#含劇透 #不專業影評 #主觀意見 《三夫》觀後感
主線係講一個智商有問題嘅少婦「小妹」因為患上「低端性癮」，每日都需要大量性行為來滿足；如果唔滿足佢，佢會好似癲癇發生咁辛苦，仲會拎金魚、木瓜、手提電話來解決生理需要。
佢有3名丈夫，第一個丈夫係佢老豆，搞大佢個肚之後將佢賣比第二個丈夫；第二個丈夫淨係識賭錢，於是利用小妹賣淫來謀生。男主角即第三名丈夫「四眼佬」，一個真心想照顧小妹嘅地盤工人，佢為咗搵錢贖哂小妹不惜犯法。
小妹上岸之後失去喺大海嘅自由，唔慣喺陸地上發生性行為，加上「四眼佬」未能完全滿足佢，佢哋輾轉返到船上生活。之後3人合力想醫好小妹，以及搵錢生活，竟然做埋網上「馬伕」扯皮條生意...4人不停漂泊、從未能真正上岸... 不得不讚女主角「小妹」嘅專業演出。
.
除咗為藝術犧牲、演出大量嘅性愛場面之外，小妹嘅對白加埋都唔知有冇10句，佢主要係透過空洞嘅眼神、迷惘表情完全演活一個智商低嘅人物，難怪佢已經先後入圍同埋取得多個獎項，今屆金像獎佢都好大機會攞到獎。
3個老公嘅共通點都係懦弱，但佢哋嘅人物刻劃都各有特色：第1個老公年紀大身體殘缺；第2個老公淨係掛住賭錢而且逢賭必輸；第3個老公真心對小妹，但身體虛弱到無辨法滿足小妹，而無奈睇住老婆比唔同客人幫襯。
都市人好難想像香港有一班人嘅生活係咁「純樸」，好似原始人咁每日淨係釣魚、食飯同做愛，連迪士尼都未去過。
電影呈現嘅香港亦都同我地每日見到嘅香港有好大分別，《三夫》好多場景都係醉酒灣取景，雖然附近有鐵路同埋地盤起樓，但同小妹嘅生活講唔上有任何關係。
作為三級片，《三夫》又唔算非常露骨，導演借用鮑魚同埋木瓜來代替性器官畫面，由頭到尾亦都冇影過男性嘅生殖器官，並非其他為咗滿足視覺震撼而拍嘅色情片。
導演對性愛場面刻劃亦有創意，男女主角喺貨車上發生性行為；女主角同恩客喺大海中展現各種交合形式；而一眾港男更加帶備假髮、水手裝比小妹穿上，務求滿足佢地自己。
好多人都覺得小妹影射香港，3個丈夫分別代表英國、中國同香港，為咗利益香港一次又一次咁被賣；而小妹同香港人面對緊一個死局，唔知可以去邊、無論去邊結局似乎都一樣...
.
而鄧月平飾演香港少女北上扮廣西妹賣淫，以及受到政府「吹雞」上大灣區睇下有無發展機會，某程度上反映部分港人心態。最後，唔通以後所有電影/電視劇結局都由BBQ轉到所有人一齊返大灣區？ .
.
.
.
.
#hkword #hkmovie #hkpop #hkculture #movie #cantonese #金馬獎 #金像獎 #1minutecanton影評 #電影評論學會 #最佳女演員 #最佳導演 #最佳女主角 #三夫 #陳果 #妓女三部曲 #榴連飄飄 #香港有個荷里活 #小妹 #曾美慧孜 #香港製造 #那夜凌晨我坐上了旺角開往大埔的紅van
