出咗咁耐最後出未？
（講brexit。）
英國大選票站調查結果，保守黨出奇地大勝
（講定先嘅，廢國廢人廢噏）
票站民調顯示，保守黨將會攞到國會大多數議席。雖然大部份嘅報導都會話 "too early to say"（其實近五次大選都無點大錯），不過最老實嘅「廢鎊」對「福幣」匯率唔洗五分鐘升咗2.3%。咁即係點呢？
呢個結果證明咗一件事，就係今次的確係變相Brexit公投。預測保守黨嗰368席未必絕對準確，但就係歷史上破紀錄連贏四場大選，而更重要嘅係工黨得191席，呢個係幾十年黎未試過咁衰嘅結果，黨魁左膠王Corbyn揀嘅越黎越共產嘅所謂"Red Wall"正式收檔。
首先，真正民主社會，啲候選人輸咗係唔敢「屌票」，亦唔會話對家嘅手段污糟蹋遢，更加唔洗諗有「落選安慰獎」，所以只會立即數臭自己個黨魁同啲爪牙，唔信大家可以嗰FB或者Twitter揾下呢個tag #CorbynOut 有幾壯觀。而蘇格蘭民族黨橫掃蘇格蘭，就係黎緊可能發生嘅英國憲政問題，即係可能又黎獨立公投。不過最快出現嘅就係英國會响1月31號準時脫歐，進入更複雜嘅全世界Trade Deal嘅階段，而呢個就係對國際關係影（香港）響最多嘅嘢。
Boris Johnson嘅親美路線，睇黎無乜人可以阻到，咁美帝依家係點，唔洗再講。咁用事頭婆個名嘅航母戰鬥羣，睇黎都會如期代替美帝去南海。而且原本下議員外交委員會嗰啲人，如無意外只會越黎越強硬。咁嗰啲要求政府2020年5月前要搞嘅Magnitsky Act，真係諗唔到點解唔跟EU同美帝（Ooops...啲高官床下底居英權嘅Cert，Zone 123啲樓...）。移民方面，Boris Johnson上個星期講明會行Australian Point Based System，將會分三級，爆分嘅人中龍鳳就唔洗Job Offer，中間夠分嘅Skilled Worker就要有，而Low Skilled嘅就無居留權。嗰啲Startup同Innovator Visa就繼續。
最後關於BNO平權呢單嘢，益咗Free Rider同藍寶寶之餘又幫唔到年青人嘅事，唔想講，因為仍然覺得反胃。唔實際嘅事唔想拗，亦感得拗都無用。只能夠講，黎緊廢國未必會變好，但係肯定啲內政同外交政策，比幾年前清晰一致。
#馬前炮
Photo Source：BBC
