3月1號✅煮俾阿哥低醣減肥餐單Day 1�
琴日阿哥正式第一日開始低糖減肥，好多人話睇佢着衫唔覺100 kg咁勁，我叫佢拿高件衫比較肚腩大家睇吓真係成個冬瓜咁大㗎！🤦🏼♂️😳Anyway琴日開始連續30日我都會為佢準備低醣餐同埋幫佢制定計劃調整，有興趣嘅觀眾或者朋友可以鎖定我呢個IG每日update或者去follow我啱啱開咗嘅MeWe減肥群組💁🏻♂
.
🙆🏻♂️MeWe 簡易版低糖減肥群組👇🏻
https://mewe.com/join/easy_way_for_low_carbohydrate_diet
.
不過琴晚有好多觀眾反映話join唔到，其實呢啲都真係幾煩好多Bug😢🤦🏼♂️不過都唔會影響我離開Facebook嘅決心，大家可以MeWe search 「輕輕鬆鬆飽住瘦」就會搵到㗎啦，又或者我聽到啲觀眾話用手機先至出現問題，電腦就冇問題，大家不妨用電腦試吓join吖！😉😉
.�好，講返Day 1嘅餐單👇🏻👇🏻👇🏻�.�早餐🥣烚雞蛋兩隻加番薯一隻，同埋1L嘅水, 阿哥平時冇食早餐嘅習慣，所以定時食早餐對佢嚟講好新奇，佢話食咗兩隻蛋已經覺得好飽，不過佢都有堅持食埋個番薯同埋飲埋啲水，不過聽日佢之後就話可以試吓淨係食兩隻蛋連番薯都唔食，雖然番薯係優質澱粉質， 我自己通常都會用嚟頂下肚，但係既然佢提出話可以唔食咁就幫佢減少，到時佢覺得肚餓就會過嚟求我幫佢加返㗎啦。��午餐🥗阿哥要外出工作所以幫佢準備咗方便嘅飯俠包括烚雜菜一大兜, 去皮蒸雞髀一隻同埋蘋果一個仲有1L水。�.�第一個星期我想首先幫阿哥清啲所以去除一啲油脂，雞髀雞扒等先唔食皮，第二個星期開始可以食返油脂同埋皮，因為人體係需要一啲油份去滑腸，咁樣先至可以將啲纖維痾返出嚟，有利預防便秘㗎。��晚餐🥙炒雜菜一大兜四種有椰菜，菜花，菜心同埋西芹，無論烚菜定係炒菜記得一定要加薑炒，我成日都提，因為齋食菜會好寒涼。��今晚係黑椒牛仔骨三件，前一晚用黑椒鹽油醃定放雪櫃今日落鑊兩面各煎幾分鐘就食得，另外加幾粒小番茄伴下蝶，等阿哥食得開心啲啫�.�另外整咗個番薯比佢因為今日係第一日我要評估下我阿哥嘅食量係幾多，估唔到真係好細，我估係我嘅三份一至¼左右，咁佢肥得真係好唔抵，因為好似晚餐咁我係以我減肥嗰陣時嘅食量去制定，點知佢食淨左三份二嘅炒菜同埋番薯都食唔落，要我幫佢食埋，同埋佢話牛仔骨大概整兩塊佢都夠飽，所以飲埋水佢今日都話好飽。
.
飲水方面因為阿哥啱啱好100 kg所以乘返40 mL=佢一日要飲4L水，為咗鼓勵阿哥多飲水我送咗個1L嘅水樽俾佢作為佢嚟緊呢30日嘅戰友�.�另外佢話寧願晏晝嗰餐可以再豐富啲多啲蛋白質，因為佢工作比較多活動需要多啲Energy，反而早餐晚餐冇乜胃口，佢可以再食少啲都冇問題，所以就算大家都係進行低糖減肥每個人食量同反應都好唔同，一定要不斷針對性咁樣微調。唯一不變嘅就係唔識任何精製澱粉多食菜同埋多飲水。
