Search
//那麼，我為何還繼續為香港人站起來？這個有短期、中期、及長期目標。
短期來說，我認為國際社會發聲對香港有用：譬如制裁中國及香港官員有可能迫使中國及香港當局不會那麼嚴厲地實施港版《國安法》。即使「犯了」國安法，犯事者可能不會被判入獄多年，當局可能不會逮捕那麼多人，亦不會向港人私酷刑。
中期來說，我認為這對台灣有利：通過制裁等方式明確告訴中共，你們在香港也開始剝奪港人的最基本權利，這是我們的底線！希望能就此避免台灣成為下一個香港。
長期來說，我還是樂觀的：雖然這幾天天看上去很黑，但會有第二天，會有更美好的未來。誠如梁天琦所說：黎明前嘅黑暗，係至撚黑暗！我們還年輕，習近平老了，我們還會體驗到一個民主的中國，一個民主的香港。我非常肯定。1989 年也沒有人預料到柏林牆會倒塌，但是還是倒了。
我們一起往這個目標努力會有一天讓這個夢想實現的。
中國人、香港人、台灣人、主張人權的人：我們都站在一起肯定會成功的！//
//喺我最低落嘅時期，遇到幾位有相同感受嘅手足，大家都希望可以為其他手足同黃色經濟圈做更加多野，所以我哋就成立咗無名士依一個黃店平台。
好多謝過往依一年遇到過嘅所有人，唔知你哋咩樣咩名，但每一個手足我都會記住，依個同時係無名士依個名嘅由來。請大家記住當初點解會咁嬲，點解會為咗陌生嘅人難過心痛，點解明知出去會有好大風險都決定踏出家門。依一年我哋遇到好多困難，有好攰好攰心灰意冷嘅時候。前排甚至個個都話要移民，成日都話「黎明前嘅黑暗，係至撚黑暗。」但我哋相信，有一樣野係黑暗冇辦法觸及嘅。
係希望。佢喺我哋嘅血液入面，只要一息尚存都唔會泯滅。暴政可以禁錮我哋嘅身體，但冇辦法禁錮我哋自由嘅精神。//
我係612個被控暴動罪入面其中一個手足
講返少少背景啦，我係一個大學生。距離嗰日都差唔多一年喇，到今時今日都忘記唔到俾人拉嗰幕，有時發夢都會夢到，都真係會嚇醒。嗰陣又係冇不反對通知書，和平遊行，之後嘅情況不外乎暴力驅散、情況極度混亂、人踩人、濫捕、俾狗打同拉等等。
我嘅情況比較特殊，冇訓臭格，因為直接俾人打到爆缸流血訓咗幾日醫院。由細到大都好怕痛（講樣嘢俾你哋聽，我怕痛怕到連耳環都唔敢釘哈哈），但係俾啲狗打到流血嗰下反而唔怕。不過，真係永遠都唔會忘記嗰刻嘅無力感，我感到無力並唔係驚俾人拉，都唔係諗之後如果真係落charge以後條路要點行，嗰刻我個腦淨係諗住「我，以後係咪冇得再走出嚟？」，我擔心嘅係少一個就係少一個。講真，我真係唔甘心一次被捕就咁「畢業」。俾人拉之後嘅細節唔多講，好彩嘅係，醫生護士全部都對我好好，612嘅律師喺醫院等我幫我，屋企人都好快搵到我。
呢一年，我嘅崗位由前線變為後勤。心態上都改變咗唔少，以前淨係諗自己，依家每次都會諗埋屋企人，會記起佢哋喺醫院有幾擔心，當佢哋見返我，用力攬住我嘅時候個身有幾震。咁大個女，有幾可會見到父母喊到咁樣，我知道自己唔可以用返之前嘅模式去抗爭。呢一年我做嘅都係每日做Twitter任務、捐錢、幫襯黃店、去黃店做part-time依啲，有時真係覺得自己做得好少，好冇用啊... /_\
喺我最低落嘅時期，遇到幾位有相同感受嘅手足，大家都希望可以為其他手足同黃色經濟圈做更加多野，所以我哋就成立咗無名士依一個黃店平台。
好多謝過往依一年遇到過嘅所有人，唔知你哋咩樣咩名，但每一個手足我都會記住，依個同時係無名士依個名嘅由來。請大家記住當初點解會咁嬲，點解會為咗陌生嘅人難過心痛，點解明知出去會有好大風險都決定踏出家門。依一年我哋遇到好多困難，有好攰好攰心灰意冷嘅時候。前排甚至個個都話要移民，成日都話「黎明前嘅黑暗，係至撚黑暗。」但我哋相信，有一樣野係黑暗冇辦法觸及嘅。
係希望。佢喺我哋嘅血液入面，只要一息尚存都唔會泯滅。暴政可以禁錮我哋嘅身體，但冇辦法禁錮我哋自由嘅精神。
我哋希望黃色經濟圈可以有持續性發展，唔單只係餐廳，其他類型嘅店舖亦都需要大家支持，真係唔想再見到有有心嘅黃店做唔住。同時我哋嘅收益都會作定期捐錢俾612人道支援基金，因為作為俾612幫過嘅人，我哋好清楚612為手足做過啲咩，所以好希望可以喺自己嘅能力範圍內回饋返612，做到飲水思源。
一開始，我哋真係咩都唔識，但依家整咗個網站出嚟，中間遇過唔少困難，亦都得到唔同手足嘅幫助。其實真係唔知得唔得，但我哋知道唔去行動就一定唔會成事。真係好好好好好想做好依件事，貫徹我哋嘅理念，將黃色經濟圈再擴展到更大。希望大家可以多多支持我哋！
依家我每日都有宵禁，每個星期都要去差館報到，每隔兩三個月就要上一次庭。律師都話勝算唔高，隨時要坐。但我唔後悔，因為老土啲講，我真係好撚鍾意香港。就算依家香港變到幾壞幾扭曲都好，我都希望不久嘅將來會變返好，大家可以開開心心，唔使再受政權壓迫，可以真真正正擁有自由。
人冇事先做到世界冠軍，見字飲水啊大家，願你在亂流下平安。
最後，希望真係可以喺煲底下相見啦大家！
▂_▂_▂_▂_▂_▂_▂_▂_▂_▂_▂_▂_▂
#無名士 #網購平台 #黃店 #做對的事永遠都是時候 #香港人 #願榮光歸香港 #民族自強 #gfhksdgm
「無名士 ── 做對的事，永遠都是時候。」
▂_▂_▂_▂_▂_▂_▂_▂_▂_▂_▂_▂_▂
📍Website: https://momingsi.com/
📍Instagram: https://www.instagram.com/momingsihk/
📍Facebook: https://www.facebook.com/momingsihk/
📍Telegram: https://t.me/joinchat/AAAAAFSGFLzSZQKCwp2iQw
