關於 cornwall香港 ，我們在網路上蒐集到這些相關的討論、資訊與評價

終於威返次！

今日係英國暫時最熱嘅一日，最高去到32度。我今日出街買藥嘅時候（傍晚5點），架車嘅就顯示31度。呢個溫度同香港夏天比較，對於香港人（包括以前嘅自己）第一個觀感緊係無乜大不了。但係，可以好老實咁同大家講，英國嗰種熱唔係講笑嘅，唔只係主觀體感嘅問題。

英國交通工具，火車同現代啲啲嘅巴士還好，唔好問我，麻煩問下住倫敦嘅朋友，夏天坐地鐵嘅感覺係點。而且英國好多建築物，特別係你、我、他嘅屋企係唔會預備有冷氣呢回事。為咗冬天可以保暖，基本上所有屋嘅牆中間都係隔溫功能。如果住石屎多層大廈未必好覺，但係磚屋呢...唔該想象下間屋响日長夜短三十幾度吸晒啲太陽熱力之後，去到夜晚係幾咁「保溫」？都係唔洗問我㗎，依家大把朋友黎咗英國，睇下呢兩日有幾多人討論風扇、冷風機、流動冷氣、夜晚熱瞓唔着？

最大問題係邊呢？就係「每年都係熱嗰幾日啫」呢個迷思，廿年前做仔嗰時真係幾日，然後每年多幾日，依家分分鐘加埋等如一個月。個糾結就响呢度喇，熱到癲嗰幾日必定諗住死就死啦，買部流動冷氣，即係香港嘅窗口機外置版，可以推黎推去，有條喉駁出窗口嗰啲。不過上網格價就發覺唔係無貨，就係夏天價錢特別貴肉赤，望多兩望又好似頂埋「嗰幾日」。結果每年就不停輪迴，幾日就變咗幾個禮拜。

今年我醒呀， 冬天locdown嗰時，唔理「港媽」鬧我嘥錢同阻定，堅持趁無人冬天買冷氣咁癡線，特價買夠兩部！嗱，呢兩日兩母女終於識得多謝我...講黎好似好陰公，黎咗英國幾年，第一次再响屋企感受到冷氣呢樣嘢。

#英國冷氣小確幸
#老婆笑我太瘋癲

***************************************
📢乞食廣告：文字、時間與心血有價
🥣每日更新乞兒兜：
https://www.patreon.com/goodbyehkhellouk

最近更新：
西方國家同一天譴責網絡襲擊嘅仔細「對白」
https://bit.ly/3zfLcCp
泰國示威...
https://bit.ly/3kveDw2
【客席作者Altia文章】娛樂，為什麼？
https://bit.ly/3ih3WdK
英國首相極速U-Turn，三個鐘內改變「走數」決定
https://bit.ly/3ezpdhR
話口未完嘅英國"Pingdemic"之亂
https://bit.ly/3hNWlVm
Cornwall膠遊遊之飲飲食食
https://bit.ly/2VIE2rO
***************************************

講飲講食最開心...之不過...

大家應該好清楚，英國歷史文化上對食嘅要求從來都唔高，加上唔係太平洋咁多海產種類，漁業嘅作業方式極之工業化，即係來來去去都係嗰十種八種海產大量捕捉。所以，所謂嘅地道海鮮離不開都係幾種魚， 龍蝦，蟹，魷魚等等，而且傳統整法都係嗰煎炸烚，唔好寄望好似香港、日本、台灣或者韓國咁。

作為英國最熱門嘅海邊旅遊區，Cornwall係有唔同嘅，出色或者特別嘅海鮮食店有好多，不過全部都要訂位，出名嘅起碼要早兩三個月訂枱。加上英國Lockdown啱啱先解封個幾月，咁呢啲預訂就外加幾個月，有啲誇張到一年前已經訂晒！

對於我一家三口臨時臨急嘅行程，因為無訂位，Sorry喇，全部都無食過嘅....咁點呢？

有兩個選擇，零要求只求食得飽嘅就就Fish and Chips或者外賣，仲要對住個海好浪漫咁食，另外就係揾一啲稍為有名氣，坐得舒服啲，但唔接受訂枱嘅餐廳排隊。要符合呢三個條件嘅十隻手指數得晒，結果兩晚都排咗成個鐘先有得食。

以香港人華人的胃嘅標準就唔洗講落去㗎喇，不過個人黎講，從來都唔會用呢個標準，因為食嘅係地道食材，文化同傳統，唔通去到地球每個角落都要係 蒜蓉開邊蒸龍蝦、 蒸條魚或者薑蔥蟹煲，炒碟芥蘭咩？

所以燒嘅龍蝦、 煎魚柳、白汁青口、蟹肉沙律或者三文治對我黎講係好味，而且揾咗一輪，排咗成個鐘之後就更加覺得係美食。

Patreon原文：
Cornwall膠遊遊之飲飲食食
https://bit.ly/2VIE2rO

#廢國劣食k乜ol

***************************************
📢乞食廣告：文字、時間與心血有價
🥣每日更新乞兒兜：
https://www.patreon.com/goodbyehkhellouk

最近更新：
Cornwall膠遊遊之飲飲食食
https://bit.ly/2VIE2rO
英國政府曲線「谷針」，用自由同數字「調教」國民
https://bit.ly/3xHQdDo
Biden與Trump不一樣（又類似）之處
https://bit.ly/3kG2AMP
贏了樓價，輸了家庭的Dream House
https://bit.ly/3z5NOmu
Cornwall膠遊遊之St Ives，英國版的赤柱、西貢、 淺水灣
https://bit.ly/3rfLw13
Cornwall膠遊遊之St Michael's Mount
https://bit.ly/3xGuA6D
歧視言論引發英國網絡實名制問題
bit.ly/3ebkUt1
***************************************

