｛怕甚麼？甚麼也不怕！｝驚？我嚇大㗎！趕及在重要時刻復出呀我！好似陳七咁！
1. 早早話咗，今次聯儲局議息係萬眾期待，Sunday都期待！
2. 因為，聯儲局每年議息8次（當然有事可以隨時加開，例如舊年3月），當中有4次比較「大」，會後有局方嘅經濟數據預測，加息點陣圖等等。
3. 爆疫至而家，不經不覺春夏秋冬又一春，上次大議息會係3月，然後正係呢3個月間 通脹擔憂升溫，出嚟嘅數字亦都令人擔心。萬眾期待今次聯儲局會講乜，啲數字有乜唔同。
4. 你見之前港股美股吽足大半個月，VIX恐慌指數去到疫情後低位。新手以為好事，老司機知道呢啲就complacency，爆單邊格局，而一般十個牛皮九個淡。
5. 一開出嚟，道指曾經跌380點。但老細，講緊只係1%嘅波幅。再講一次，呢啲波幅都話股災嘅，你返屋企掃風啦，股市好危險的。未有2020我都唔怪你，好多小朋友唔知咩叫股災，但見過2020 221至323嘅大屠殺（道指一個月跌咗成1萬點！），400點你股災？咪玩
6. 債市呢，當然有反應，應聲由1.50%，抽高到1.6%。但，連月頭嘅水平都未到呀！雖然總要有個過程，但未見棺材使乜太早流眼淚？
7. 通脹？好呀。加息？唔會喎。
8. 咁到底聯儲局堆預測，或者加息路線圖，有乜唔同？我可以話你知，冇乜唔同。加息？2023啦。到時畀個警務署長你做啦！
9. 咁跌乜？冇喎，1%跌幅都要搵理由？咁咪好唔得閒？
10. 但，我嘅First take，聯儲局短期係會有得通脹升。咁你間公司如果冇法將成本壓力轉嫁去客人身上嘅，就梗係唔多好。
11. 不過，標普500嘅公司，就係強中最強。轉嫁唔到成本上升嘅公司，即係根本護城河唔夠深。
12. 借問聲NetFlix 加價10%，你係咪下個月睇TVB？Facebook廣告加10%，客人係咪唔落？（實情加咗好多個10%了）
13. 股價跌呀？好呀，買多啲！
14. 止蝕？咪戇鳩，首先有排都未蝕，二來，2018年你買騰訊買蘋果又止蝕？之後升多一倍喎。哦你一跌就沽，然後低位撈返高位放呀可？咁勁嘅，買場歐洲國家盃都得啦。仲未發達？（我都未）
15. 詳細分析，今晚（即係而家，香港時間3:00）Patreon寫！
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
2023春牛圖 在 2023春牛圖 的推薦與評價
#2023春牛圖#預言2023 #預測未來#通勝《洪宗玉風水命理》 EP47 20220902 ... 蔡興華#通勝#春牛圖#地母經#流年方位#2023兔年運程#灼見名家曆法世家蔡興華為我們解讀癸卯 ... ... <看更多>