#學識樹上色帶嘅作用 #尋找向前嘅路
早排天氣出奇嘅好，所以有個星期六、日 連續行咗2日山。⛰
.
今次我哋喺獅子山隧道公路嘅新田圍邨巴士站出發，經過沙田頭新村六區 向上行，見到有大大棵香蕉🍌樹。之後由 #小龍徑 上山，由於呢條屬於小路，所以沿途了無人煙風景如畫，但係相片睇唔到效果。雖然風景靚，不過缺點係兩邊長滿長長嘅草，路窄草多對於小朋友來講需要一定體力向上行，不過亦因為人煙稀少，途中不時見到樹上綁住色帶，所以佢哋👦🏻🧒🏻👧🏻不約而同咁問色帶嘅用途，爸爸解釋佢哋知 “相信係之前行過嘅人留俾之後經過嘅人一個記認，等大家知道行緊一個正確嘅方向，只要繼續行就可以去到目的地 ”😊💪🏻，大約2公里嘅小龍徑山路，我哋行咗大約一個半鐘左右，中途只遇到3位叔叔，之後無見到其他人經過啦！😅
.
完成小龍徑路段之後，去到 #麥理浩徑第五段，行呢段路嘅時候👦🏻🧒🏻👧🏻3個即刻話好易行😆，由獅雉坳沿路落山，經過鳳凰配水庫之後去到慈雲山沙田㘭邨，完成我哋當日嘅旅程。😁
由沙田新田圍邨至慈雲山沙田㘭邨，全程大約4公里。
.
新田圍邨向九龍方向巴士站：74A、80M、85A、86、86C、89
新田圍邨向新界方向巴士站：74A、80M、85A、86、86C、89
.
.
.
#行山 #戶外活動 #山林和原野 #親子活動 #假期活動 #運動
#香港媽媽 #媽媽博客 #親子博客 #親子blogger #本地媽媽 #全職媽媽 #三年抱三 #coolhkg
