「天邊的一顆碎花，為誰而腐化…」
當你聽緊既笑話，你再笑唔出；當你
活係大城市內，你顯得好渺小既時侯，
希望你能夠停一腳步，係「Ever ·
Shine」飲杯咖啡，休息一下。要同
自己講，你唔會咁易同現實妥協，
將你本身迷失左自己放低，渣緊信念，
其實你會發現眼前既一切…都係好美好。👇
-
📌Smoothie · Day -
▪ Red Dragon Fruit · Smoothie
Bowl - $74
▫ 食過返尋味系列一定非乳酪碗
莫屬啦，今次揀左另一種人氣口味
「紅肉火龍果·乳酪碗」。都係果句啦，
相機食先呀麻，梗係唔例外啦，賣相
非常colorful。表面擺滿一系列super
foods，包括黃金藜麥、椰子片、
亞麻籽、香蕉片等等…而成個yogurt
入口軟腍，飽肚又健康。就算冬天
殺到黎都一樣有強大既清新感，
將我呢d活在大都市下既
小人類喚醒出靈魂！
-
📌Sweet · Day -
▪ Blueberry Yogurt · Cheesecake - $58
▫ 另一要推介就係呢個「招牌藍莓乳酪·
雲石芝士餅」，外層以華麗級數既竹炭
雲石皮打造，而忌廉則用上乳酪代替，
所以食起上黎唔會太膩太重身。而餅底
又唔會太硬，口感偏向煙韌少少；
同時裡面餡料食到好濃郁既芝士味，
認真好食！
-
▪ Purple Potato Waffle · Ice Cream ·
Sea Salt · Caramel Syrup - $88
▫ 神也阻不了我對邪惡低頭呀，講緊
係終極誘惑「紫薯窩夫·焦糖海鹽·雪糕」
呀！佢既窩夫食落相當脆口，旁邊
灑滿紫薯脆片，口感瞬間大增。
而加上士多啤梨同埋藍莓乾做配料，
味道酸酸甜甜，同時又令擺盤更多
一份色彩，淨係呢個造型已經贏哂！
-
📌Special · Drinks -
▪ Iced Sweet Purple Potato Latte ·
Salted Caramel Milk Foam - $54
▫ 一杯「海鹽焦糖·紫薯牛奶」
賜我最完美既星期六，表面灑上
食用花，而飲落有濃郁既紫薯味加埋
焦糖海鹽，甜甜地又唔會太膩，幾好飲。
-
▪ Fancy · Chocolate - $50
▫ 何謂「仙氣·朱古力」，其實係一個
full set，一邊係用左濃度極高既可可粉
整成既朱古力鮮奶；另一邊係擺滿厚厚
既棉花糖。當撞入棉花糖後，瞬間仙氣
爆發，飲落又唔會太甜，感覺好別特！
-
📎 Ever · Shine
📍中環卑利街13號地下
