今日係世界月經日🍷
妳開始用杯未？用過嘅都好似好爽咁
小刺蝟 happeriod 同我哋做緊合作
呢幾日(5月內)買RubyCup有9折
仲會收益10%捐pridelab
記得入優惠碼 pridelab啦😂
【#SWIMATESDAILY | 女游日常】今日 5 • 28 係世界月經衛生日，對成日要落水嘅團長嚟講都真係幾重要㗎！好多人覺得月事已經係一件好唔衛生嘅事，所以我哋就要想辦法令月事衛生啲🤔尤其呢排酷熱天氣警告連發多日，係條街行幾步大脾都流汗，仲要包住塊濕咗嘅姨媽巾，真係諗起都辛苦，其實焗住仲唔衛生😩成日講到口水乾，團長們真係極之推薦大家試用月經杯，我哋都試過唔同款嘅杯，例如呢張圖嘅 Fun Cup，不過真係唔同女仔啱用唔同杯，要試過先知，團長就覺得始終 Femmy Cycle 最正🤤放咗個杯入去果秒開始我就唔知咩嘢係姨媽到👐🏻眼見身邊唔少團員由用棉條開始，上堂前仲會細細聲同我哋講「今日試咗用棉條呀💪🏻」絕對係一個好開始！其實唔係用槍指住大家一定要用杯，所以千祈唔好有壓力，由棉條開始再轉用杯，慢慢克服心理關口都可以😉遲吓想用杯教埋你哋用又點話！依家你問團長 M 到咩感覺我都唔多記得🤷🏻♀️因為我直情唔比機會佢流出我嘅五指山🖐🏻即係直接流落杯，禮成！祝大家月事快樂❤️ #世界月經衛生日 #月事 #姨媽到 #月經杯 #menstrualhygieneday