肥波曲線「谷針」，調教佢的國民

近接解除所有抗疫法律限制"Freedom Day"嘅最後一個周末，今日英國嘅確診人數超越50,000，死亡人數仍然停留响大概50人，入院數字係700。緊係唔係報數字咁悶啦，而係想大家了解依家最困擾英國社會嘅嘅疫情問題，唔係"Pandemic"，而係NHS個手機App"Track and Trace" （英國版「安心出行」）造成嘅"Pingdemic"。五萬人感染，但呢個星期就已經超過500,000人被個App通知（Ping Ping聲），因為接觸過確診人士要自我隔離十日。

嗱，大家可以想象下，50,000就有十倍人要自我隔離，咁Freedom Day之後確診人數再升嘅話，假設十萬，咁即係至少一百萬人要隔離。而且交通工具、車站、軍隊、物流、超市或者醫院呢類高風險嘅場所嘅員工接觸嘅機會就更加大，大規模嘅自我隔離就有機會隨機癱瘓呢啲場所。

好喇，大家可能會問，乜唔係"Freedom Day"就無晒限制，點解咁多國民進入公眾場所都仲要Scan呢？呢個就係英國政府（肥波）最賤嘅地方喇，理論上"Freedom Day"當日，所有抗疫嘅法律都會失效，但政府响上星期就出咗指引比商界同公共地方管理機構， 同時受權各大城市嘅市長，呼籲佢地向公眾自行制定彈性指引，咁即係將個波交比商界同國民，說好了自由吖嗎？咪比晒自由大家各自守規矩囉，如果唔係政府都無辦法㗎。

大家要明白嘅係，今天嘅英國已經唔係年半前嗰個，無論醫學界或者國民層面都存在大堆香港網民戲稱嘅「抗疫L」。肥波上星期宣布確定7月19號係"Freedom Day"嘅時候，已經表示大家要預預備感染人數可以去到十萬，而去到今日已經一半「達標」，數字顯示大部份入院同死者都係未注種疫苗嘅人士。只要有理性嘅都知，如萬一數字完全失控，政府又會大條道理「迎合民意」重新制定抗疫法律同規矩，咁就呢個啲報導同數字，加上「抗疫派」嘅評論，就等如幫政府曲線向未打或者抗拒打針嘅年輕人「谷針」，同時形成一個國民自己負責抗疫嘅社會氣氛。即係唔想大規模被"Ping" 癱瘓就一齊打針，自行室內或者人多戴口罩，繼續Scan囉，呢個就係羣眾壓力嘅一種。

Patreon原文：
英國政府曲線「谷針」，用自由同數字「調教」國民
https://bit.ly/3xHQdDo

#嚇到自律

報導：
《The Telegraph》‘Pingdemic’ could lead to food shortages as millions face self-isolation
https://www.telegraph.co.uk/news/2021/07/16/pingdemic-could-force-five-million-self-isolation-causing-food/

***************************************
📢乞食廣告：文字、時間與心血有價
🥣每日更新乞兒兜：
https://www.patreon.com/goodbyehkhellouk

最近更新：
英國政府曲線「谷針」，用自由同數字「調教」國民
https://bit.ly/3xHQdDo
Biden與Trump不一樣（又類似）之處
https://bit.ly/3kG2AMP
贏了樓價，輸了家庭的Dream House
https://bit.ly/3z5NOmu
Cornwall膠遊遊之St Ives，英國版的赤柱、西貢、 淺水灣
https://bit.ly/3rfLw13
Cornwall膠遊遊之St Michael's Mount
https://bit.ly/3xGuA6D
歧視言論引發英國網絡實名制問題
bit.ly/3ebkUt1
***************************************

歌和老街公園（英語：Cornwall Street Park）位於香港九龍歌和老街及達之路交界，以從小西湖流下來的溪澗，築成各種水玩意，給公眾作遊園地。公園在1995年落成，現時屬康樂及文化事務署管轄。運用小西湖流下來的天然溪澗及地理落差，築成水溪、瀑布及多個小池塘，部分地方築有江南水榭涼亭，四周保留原始的天然喬木叢林，並沿著遊園小徑栽種各種鮮花。設有洗手間、飲料售賣機及休憩座椅涼亭給遊人休息。歌和老街壁球及桌球中心：樓高五層的現代化空氣調節混凝土建築物，設有餐廳、16個壁球場、20檯桌球桌、盥洗室、更衣室及澡堂。2012年，康文署為公園進行全面翻新，包括更換所有告示牌及改建部份設施。同年9月落成後以「城中流意」為主題，並開放了更多綠草地，方便市民在草坪上進行各式活動。園中亦添置3組創意傢具，分別名為「園中居」、「城中氈」和「消愁瀑布」。
觀賞 ─ 耀目的馬賽克磚鑲嵌出「消愁瀑布」,凝望瀑布，似聽到流水淙淙，又似看到水花沿椅背飛漱而下，在炎炎夏日帶來絲絲涼意。
感受 ─ 色調奪目、質感細膩的「城中氈」,座椅形態別緻，配以奪目色調和細膩質感，遊人閒坐其上，想像力自可馳騁縱橫。高低錯落的座位，蜿蜒流暢的線條，為遊人提供寫意空間。
分享 ─ 仿效家居設計的「園中居」,親朋好友可以在這個戶外居所共度愉快時光，而孩童玩伴也可以在這裏扮演不同角色，享受「家庭之樂」。
獨特的設計為公園增添趣味，並提升生活質素。[城中流意]為大家在忙碌的都市中帶來耳目一新的“悠”園經歷。