美股睇晏咗少少，今朝一開眼已經9點55分，開app前預估跌4舊，原來係6舊，跌快啲其實仲好，磨咗個幾月，日日望佢畀個方向，家陣邊已開，點會唔係好事？大市板塊幾個諗法:
1. 宏觀，滯脹mode is on，上星期五Power用15分鐘分析你聽，未聽要去聽番，經濟復甦緩慢，但通脹猛於虎要收水，揸cash再睇係基本方針，目前現金水平90%。
2. 指數，28000上星期五Power已經講咗，穿埋，樂觀係27500附近做第二腳，再橫行，但3月尾27500個日無乜成交，support不大，外圍free fall的話根本無得守。不過，好重要嘅係，阿爺先天下之G而G，呢浸頂到都唔奇，而當阿爺不倒，板塊個股就會有短線機會，適合爛賭人士過手癮。
3. 板塊，資源股震後再上，定係頂已見？睇實美金，短線似形成雙底，留意聽日美國CPI，好大啟示。個人傾向高位chok幾日，唔會尖頂落，想走仲有時間搵位。
4. 熱點，資金繼續泊向低估值防守嘢，幾倍PE幾厘息，無乜大發圍但又好穩定cash flow勁嗰啲，暫時諗到係電訊股。教育物管其實都係必要開支，現金牛確定性亦高，但當然唔係幾倍PE，息又唔高，揀股的話，記住揀低PE。
5. 冧巴，無，因為我都未諗好，食埋個蛋包飯再講。
#先求脂再投資
