《0114 - 0115 宇宙船 PROMO 扭蛋劇場 有你有我》
本港地區今日及下週風氣預測：
係咁嘅！大致多人，非常嘥氣，早上喺Mewe add你嘅朋友，最多大約14個，Signal再低幾個。facebook大部分專頁有煙霞，能見度頗低。吹輕微至無謂嘅水。
展望：隨後數日持續有人轉會，初時局部心情感覺和暖，稍後風勢減弱，意興闌珊，星期日話題顯著轉冷，下週中後期Profile pic未見改善跡象，friend list自動add咗嘅朋友人名普遍陌生，未知邊個打邊個。
請留意喇！趁熱鬧風氣警告現正生效，潑冷水風氣警告現正生效，同埋季節性注重個人私隱警告都係現正生效嘅。(有YOU有ME提提你) 轉會人數100，轉會但同時仲玩緊facebook同IG嘅人數⋯⋯都係100。(有YOU先有ME，有ME先有WE！)
風氣質素健康指數：facebook監測站錄得嘅健康指數……中至差，新平台錄得嘅健康指數……未知。
接住落嚟係一節YOUTUBE派俾大家嘅胸部消息，胸部砌模型同胸部畫DRAWING已經上架。
下星期再同大家睇睇Download Signal嘅時候Down錯埋Single嘅各位男朋友，俾女朋友發現時嘅解話方法，祝大家有個愉快又濕潤嘅週末。風氣消息報導員薛晉寧喺度嘅報導係咁多，再見。
ig profile pic download 在 How to download Instagram profile picture and videos 的推薦與評價
... <看更多>