【使用控制兒童近視眼藥水半年見成效，近視度數不變】
由上年 8月到宜家，已經半年了，哥哥呢半年來一直都滴住 Atropine 「控制近視眼藥水」，前日再次去眼科醫生度覆檢，好開心同大家宣布「度數冇加深呀❣」
仲記得，兩年前哥哥嘅近視度數突然暴升，實在令我非常憂心😰，於是四出尋求控制「兒童近視」嘅方法。初時要哥哥每晚臨瞓前滴眼藥水，有時的確會忘記，但過咗一兩星期，就好快變成恆常習慣。兩個月之後去驗眼，確實冇任何唔舒服，度數亦冇加深，令我對呢款幫助控制兒童近視嘅眼藥水更有信心💕。
依家過咗半年，兩隻眼嘅度數維持不變，可以見到「控制近視眼藥水」嘅成效👍🏻。其實，呢幾個月停課以來，每日喺屋企上網課，日日對住電腦四小時💻，又要做網上功課，本來我都好擔心哥哥近視會加深，點知今次嘅驗眼結果，真係令我哋好滿意呢！
「控制近視眼藥水」唔單止有成效，而且使用上亦好方便，只需要每晚雙眼各滴一滴，非常方便。眼藥水係獨立包裝，用完即棄，好衛生。香港中文大學亦有研究證實能有效減慢兒童近視增長速度達70%。 加上，眼藥水係經醫生處方👨⚕️，就更加安全。最重要係哥哥連續用咗半年，都冇出現任何副作用。醫生建議可以滴到完成發育為止，再加上平日好好護眼👁👁，讓眼睛有充分休息，多作戶外活動，控制兒童近視就更事半功倍喇！
有興趣知多D點樣控制兒童近視，可以去呢度睇下👀
To website🔗 https://www.childeyecares.com/
To Facebook page🔗 https://www.facebook.com/childeyecares/
回顧第一次及第二次的驗眼及控制兒童近視分享
https://mamibuy.com.hk/talk/article/88126
https://mamibuy.com.hk/talk/article/92680
atropine眼藥水副作用 在 散瞳劑阿托品眼藥水/滴眼液(Atropine) 如何控制近視？副作用 ... 的推薦與評價
近視是不可逆的所以當孩子被驗出有近視後父母都會問要如何控制或減緩度數增加的速度. 其中一個方法就是低濃度散瞳劑阿托品( Atropine ) 眼藥水 / 滴眼液的 ... ... <看更多>