《29+1》影評
「三十而立定而蠟？」
—談被倒模的中年人生
(含劇透，慎讀，支持香港本土電影！）
—
孔子講過「三十而立」，意思即係人到左三十歲，事業同人生有左應有嘅根底，可以挺立不移，步向成聖成賢嘅道路之上。而《29+1》講嘅，就係人步入三十歲面對嘅抉擇同掙扎。
—
都市人的眾生一面
—
生於香港，由你出世，到你入棺材，所有野都早被安排及「制度化」，例如幾歲入幼稚園，幾歲讀小學，讀大學應該讀邊科先有前途，退休點拎生果金，死左點搞死亡證等等，係社會學家韋伯所講嘅「IRON CAGE」。好似周秀娜開幕的一場戲，由按熄鬧鐘開始，到洗面到刷牙到護膚到更衣，甚至是口腔咀嚼早餐的頻率，所有步驟都精準無誤（連句「唔想返工」也是），然後望一望鏡子，麻醉自己一句，說服自己「很想返工」，生活日日如是，這又豈不是無數都市人的寫照？
—
係電影入面，周秀娜面對住好多「社會公式」嘅挑戰，例如係朋友聚會中就被問同男友拍拖拍左咁耐，做咩唔結婚，唔「結」就會「分」啊，好似我咁嘛，搵到個好男人就千方百計COOL住佢！又或者係小巴偶遇中學呀SIR，比梁祖堯用「law of demand」SELL保險，自己唔買唔緊要呀，其他乘客就爭住去買。係好多時候，係主流中做一股異流並唔容易，因為你唔單止要為自己負責，仲要抵受來自四面八方嘅無形壓力，甚至令你掉轉懷疑係咪自己出左問題，所以，林若君曾經就係電話入面暗示男友催婚，但明明女方知道雙方感情已經亮左紅燈。
—
而林若君係故事中無疑就係一個人生贏家，佢美麗而能幹，比佢做到金燕玲個位，仲有一個拍拖拍左好多年嘅男朋友，繼續努力落去，做個小資女富豪，家庭美滿，指日可待，正正係孔子所講嘅「三十而立」。
—
三十而蠟
—
係事業與愛情兩得意嘅情況下，周秀娜嘅生活其實就比「依賴」所困。依賴工作，依賴愛情，依賴訓覺。人係咪應該係三十歲嘅時候，就決定左自己往後六十年，甚至係七十年嘅人生呢？可能你會話，我用左好多時間努力讀書喎，比左自己最青春嘅時間比我男朋友喎，唔係要我轉行或者分手，放棄努力經營嘅一切吖？係電影中，名成利就嘅若君選擇左裸辭，選擇左揭穿男朋友嘅謊話，選擇左將自己係人生「依賴」嘅野一一捨去。「29+1」想表達嘅，就是人生是可以不一樣的．是可以突破看似牢不可破嘅「框框」的，你去行多一步可能就係轉機。
—
同年同月同日生，黃天樂跟林若君就有著截然不同的人生，相同的在於二人同樣選擇離開COMFORT ZONE，愛情、工作不是定義自己的事物，我們永遠不應將工作的情緒帶到人與人的相處之中，我們應該做的，是反過來去定義他們，兒子可以是我們生命中最重要的東西，亦可以不是，決定的就是我們自己。
—
人若然忘記了愛
—
如黃天樂所言，快樂其實是一種選擇，而我們的人生亦是一種選擇，真正的快樂人生，是不假外求的，亦唔應該祈求天跌落黎，或者依賴「運氣」。《29+1》經常強調，做人要不斷向前望，要進步要前進。但對於我而言，三十歲不是決定了自己人生方向，然後不斷努力發展，成為一個又一個倒模的「蠟像」，「應該乜」、「應該物」、「應該搵緊幾錢」、「應該結左婚準備生仔」嘅階段，反而是一個容讓我們有足夠空間「瞻前顧後」的時間點。
—
經濟壓力沒這麼緊迫了，認識自己也差不多足夠了，一切事業、愛情、親情也幾近成型了，然後我們就可以「返求諸己」、「回歸純粹」，回顧自己三十年的人生，再問問自己，究竟自己想做甚麼？想要甚麼？問問自己若果可以比你重啟人生一次，你會選擇在那時重來REBOT？之後可能你會發現，滿足感並非因「驚天動地」而來，簡單如欣宜，原來比BABYJOHN摸下胸，做下愛，已經很開心，表面很可笑，實質就是很大粒的催淚彈。原來人營役勞碌半生，只為一個溫暖的擁抱，好像很簡單，又好似好困難，因為人往往都忘記了如何去簡單地愛。
—
再見理想
—
有無試過覺得自己乜都無曬？真正的信心，就是當你跌到落谷底嘅時候，仍然有傲視群雄嘅氣魄。係今時今日，仲講理想好似只係一個引人嘲笑嘅gag，但《29+1》就話比大家聽，生命與生命總會係不知不覺間互相影響，就好似林若君同黃天樂，欣宜一事無成，但佢偏偏可以比到周秀娜一份強大嘅勇氣，「理想」如果留係腦海，從來都只會係「理想」。
—
三十歲，就是你落手落腳去做，實現「你想」，「再見理想」嘅時間，唔好再等，有咩想講，即管去講，有咩想做，即管去做，火花從來都是不等人的，接受意外，擁抱意外，任何牆都可以滲水的，唔好急唔好燥，唔好選擇放棄問題，而去選擇解決問題，從來框住你的，只有你自己。
—
《29+1》
29+1
彭秀慧
鄭欣宜 Joyce Cheng
Chrissie Chau 周秀娜
BabyJohn蔡瀚億
Movie Express電影速遞
babyjohn兒子 在 BabyJohn蔡瀚億- 最近外出除了買餸，就只有回錄影廠。... 的推薦與評價
... 及兒子，已令我身心俱疲。 所以我也想在疫情悶一下，因為都是一件好事。 2 yrs Report. View previous replies. BabyJohn蔡瀚億, profile picture. BabyJohn蔡瀚億. ... <看更多>