《姐死姐還在 之 深宵聲明》
（我係學香港政府咁，咩大鑊嘢都要夜媽媽講）
2016年4月1 日，我話「真的出書了」，然後各方好友都不停問「出得未姐？出咗成年？」，其實我都好驚好似陳雅倫咁，講咗結婚，之後結唔成。但我終於都成功找數啦，我本書今個月有啦。我真係好感動，聽到終於出得嘅時候，真係好想好似龍懷騫咁跳返part 開心舞.....大家一齊開心跳起yeah 啦。
呢一年來，真係呢世最忙，返一份五day 半嘅正職，然後明明無上進心但又為勢所逼咁，一星期放工進修兩日，外加mid term，essay，research project同exam，再來又要維持呢個page 嘅日常運作，然後我又講過本書要從新寫過唔用page 出過嘅內容。呢一年來，我真係好希望我識得西遊記嘅夢魔，我真係好想訓住咁，喺夢入面可以喺另一個空間工作，清清我個條長過青山公路嘅to do list。
我知道繁忙嘅現在，就係為咗得閒嘅將來。
終於我本書出啦，嗚嗚嗚嗚嗚嗚嗚嗚嗚嗚嗚... 真係好感動...
我呢個moment 好想好似林鄭咁，未選就謝定票先。我真係好多謝呢個page 嘅所有讀者，無你哋不停問「本書有未姐？」，我真係會想暗啞低當本書好似「董建華個八萬五」咁，唔提就當佢唔存在，放棄唔寫唔出新書。
我喺寫呢本書嘅後期，明白到寫書同寫page 嘅最大分別，係我寫page 你哋會即時俾個like 我，寫書嘅感覺就好似小紅帽入咗森林搵呀女麻咁，「屌，好似唔對路」，對自己好質疑，「有無人睇架？有無人買架？」。
然後出版社嘅人就不停好似社工咁，不停話對自己有啲信心啦，無問題嘅。有一期我仲不停同朋友傾訴....
「我諗啲人買我嘅書係出自同情心...」
朋友話「痴撚線，呢啲唔係同情心，呢啲叫號召力...」
俾朋友呢句說話摑醒我之後，我明白到john tsang之前講個句，「相信一個人，不如相信每一個人」，就算我唔信我自己，我都應該信我每一個讀者同出版社嘅taste屎。
各位，埋嚟睇埋嚟買啦喂！幫我share 爆佢啦.....
PS. 我要好多謝 Art of faminik ，個條咸魚真係好代表到我，一睇就知係條靚曹白，仲要搭對翅，好正，好鐘意......
無錯，本館已經正式邀請到「姐死姐還在」加盟，今個月佢大姐首本實體書正式面世！
唔知「姐死姐還在」係邊個？咁不得了喇，長話短說，佢嘅FB專頁無圖無片，齋用文字，靠講阿姐壞話，靠發社會爛渣，吸納35,000+讚好粉絲，文字魅力係有兩手嘅！
佢嘅首本實體書將收錄「全新故事」👉🏻
獵奇！揭秘！可謂OL深宮回憶錄——盡爆姐死在某大地產商做奴隸獸的日子！
+「時評精選」👉🏻篇篇mean爆，盡出烏氣！
總之好嘢嚟啦！
