【黃到做埋監獄飯商既潮食閣 - Yummy Corner告急，唔洗講咁多，一定要撐！】
今朝見到葵廣黃店之最潮食閣告急（ https://www.facebook.com/yummycornerhk/photos/a.2143481909002367/3910885362262004 ），喺度好想呼籲大家一定要力撐佢地。
黃到做埋監獄私飯供應商，不計成本比到還押手足有人食既飯落肚，真係前無古人後無來者（因為全香港真係只得一間黃店竟然奇蹟地唔知點解獲懲教署批准），詳情可以參考我以前寫既呢篇文：https://www.facebook.com/joshuawongchifung/photos/a.313299448762570/2956071847818637
想買野食既話，除咗去佢哋葵廣舖頭之外，可以去選購懶人急凍包，感謝大家：https://www.yummycornerhk.com/
-------------------------
要數葵廣黃店之最，一定非潮食閣莫屬。早排途經葵廣，當然一定一定一定去抽空幫襯支持，因為呢間就係不惜工本，誓要做懲教私飯商，幫還押人士提供私人膳食，仲要竟然係懲教署方都批埋既黃店。
點解私飯咁緊要，查實原因好簡單，就係因為監獄本身既膳食真係難__食到一點，包括有細過手指尾既雞翼、無味而又喪加麵粉既白汁，仲有中午竟然無飯，好多時只得極其怪異既紅豆沙……然後署方話餐單有政府營養師睇過…
所以話，私飯實在係非常緊要。作為曾經坐監既過來人，我永遠都唔會忘記，食左好一排勁難食既監獄公家飯之後，上年五月尾喺荔枝角終於等到批到食私飯，喺飲到凍飲同正常茶記嗰刻，心情不知有幾咁激動。
雖然係咁，但全香港除左荔枝角之外，查實大部份還押手足所身處既監獄呢，都係無私飯食；所以上年開始，查實邵家臻同我都分別聯絡唔少黃店，希望佢地能夠幫手提供膳食，等入面既手足失去自由，都叫有返人食既野食。
話說幾個月來，據知都有唔少黃店打聽同了解過做懲教外來私人膳食供應商既要求，但後來好多都搞唔掂，因為要風雨不改提供一星期七日既早、午、晚三餐，仲要有勁多非常唔方便既要求，加上懲教態度都唔方好好咁樣。
呢個正正係潮食閣癲嗰個位，明明係中午12點開，佢地真係為左幫在囚手足提供膳食，改到額外請人朝早6點開鋪煮嘢，完全係蝕住本咁樣去做，先千方百計成功可以獲批成為勵敬懲教所既飯商，至於壁屋就未有消息。
難得有黃店獲批，唔計較成本去幫所有在囚人士，提供一個更人道同合理既膳食，希望大家集體去葵廣支持佢地，亦都可以寫心意卡同埋用各種方式支持潮食閣！畢竟上年至今拘捕既手足數目，已經痴線到多過全香港目前坐緊牢既人數，穩定同恆常既在囚支援，就顯得更為重要。
【葵廣黃店成懲教私家飯供應商 東主：唔想做呢啲嘢，但希望手足有啖好食】
https://www.inmediahk.net/node/1072342
————————————
#在囚手足支援：
．每一位香港人：去信與在囚手足做筆友打氣：http://fb.com/bottleshiukachun/posts/1316633175189330
．了解多啲手足：細閲《白手指南 —— 監獄還押及服刑細則解說》：http://bit.ly/prisonguideline
．在囚手足親友：領取能夠送入監獄的獨立包裝口罩：http://fb.com/joshuawongchifung/posts/2851593464933143
．在囚手足親友：參加黃店「還押手足零食/ 日用品計劃」：https://youtu.be/R8TmP8lgpVQ
．民主派區議員：拎手足在囚編號進行公務探訪：http://m.me/joshuawongchifung
#囚權 #在囚支援
香港麵粉供應商 在 1Kg 家用裝有售喇！］... - 九龍麵粉廠Kowloon Flour Mills 的推薦與評價
正價正牌貨品於以下指定銷售商有售，而有關價格及存貨供應，請致電聯絡個別銷售商。 ... Yman Ch 謝謝查詢，香港有製造高筋麵粉，但只限商用，你有興趣的話，麻煩PM留 ... ... <看更多>