我知道早前有學生聽到DSE如期開考好不滿。上tg group會見到有學生想發動反對呢件事，我想講，呢個正正係一個好機會俾學生諗清楚，點平衡自己利弊，同接受人生就係會有三衰六旺。大家都知我幾黃，我係無可能為呢個政府講説話，但我同時認為考試其實難以推遲，作用都不大。點解咁講？細心諗下你就明。
3月27號就考，你係學生，你驚乜？就係驚無返學讀少左野，準備時間少左。其次係考場傳染風險問題。第一點唔存在，因為DSE考生都知道，佢地係年頭已經唔洗再返學，專題準備考試。大家都無因為考試上少左堂。之後有無人冒死返補習就佢個人選擇，死都想考好個試。都抵佢掂啦！姐係問題係到底考場有無做好防疫措施，我認為政府的確要公開措施去釋除公眾疑慮，但如果停課，學校應該可以有好多無人用嘅班房可供考生分布係唔同課室考試，減低風險。
而更大的問題在於，如果你想遲，你希望遲到幾時？7月？呢個唔係問題，問題在於，你想幾時放榜？幾時大學開學？政府有無權控制埋大學應付呢批學生，減少大學yr學習時間？1月開學呢？又有無必要呢？再講，大家都知公開試拉Curve，大家都衰就無問題。問題由頭到尾就係健康風險。
咁就好解決，如果你怕，你可以下年考，政府應該包你考試費，自願性質。俾人可以選擇冒唔冒風險，而同樣下年考都有下年考嘅風險。我反對對任何學生有特別待遇，點可以話黎唔到考可以俾4佢？佢黎唔到，就明年請早。跨境學童大哂？
人有三衰六旺，你今年考，就係黑少少，係慘，但你得接受，平衡利害，做出有利自己嘅決定。想清楚遲考，真係對你有好處？如果係，我唔反對你爭取，但請用理由説服我。
dse拉curve 在 豬屎新聞Juicy News - 留意，DSE無得拉curve，廢老唔好累 ... 的推薦與評價
留意，DSE無得拉curve，廢老唔好累死後生仔！ 「文憑試評級與舊制會考和高考不同，不是拉曲線（即比對同屆考生成績），而是採用水平參照評級，直接反映學生能力， ... ... <看更多>