以下係幾個月前寫嘅舊文；覺得啱駛，所以再貼多一次。
###
【超長文慎入：Equilibrium．時代革命．點收科？】
本來想好 proper 咁去寫，但發覺都係隨心咁分享下。
一，「作用力等於反作用力」之前好幾次響專欄入面用「牛頓第三定律」呢句去描述社會現象。不過，更加貼切應該話，社會科學入面但凡觀察得到嘅現象，其實都係一種「平衡」（Equilibrium）。
二，Equilibrium 唔等於 Balance；平衡，唔等於公平又或者平等。一個社會可以傾側某個價值，可以向某個方向發展緊，但大家觀察得到嘅每個 snapshot，仍然係一個 Equilibrium 嘅狀態。Equilibrium 可以動態，可以靜態，重點係可以被觀察得到。
三，以前讀 Econ ，equilibrium 最簡單嘅理解就係 the price where the demand meets the supply ；我成日同學生講，條 demand curve 同 supply curve 就好似電子嘅 orbit ，只係一個 conjecture，係我地從唔同嘅 observation deduce 反轉頭，唔好搞錯。
四，但更加哲學嘅定義呢，equilibrium 就係「冇其他外在因素轉變既情況下」(cateris paribus），結果會維持一樣。咩叫「其他外在因素」？其實唔一定係好「外在」，只係 model 以外嘅因素，demand 後面有可以有 factor，supply 一樣有好多 factor，甚至 randomness 都可以係外在因素。呢個亦係社會科學難搞嘅地方，因為理論上唔可能有 control 。不過，model 外嘅叫 exogeneous ；model 裡面嘅叫 endogeneous 。
五，講返香港目前。雖然人人不分黃藍都會覺得好亂，都想突破，但好少人諗過，其實目前嘅狀態係種 Equilibrium；但重申一次，Equilibrium 唔代表一切不變，亦唔代表公平又或公義。Equilibrium 嘅意義就係呢個結果背後 is the resultant of all forces acting on different agents 。
六，破局嘛，跳唔出個框框，就會諗，一係就市民成功 #光復香港（whatever it means），一係就政府成功 #暴力鎮壓 。現實係兩邊不斷升級，stake 越來越高，賭得好大。
七，從另一個層次分析，香港市民同政府，其實係不斷向同一個「制度」（institution），從唔同方向施加壓力。用 Newton's 3rd Law 嘅 Schema 去解說，係「作用力等於反作用力」x 2。不過，呢個都只係 model 裡面嘅 equilibrium，而關鍵就係 institution 究竟有幾 resilient 。
八，跳出香港本身呢個 model；exogeneous factors 就係北京同國際社會嘅角力（not surprisingly）。更貼切咁講，香港人眼中最主動搞香港嘅「外部勢力」咪北京囉；而獻世派同政府眼中，咪洋人黑手背後大台囉。
九，黑格爾正反合咁去睇，上面兩種睇法都有一定嘅 validity ；咁講唔代表話我贊成邊一邊，又或者支持邊一邊。我只係話咁睇一定係基於某種觀察得出嘅結論，唔一定完全正確，但反映某種事實。我知道今時今日講呢種說話，好多人唔會睇落去，不過，請大家畀個少少嘅空間我去大膽假設先，睇埋落去先判斷，okay？
十，歷史，其實可以視為不斷嘅意識形態之爭；亦即係經濟活動模式嘅轉變帶來嘅意識形態，導致社會文化政治嘅轉變。呢種睇法好馬克斯（當然同用一套分析方法，導入唔同嘅假設同事實，結論可以好唔一樣）。
十一，好概括咁講，過去千百年既意識形態之爭，尤其過去幾百年，在於一套相信：（a）社會係由上而下組織，整體存在意義高於個體存在之總和，而另一套就係 ：（b）個體由組成整體，而整體之存在並不凌駕於個體之存在。用乜嘢分別去 label （a）同（b）就由得大家。不過，好膚淺咁可以話（a）係集體主義（b）係個人主義。
十二，自由、民主、公義等概念，套入（a）（b）兩種觀點都有唔同解讀，甚至乎連點樣信耶穌，都可以有分別。近年因為成個大眾媒體同 public space 都出現突變，又迴音谷又同溫層，可以講（b）出現好明顯嘅變化，甚至 （a）（b）之間嘅界線都有變化。我只係想講，大家都嘗試去了解發生緊咩事嘅同時，英美歐洲各國嘅政治版圖已經改變緊。香港亦冇理由仲停留響 1989 年，係咪？
十三，即係話，由 2014 到依家，特區政府以至北京覺得束手無策嘅香港問題，其實全世界都出現緊。只不過，香港嘅 institutions （制度），係咪有容量去疏理新出現嘅壓力。原則上，普通法、自由市場、代議政制，已經相對比較有對應壓力嘅彈性。偏偏香港過去廿幾年制度發展，就背道而馳。
十四，講返一個好具體嘅事例：本來香港唔需要成立咩獨立調查委員會，立法會 Select Comm 就已經可以處理；但議會被閹，冇認受性，亦可以話 dysfunctional 。市民認為搵法官去 Chair 一個獨立調查委員會更有認受性，反映香港得返司法仲信得過。不過我怕好快連市民對司法制度嘅信任都淪陷，又或者被攻擊。反過來講，如果係一個做到嘢嘅獨立調查委員會，警察一定會反枱。呢個又返去上面 #五 到 #七 嘅分析。
十五，從好宏觀嘅角度去睇，香港嘅問題出響個制度；企圖用一個好 rigid ，甚至乎十八、十九世紀嘅視野，去管治廿一世紀嘅大都會。亦有人相信，只要「正確嘅人在正確嘅時候做正確嘅事」，香港就會平安大吉。
十六，要記得，to err is human，人，就係有私心，就係會犯錯，就係 falliable。所以，我哋要追求嘅係一個「就算有人犯錯，都唔會長久集體錯落去」嘅制度。
十七，最後，我希望大家明白，越憤怒越失望，就越要冷靜理智。人好易不知不覺間，變成自己心目中最仇恨同恐懼嘅魔鬼。
newton's law 在 Newton's laws of motion - Wikipedia 的相關結果
Newton's first law, also called the "law of inertia", states that an object at rest remains at rest, and an object that is moving will continue to move straight ... ... <看更多>