Search
【Apple】郭明錤預測：iPhone 14將改用「打孔」螢幕設計 配備4800萬像素廣角鏡頭
相信唔少果迷都對iPhone 13彈多過讚，甚至戲稱今代其實係iPhone 12.5，雖然新機尚未正式出貨，但著名Apple分析師郭明錤就發表最新報告，預測iPhone 14 Pro機型將會改用「打孔螢幕」設計，並配備4,800萬像素後置廣角鏡頭。至於大家最關心嘅Touch ID，最快都要等到2023年先有機會回歸。今代唔啱心水又唔想轉會嘅朋友，不如再等多一年？
#Apple #iPhone14 #TouchID #郭明錤
POCO M3 Pro 5G搭載MediaTek 天璣 700處理器
支援5G雙卡雙待，並支援目前台灣現行5G主流頻段
同時配備5000mAh（typ）大容量電池、支援18W快速充電
採用6.5吋 FHD+ 90Hz AdaptiveSync螢幕
配備4800萬像素AI 三鏡頭相機
POCO
#POCO #M3Pro #天璣700 #5G雙卡雙待
https://suku3c.com/news/poco-m3-pro-5g/
Redmi Note 10 5G 開箱 - 小米喺2021年6月17日舉行發佈會，宣布將會喺香港推出旗下品牌紅米嘅一部新5G手機－Redmi Note 10 5G，今日就同大家睇下！
Alfred Mak 麥卓華 #香港5G #RedMiNote105G #RedMiNote105GUnboxing
Redmi Note 10 5G 開箱 - 小米喺2021年6月17日舉行發佈會，宣布將會喺香港推出旗下品牌紅米嘅一部新5G手機－Redmi Note 10 5G，今日就同大家睇下！香港5G redmi note 10 5g unboxing
呢部手機配備6.5吋FHD+開孔屏幕，有最高90Hz嘅刷新率，並採用咗聯發科天璣700處理器，支援5G雙卡雙待同埋NFC等功能。佢嘅機背採用磨沙物料，手感順滑之餘，亦唔會容易粘上指紋。而機身右側就設有音量鍵，同可用作指紋辨識嘅電源鍵。
等我試下開個瀏覽器，睇下片先！色彩睇落自然，畫面亦都好流暢，絕對收貨！再睇下個5G速度！唔錯！無論打機定睇片都絕對夠用喇！
喺鏡頭方面，Redmi Note 10 5G有800萬像素嘅前置鏡頭，而後置三鏡頭就由4800萬像素主鏡頭、200萬像素微距鏡頭同景深鏡頭組成。試下正常影下相先！以入門機嚟講，個質素真係幾好！
Redmi Note 10 5G有5000mAh嘅電量，支援18W快速充電，就算全日使用5G嚟打機睇片都可以應付到。
呢部手機香港已經接受預訂，並會於2021年6月23日正式發售，6GB RAM + 128GB內置儲存空間版本賣HKD$1,599，有彩光銀、石墨灰、夜幕藍同極光綠4款顏色選擇。
Nokia喺稍早時間就推出咗入門手機Nokia G20，就等我同大家介紹下！
Nokia G20採用6.5吋HD+水滴屏幕，並配備聯發科曦力G35處理器，預載Android 11系統。佢機身設有可用作指紋辨識器嘅開關鍵同Google Assistant鍵，亦支援臉部辨識、雙卡雙待同藍牙5.0功能等等。
喺鏡頭方面，Nokia G20有800萬像素嘅前置鏡頭，而後置四鏡頭就由4800萬像素主鏡頭、500萬像素超廣角鏡頭、200萬像素微距鏡頭同景深鏡頭組成。作為入門機有咁好嘅鏡頭，真係唔錯！
呢部機擁有5050mAh嘅大電量，支援10W充電，Nokia就話電池續航力可以長達3日，咁應付日常生活絕對綽綽有餘喇！Nokia更會為呢部手機提供3年嘅每月安全性更新同2年嘅系統更新，保障用家。
Nokia G20喺香港已經上市，4GB RAM + 128GB內置儲存空間版本賣HKD$1,798，有亮藍同亮白兩款色。如果遲啲想睇埋Nokia G20嘅開箱同試用嘅話，就記得繼續留意我哋喇！
#NokiaX105G#蔡司認證鏡頭#高性價比
Nokia早前推出咗一部號稱性價比高嘅5G手機Nokia X10 5G，今日就同大家介紹下！
Nokia X10 5G採用6.67吋嘅FHD+開孔屏幕，並配備高通Snapdragon 480處理器，預載Android 11系統。佢機身設有可用作指紋辨識器嘅開關鍵同Google Assistant鍵，亦支援臉部辨識、NFC同藍牙5.0功能等等。
喺鏡頭方面，Nokia X10 5G有800萬像素嘅前置鏡頭，而後置嘅蔡司認證四鏡頭就由4800萬像素主鏡頭、500萬像素超廣角鏡頭、200萬像素景深鏡頭同微距鏡頭組成，支援電影同人像拍攝模式、蔡司眩光效果同埋前後鏡頭同時拍攝功能。
Nokia X10 5G擁有4470mAh嘅電量，支援18W充電，應付日常生活絕對冇問題。Nokia仲會支援3年嘅系統同每月安全性更新，確保用家安心。
Nokia X10 5G喺香港已經上市，6GB RAM + 128GB內置儲存空間版本賣HKD$2,598，有森林綠同雪白兩款色。如果遲啲想睇埋Nokia X10 5G嘅開箱同試用嘅話，就記得繼續留意我哋喇！
