［港鐵貼8億，散紙嚟啫］基本上都一句講完
1. 聽朝早起身，簡評。港鐵話減價20%，為期半年，當然係政府勒令做，背後政治乜乜就唔討論，到底應唔應該坐多啲（？），又係唔知。只講財務影響。港鐵估損失16億
2. 留意，呢16億仲有政府包底一半（雖然政府都係大股東，但始終兩回事）—但實際上政府包up to 8億，再多就港鐵自己食（所以，係咪要坐多啲整蝕佢？唔知，應該唔係）
3. 先講個16億點估出嚟，我唔太肯定，但望落係靠譜嘅。
4. 簡單數學，半年減20%，咪即係1年減10%咁上下。咁舊年港鐵香港客運業務收入，200億港紙。10%咪20億。我估計及今年客量跌—其實舊年下半年已跌，如果你用舊年下半年嘅數年度化（即係，乘2），就係18.5億。咁你再計及返今年啲客量，16億應該差不多。
5. 不過啦喎，講咗政府食一半，即係港鐵食8億左右。應該就係埋單嘅數
6. 你話，唔係喎，如果超過16億，政府都只係食8億，有剩港鐵食，可以輸好多—唔敢估，但我直覺（Blink好緊要）話你知，機會極低。估都估到呢啲扯貓尾手段，始終上市公司，梗係保住自己，點會死錯人。政府包底有上限，好合理，否則實畀人鬧到九彩，亦都不排除會畀公司利用。但實務上，港鐵計過晒，點會超過16億自己要食超過一半丫。我點都估最後係一半一半。
7. 亦即係，港鐵，最多都係輸8億，甚至更少。明冇？但當住8億先
8. 或者嫌我煩嘅，心算啦，半年，減兩成，再政府食一半，即係全年客運收入冇咗5%咯。
9. 之但係啦喎，大家應該知，香港客運收入，雖然係重要業務，但並唔係所有嘢。睇圖見到，舊年香港客運收入200億，總收入係540億。540億冇8億，就1.5%咁咯。收入少咗1.5%，唔係完全冇影響，但，小事。
10. 噢，話時話，都未計物業發展。另一舊東西。呢舊嘅嘅利潤，往年仲高過晒其他嘢—但物業發展呢味嘢，入數就煩啲，不細解。簡單嚟講你會見啲盈利大上大落，因為睇下你個盤幾時推幾時賣—但實際上我睇股票唔係睇你個盤幾時賣嘛，當我極平價（唔好理點解）投到山頂靚地，股價即時就升，唔使等你五年後賣出街。所以地產分析員睇NAV，Net Asset Value，佢地個玩法（好似係，因為我唔係睇地產股）應該係睇晒啲地皮，儲備，補地價等等。然後睇埋地積比，睇下起到幾多層樓，幾多尺，然後估下賣到幾多錢尺（睇地區），計埋啲利息開支呀，建築成本呀咁，咪知值幾錢。
11. 講返，8億，就係1.5%嘅收入。就算你好茅，當冇咗8億收入就冇咗8億稅前盈利（但照計，車費收入咁冇咗，冇得點慳成本的，又未必極茅），咁同舊年120億稅前盈利比，都係佔6%，還好。
12. 而係咪盈利跌6%股價就跌6%？梗係唔係啦。咁如果我蝕錢唔通股價變負數咩。股票嘅嘢，同所有金融資產一樣，discounted cashflow，固然股票嘅cash flow，即係企業嘅現金流，極不穩定，但肯定你明白嘅係，你係買緊公司未來N年嘅嘢嘛。唔通我隻債券一年唔派息就變零咩。
13. 所以，科學啲，正如之前寫有線，無線，國泰，咩都好。睇book value，港鐵book value 近1900億。冇咗8億會點。你話呢。
14. 當然，實際上，今年啲各樣收入都受打擊，用舊年嘅數比當然唔公平。但我冇跟間公司，亦唔會走去估數，亦冇搵其他人嘅report（半夜三點呀大佬）。肯定嘅係，8億，佔舊年收入1.5%—咁佔今年收入，就唔止1.5%啦當然。但結論冇乜大變，都係一句，book value 近1900億。冇咗8億會點。你話呢。（正如有線嗰啲幾億book value但一年又蝕幾億，就唔知點算了）
15. 事實上亦都係要講，今年收入就梗係大跌啦，地鐵站嘅租又好，商場租又好，乜都好，甚至物業發展都冇運行啦 —所以個收入當然係大倒退—但就真係唔爭在，客務整多8億，冇乜所謂啦。其他收入先仲大影響嘛
16. 話時話，港鐵而家仲有冇ADR？好似係冇咗，但又見到有啲網有quote。我就唔覺得會對股價好大影響，甚至有乜影響。但當然我可能錯，成日都錯架啦。
blink股價 在 blnk新聞在PTT/mobile01評價與討論 - 素食蔬食資訊集合站 的推薦與評價
Blink Charging Co. (BLNK) 股價和財報分析，，現金股利殖利率0.0%。最關鍵的指標和圖表，幫助投資人瞭解BLNK 股票，判斷值不值得投資。 ... <看更多>