今日入西貢，保良局賽馬會北潭涌渡假營。
國際米蘭香港青訓學院搞咗個4日3夜足球營，今日完成，家長入營接小朋友，大會舉行頒獎禮，我入去探班兼頒獎。
Update返有留意開保良局設施嘅朋友，早年保良局接受香港賽馬會捐助$8000萬興建的足球場及全新營舍，現已落成，鋪上第4代人造草的7人足球場已經啟用，今次國際米蘭香港青訓學院就首次帶領小朋友在營內進行Summer camp，4日密集式活動，訓練和比賽，40位男女小朋友玩得好開心。
而我喺台上見到家長仲笑得開心過班小朋友，有家長笑說希望個camp加長兩日，小朋友又話想玩多幾日先走，好！我哋考慮下次安排長啲。
其實都好架，小朋友需要時間warm up，有啲小朋友年紀太細，第一、二晚喊住話要返屋企，到第三日已經玩到唔想走。小朋友喺埋一齊長啲時間，會學識同人相處，團隊默契亦會好啲。
今次係我哋第一次搞camp，跟住會有去東南亞城市遊學團（有親子選擇），亦會有去意大利國際米蘭球會的遊學團，希望今次參加過的家長，俾啲意見我哋，亦希望大家留意我哋嘅遊學團消息，到時記得報名喇！
今次要多謝保良局，個場地真係好靚；再一次多謝家長對我們的信任，將小朋友交俾我哋。
#iahk #interacademyhk #intercamp #夏令營 #遊學團
#maxihouse #maxihousehk
@interacademyhk
11人足球場 在 五人制足球對11人制足球的好處(UEFA) - Facebook 的推薦與評價
我喜歡在這麼小的球場上踢球的挑戰。 ” 10 reasons to play fustal 十大踢五人制比赛的理由 1. Benefits “益處” 五人制比賽與11 ... ... <看更多>