒得幾勁，反而風險高。這類股，是有潛力。但因為佢無盈利基礎，市場都只是「估估下」。如果持有係可以，但一定只能小注。若2手佔組合比重都唔少，建議沽出1手，去平衡個風險。2) 中國因為能源問題，長遠一定要發展電動車，這是大方向，故此股有一定投資價值。現價依然係合理區頂區，你已有一定貨係手，唔建議你加注。除非你資金好充裕，就可以而一刻加小小注。3) 快手（1024）係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。簡單來說，企業有質素，有發展。現貨可持有，但你預短期股仍會十分波動。4) 藥明康德（2359）都有d質素。佢主要從事藥物研發平台業務。係藥物開發過程，主要分為藥物發現、臨床前開發、臨床研究及商業化生產共四個階段。睇翻佢的資料，佢的服務對應各個階段，可分為以下四個分部：（１）中國區實驗室服務（２）合約生產組織（３）美國區實驗室服務（４）臨床研究服務。佢的客戶包括美國、中國、歐洲及全球其他地區的製藥公司及及生物技術公司。業務其實不差的，過往的生意與盈利增長理想。當中最大的風險，就是市場估值，現時的市盈率過百倍，就算有增長力，都計都貴，股價上落一定會好大。市場現時對佢前景有好大期望，但如果增長力比市場略減，股價都會調整。只可以話這企業有增長，同時有風險。現貨可持有，但唔好加注了。------------------------------------------------Q21440：阿sir, 我尋日入3690美團，今日跌0285 同 2382 應該幾時入呀剛剛$31入咗3319，係咪都高呀？龔成老師：你唔需太著重短期股價走勢，最重要是長期的企業發展。美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。如果有利好消息，佢可以上好多，但如果估值修正，股價可太跌。只可以話，潛力是有的，現價唔算平，之前明顯貴，之後回翻好少少，大約合理區頂至略貴，不過，一定不能大注。小小注，是較好的做法。只要你持貨不過多，都可持有的。至於比亞迪電子（0285）去翻$40會好少少。舜宇光學科技（2382）有一定的質素，但現價合理區頂至略貴。過往手機市場高增長，令佢鏡頭業務受惠不少，但近年手機增速開始減慢，你預佢增長力會變得較平穏。不過，手機市場又開始向好。在長遠，無論是手機鏡頭，又或是各種鏡頭方面的應用，只會愈來愈廣泛，前景正面，不過，中短期可能會有少少波動。這股可以長線投資，分注或月供較好。雅生活服務（3319）合理價，有質素，可長線。----------------------------------------------若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

關於 香港知專設計學院評價 ，我們在網路上蒐集到這些相關的討論、資訊與評價

「香港知專設計學院評價」的推薦目錄：

香港知專設計學院評價 在 譚蕙芸 Facebook 的精選貼文

About author

香港知專設計學院評價 在 龔成 Facebook 的最佳解答

About author

香港知專設計學院評價 在 龔成 Facebook 的最讚貼文

About author

香港知專設計學院評價 在 海恩奶油 HeinCream Youtube 的最佳貼文

About author

你可能也想看看

搜尋相關連結

關於香港知專設計學院評價，我們在網路上蒐集到這些相關的討論、資訊與評價

香港知專設計學院評價在譚蕙芸 Facebook 的精選貼文

香港知專設計學院評價在龔成 Facebook 的最佳解答

香港知專設計學院評價在龔成 Facebook 的最讚貼文

香港知專設計學院評價在海恩奶油 HeinCream Youtube 的最佳貼文