Viannce
多謝你願意分享照片&深情的分享, 多謝你花心機寫咁多字,真係每個字都充滿感情,有笑有淚...
BB 9m+,在職媽媽
仲有幾日，仔仔就十個月大喇，回想起生阿仔，出世後唔洗五分鐘就搵到乳頭啜住，好似只係尋日嘅事，做左將近十個月媽媽，亦即係我嘅全母乳路都行左接近十個月。我一直都決心全母乳，奶粉對我嚟講唔係一個選擇。我唔敢話我嘅母乳路崎嶇，不過一路走來都唔輕鬆。
生完頭兩日喺醫院，因為我生嘅時候發高燒，阿仔都要接受兒科觀察，成日唔喺身邊，又因為有黃成日瞓，手揸仲多過埋身，姑娘又成日關心揸到幾多，上奶未，我都不敢怠慢，第三日已經揸到30ml，仲比姑娘讚，點知，原來係悪夢開始。由於我上奶快過阿仔嘅食奶量增長，出院後個胸長期谷住，乳頭又痛，痛到件衫掂到，風吹都痛。咁嘅日子持續到滿月，晚晚都要用冰袋敷先瞓到一陣。後來餵順左，但乳頭痛嘅問題依舊存在。
阿仔兩個月大左右真係頂唔順去睇醫生，既無真菌感染，又無傷口，就係花灑沖到都痛到標眼水。但係醫生話，我只係乳頭皮膚太敏感，無得搞，一路餵就會一路痛，我嗰陣心諗，點餵呀一路都咁痛？！但好好彩，阿仔百日之後，逐漸就無痛了。
阿仔4個月大嘅時候厭奶嘅日子歷歷在目，三日唔埋兩日又塞，發高燒發冷瞓唔到覺，嗰陣終於明白塞奶痛過生仔。但原來呢啲日子，咬緊牙關，又過左了。
由於公司有無薪休假嘅安排，我可以好好享受全天候埋身放題嘅日子直到阿仔半歲有多。打針，唔舒服，半夜扭計，只要一埋身就安靜曬，除左阿仔得到最大嘅安慰，其實我都好享受呢種淨係得我地兩個嘅親密時光。而且埋身去到邊餵到邊，作為一個坐唔定嘅媽媽，日日都帶阿仔出街，餵母乳真係超好超方便！阿仔半歲大我地仲去左第一次旅行，當然又係一巾走天涯啦！
我剛復工嘅時候，都有遇過阿仔唔肯食樽嘅問題，都試左幾種嘴嘴，嗰段日子都曾經好苦惱。不過其實小朋友適應好快，阿仔都好快接受左媽媽返工就無得奶睡同埋要乖乖食樽，叻仔！
因為埋身食奶嘅bb其實習慣自主(因為你無得迫佢食架嘛！)，所以加固我就同佢行BLW，佢食唔食，食幾多都比佢自主，亦維持返放假嘅時候埋身放題，大家都無壓力下加固非常順利。
阿仔8個月大左右有一個星期忽然食飯食得好少，又瞓得好差，原本嘅三奶兩固變成全日都淨係食奶，半夜醒左唔要爸爸抱，但只要埋身就乖乖瞓返。幾日後先發現，原來係出牙仔。而阿仔自從出牙之後，我就成日都被咬，痛到彈起！
雖然依家返工成日大包小包咁係有啲麻煩，但一諗到為左個仔嘅健康就覺得好值得。
最後，希望阿仔唔好咁快離乳啦！
祝願各位媽媽都奶路暢通，一齊為bb身心健康堅持母乳餵哺！
#breastfeedispossible
#全香港影得最多母乳的studio
#女攝影師 ＃母乳
#marykphotography #marykam #marykstudio #maryk #瑪莉 #母乳拍攝 #nude #baby #breastfeeding #babyphoto #babyphotogra
