出面見有D人批評李家鼎師傅嘅鼎爺私房菜⋯自持為食家又有、普通人又有。係自己FB串人就算，仲要踩埋去人哋啲Facebook串人。最好笑哩D人都跟本未食過😒⋯
首先，未食過嘅人跟本無資格批評。見到幾張相、睇下餐牌同價錢、再睇過兩集「阿爺廚房」就當自己食家上身去批評別人？會唔會太兒戲？🤔（可能自己唔捨得比錢食又無人請佢食咪會葡萄🍇囉）。
我想分享一下我食後感受，鼎爺佢煮嘅嘢係全無味精、梳打粉，甚至鹽都唔多落（成日叫唔好落噉多無益）嘅家庭式煮法！而且佢有多道懷舊菜色真係好特別，我個人就好鍾意❤️。何況佢從來強調自己唔係大廚，只係將自己以前係阿爸度學番嚟同煮飯俾前妻食嘅心得經驗分享出嚟。哩個係佢煮法同style。同我一樣，我成日講我唔係廚我只係一個鍾意煮嘢食嘅C奶唔好攞我同酒樓大廚比。如果要食濃味、味精、大廚功架就不如去番大酒樓食哪（當然鼎爺功架大家有眼睇）。況且，每個人口味都唔同，唔可以人哋唔認同你嘅就話人「無Taste」，要專重別人意見吧。
價錢方面除咗$1888外、仲有$1280同$988。一分錢一分貨，你唔一定要食最貴嘅。佢大部份係功夫菜、花好多人工時間、而佢選料又挑剔⋯何況個人認為鼎爺個名收貴少少都好正常唧，唔buy佢嘅亦唔好去哪。
再者，自己好欣賞鼎爺對飲食界還有一團火，之前師傅同我講裝修都千幾萬，我第一個反應係「點番本呀😱」！但見佢嘅熱誠同出嚟反應好好我都好替佢開心。同埋好欣賞佢嗰種無私分享、實話實說嘅態度。總好過D見人講人話、見鬼講鬼話嘅是非小人。不是嗎？
最後都係嗰句：
唔buy佢嘅，1蚊你都覺得貴；
未食過嘅，跟本無資格批評！
四個字：「食咗先講」。
～完～
#香港人幾時變得噉涼薄
#而家D食家唔駛食都可以評
#少啲批評多啲正能量好嗎
#為自己下一代積下口德啦
#喺OpenRice寫幾篇野就當自己係食神
#好掛住當年教我好多嘢嘅真正食評家唯靈師傅
鼎爺私房菜openrice 在 鼎爺殺入中環開餐廳！ | 【鼎爺開新店】... | By OpenRice Hong ... 的推薦與評價
食唔到一枱難求嘅 鼎爺私房菜 ，不如去中環試吓鼎爺新開嘅中菜館，9月5日正式開業。今次唔使湊夠一大班人先食到喇，因為設有散叫，鼎爺仲推出好家常但巧 ... ... <看更多>