美國犯罪率出咗名高,近來又發生頗多針對亞裔人士既罪案,偏偏我個樣又生得衰:喺亞洲,啲人覺得我鬼鬼地;喺歐美洲,啲人又覺得我係支那人。哎!乜人都好啦,家人擔心我既安全,要我擺支槍喺屋企旁身。我心諗,又唔識用,擺個空城計把鬼咩。
同朋友傾開,佢地話,喺美國,每家每戶,最少都起碼有一支槍,而大部份人喺車度,仲會擺返支添,方便如果撞車講唔掂數,就開槍啡低對方😳。
為咗我既安全,其中一個朋友就決定帶我去學射槍。
去到室內射擊場,見到各種唔同大細,型號,火力既槍械,我個心開始有啲慄,但又唔好意思打退堂鼓,唯有死撐,頂硬上。
朋友幫我租咗支.357左輪手槍。
一踏入間射擊室,已經俾周圍響到令人腦震盪既槍聲嚇到成個人彈起。
去到自己條線,先至知道要跟足規矩自己入子彈,(係真子彈!)朋友唔可以幫我入。我入咗好多次先至入晒5粒子彈。點解咁論盡?因為每次隔離線一開槍,我就會俾震天動地既槍聲嚇到好似柏金遜病患者咁,握喺手啲子彈都跌晒落地,要執起再入過。
終於手騰腳震咁入完子彈,開第一槍。雖然,之前前台個哥哥已經教過我點正確地揸槍,又好詳細咁解釋過支槍發射時會發生既後座力度。雖然有晒心理準備,但一開槍,支槍既後座力仍然震到我幾乎甩手,嚇到我死死下。
開到第三槍,支槍既扳機突然間勾唔郁。我騰晒雞咁將支槍交俾我朋友。佢接過手,連續開咗幾槍,都冇問題。交返俾我,叫我再試過。我再試,都係勾唔郁。我心諗:「黑仔Tann」,你唔係黑仔到連人地支槍都整鬼壞埋係花?!
朋友見我揸住支槍,鬼食泥咁企咗喺度吟吟尋尋,就建議我換過另一支槍。
出返去前台,我面青青咁同個哥哥話,我可能整壞咗槍,要換槍。佢檢查支槍,發現支槍冇問題,有問題果個係我,果然😵💫。 佢認為係我隻手太細,食指唔夠力扣支左輪既扳機,建議我換支9mm Glock 半自動手槍試下。佢解釋話支Glock 同左輪最大既分別係:左輪手槍要用食指去勾個扳機,將粒子彈轉入個槍膛度,而支Glock就需要用手將個滑管向後chok一下來load子彈。佢即場叫我試下睇chok唔chok得郁個滑管。我騰騰雞雞咁拎住支Glock,試下向後chok,哈!竟然夠力chok個滑管啵。
返入射擊室再試過。
終於成功開到幾槍,個人冇咁緊張,開始可以集中精神學瞄準,我由一開始將啲子彈打晒喺個人型靶既外面,慢慢進步到打得中內臟位置,最尾仲有幾槍仲打中紅心添。
朋友對我由「騰雞Tann」升呢到「殺神」既極速進步讚不絕口,話我既學習曲線好勁。我雖然暗啞底覺得自己都幾叻,但始終覺得,學射槍,係要來自衛。槍械,話晒都係殺傷力好強既武器,冇必要,都係可以唔用就最好唔好用啦😓#射擊 #槍 #暴力 #槍械暴力 #左輪手槍 #Glock #腦震盪
9mm左輪手槍 在 趙學而 Bondy Chiu Facebook 的最佳貼文
喂呀~
跟人去打wargame被BB彈射到都痛到PK
睇埋呢個槍械火力研究計算。。。
睇到皮痛肉痛骨都痛 💔💔💔!
[香港黑警暴力] 系列
小弟曾任生存遊戲教練,教導正確氣槍訓練20年 ,絕對知道氣槍不正確使用可以帶來的痛苦。現在警方經常胡亂向示威人士開槍(在毫無警告之下,由天橋高位向下亂射示威人士的頭部 etc.),然後強詞自己使用的槍械不具備大殺傷力 ( less lethal),其實係咪事實?究竟警方使用的所謂「不具大殺傷力」槍械有幾多焦耳 (Joules 火力計算基本量度)?
首先作比較我想大家知道,接近兩焦耳以下(2 Joules) 廣華街有賣的合法氣槍,是可以打穿汽水罐底,近距離打中人的身體肯定爆缸流血,有打過 wargame 的人都知道如果被射中會痛到抽筋。至於警察用的所謂「不具大殺傷力」槍械我在此進行了火力初速研究計算,報告如下:
1. 胡椒彈氣槍-氣體推動 (Pepper Spray Projectile) = 17 Joules
2. 三連發塑膠彈頭 MP-4-R3 - HARD RUBBER BATON PROJECTILE = 81 Joules
3. 布袋彈-火藥推動 (12 Guage Shot Gun Bean Bag) = 150 Joules !
4. 橡膠子彈-火藥推動 (12 Guage Rubber Fin Rocket) = 176 Joules !!
5. 水砲 Water Cannon - 水壓推進 = 271 Joules
6. 催淚彈/海綿彈-火藥推動 (37/38/40mm Chemical Munition CS Tear Gas/Sponge munition) = 322 Joules !!!
7. 0.38 左輪手槍-火藥推動 (0.38 Revolver) = 350 Joules
8. 9 mm 半自動手槍-火藥推動 (9mm Semi-Auto Pistol) = 481 Joules
根據香港法例,所有氣槍超過兩焦耳 (2 Joules) 已經可以當成真槍進行檢控,香港警方過去經常就氣槍超標的情況對市民作出檢控,有時更因為缺乏知識引致胡亂濫捕的情況。當你看到以上槍械火力圖表,你就會知道現在警方所使用的槍械全部超過兩焦耳,橡膠子彈槍械更是兩焦耳的差不多90倍! 催淚彈的火力是兩焦耳的160倍!! 幻想自己被一支槍械火力達打穿汽水罐底160倍的大型子彈(催淚彈)打中頭部 ,後果是多麼不堪設想!難怪有市民被警察開槍打到生命危殆。有實驗報告證明打中一隻羊,牠的骨骼折斷以及內臟嚴重受傷(可憐的羊),打中眼睛會導致失明。千萬不要聽警方誤導以為「海綿彈」好軟會冇事,果粒「海綿彈」好似雞蛋咁大,係實體軟膠製造打中好大鑊。 如果香港法律兩焦耳以上就當真槍的話,結論就是警方其實已經在使用真槍對付市民! 所謂「不具大殺傷力」槍械只不過是語言偽術,市民切勿被這些淡化警方暴力的字眼瞞騙。
現附上計算圖表,只要填上彈藥的重量(grams) 以及它的 feet per second (FPS) 就可以計算出火力 (Joules) ,這些資訊上有關槍械公司就可以輕易找到,如有錯誤歡迎指正。香港人要一起努力譴責香港暴力警察,一定要緝拿那些有份開槍射擊市民的警察把他們帶上法庭,切勿讓壞人得逞,請廣傳,香港加油。