鴨洲，香港東北面既小島，因為島既地貌遠觀似隻鴨咀而得名，以前只有街渡往返沙頭角同吉澳，上年開左條新航線，星期六，日，公眾假期可以由馬料水入黎，唔再需要禁區紙，大大減低左去鴨洲(同埋吉澳)既難度
據村長講，以前繁榮既時候有一千人喺度住，不過由於交通不便，早一兩代就移左民去英國，所以而家常住人口好少，加上街渡早收，要出去返工返學既，都搬哂出去
不過，有分別於東龍島，蒲台島呢啲同樣偏遠既離島，鴨洲既建設明顯豐富好多，係一條相當完整既村落，仲有個鴨洲故事館，講述呢度既歷史同變遷。最特別既，係呢度唔會搵到天后宮，因為島上所有人都係信基督教，所以鴨洲只會搵到一間教堂
鐘意睇景既，鴨眼洞都係一個值得一去既地方，感覺有啲似鶴咀嗰個咁，而因為當日天氣好好，煙霞唔大，影到去對面深圳鹽田港都唔會太濛
Anyway, 最推介既，都係呢度既人情味，村長雖然係義工，免費介紹鴨洲既文化歷史，但絕對唔 hae, 有咩關於鴨洲既野想知，佢都會一一解答
鶴咀禁區紙 在 鶴咀海岸保護區Cape D'Aguilar Marine Reserve - YouTube 的推薦與評價
鶴咀 這個地方，我不用太多文字去介紹，你隨時在Google也可以搜尋，都得到許多介紹。其實本人早於81年，未開放遊人入内時，曾取得 禁區紙 入内觀賞裡面 ... ... <看更多>