《降魔的2.0》第二集，看來豪仔是亦正亦邪
～ 今集馬季同豪仔的戲終於多了，開初見豪仔煽動Teddy的冤魂復仇，又設陷阱吊馬季頸，以為他是奸的，今集睇嚟又唔似，看來是呷醋，因為馬季一見到佢淨係諗起石敢當，又唔記得「Min’na ga min’nah」是他們兒時喜歡的日本英雄片，嬲嬲豬咪教訓佢囉！迫佢唔做降魔人的原因，原來擔心馬季的能力仲係好廢，隨時會死响魔的手上，之後見馬季唔聽話索性主動教佢封印術，呢個舉動擺明因為馬季成日提住石敢當教佢降魔術，所以吃醋，人教佢又要教，看來馬明兩季的降魔導師都是胡鴻鈞。不過，豪仔又會煽動Teddy朋友家俊去自殺，又忠唔晒，亦正亦邪等大家估下。
～ 今集有Terry同KC客串洗水箱工人，仲有KC鍚錫Terry，幾搞笑，之後還有不少串星登埸，熱鬧到有賀歲片味道，暫時見到頭兩集相當重視搞笑和娛樂性，整體會否以這個做主調言之尚早，可是，上季實在死了唔少重要角色，加上約滿離開問題，感覺這季比較難像上季這麽多感人親情線，所以轉了搞笑同娛樂性，多特技去吸引大家。昨天誤救灑花槍女鬼到今天幾架的士插入，急call馬季見鼎爺，到馬季亂噏廿四解釋，再來尿射石敢當公仔，都有港式笑片那種硬插入去，搏大家一笑味道，這些場口無左都唔影響劇情。
～ 上季郭展明(黃子恆)的偏執個性相當突出，一開場已經有大奸角味道，吸引到人追，而今季如果豪仔不是奸角，希望大魔頭快些出場營造番正邪對立氣氛，否則會令劇情鬆散及失去焦點。
～ 童年的馬季(楊凱博)及豪仔(鄭耀軒)真是大個仔了，新拍的童年回憶少了點童真味，但不能怪劇組，自然長大控制不了。
～ 豪仔教馬季封印術時，二人的手勢幾似動畫《龍珠》悟空同彼達的合體技，如果真係夠膽咁玩又幾好笑😆！
～其實唔多喜歡的士佬大頭這角色又玩喜劇之王，玩得太多了，厭厭地！
#降魔的2.0 #馬國明 #黃智雯 #胡鴻鈞 #劉佩玥 #鄧佩儀 #譚凱琪 #C君 #蔣志光 #謝雪心
