關於 google translate普通話 ，我們在網路上蒐集到這些相關的討論、資訊與評價

醫生證實係半月板撕裂🦵
因為游完水上水不幸意外跌親😭
膝頭哥knock住隻腳衰衰行到吓、又行吾到咁🥺總之痛苦😖申唔到直隻腳
就係咁就變咗Tempura 🦐
而家終於返咗屋企啦🥺初初真係連我自己都嚇死自己！冇諗過喺一個完全唔屬於自己嘅地方做手術😣
你哋知我啲英文、泰文係有限公司㗎啦😌醫院得普通話翻譯係冇廣東話翻譯嘅。
但最終乜翻譯都冇用過，全程由das仔翻譯都其實都爭D，因為啲醫學名稱真係搞唔掂，所以今次都要多謝Google Translate😂令我再一次感受泰文有限公司真係唔掂(好返之後一定要去報泰文堂😅真係自己都頂自己唔順⋯⋯
返到屋企第一日又喊喇😅
因為乜嘢都做唔到個人都幾鬼忟🔥
自己做乜鬼嘢？做少少野都做唔到，斟杯水都搞唔掂，唔係好慣乜都叫人做呢樣做個樣（天生辛苦命無辦法）

冷靜落離， 將屋企所有嘢， 要為自己重新set過晒, 行嘅地方位置、座位設定，行時用斜咩袋裝住個電話(萬一有咩事都有得救啊)
要用水壺斟定晒啲水喺自己附近（因為我呢條友一口渴就要即刻飲水唔可以等😒)
要揸拐杖行路，最難頂就係人有三急⋯⋯真係撐住拐杖都要9秒9到達理想目的地🚽
行去廁所都身心疲累感覺🥺行得快真係會趴乖的（有次爭少少🤦🏻‍♀️）
因為康復過程都要一段時間🥺有排都冇得去蒲啦😒
即是同你地一樣都冇得去泰國周遊一樣感受架咋😭⋯⋯⋯⋯
今鋪真係放大假了🤦🏻‍♀️

#做左一日人肉tempura
#其實醫院啲護士話我啲泰文好叻㗎
#麻醉前都係用泰文對答㗎
#俾人讚緊之際半秒訓左喇
#Das問我係咪好好瞓呢
#啋過衰仔把口 😂
#感恩執返條命攤咗喺自己張床到啦而家
#多謝你哋所有嘅支持同祝福🙏🏻❤️
#今次都係人生中一個歷練
#生活要有咁慢得咁慢先唔會趴乖
#游水練返來強壯手臂大派用埸😑
#希望可以快啲重返泳池🏊🏻‍♀️
#要追番D新聞
#跳老舞群組掂攪呀
#你哋點呀小心呀大家唔好鬆懈
#香港人加油🇭🇰
#泰國人妻🇹🇭

《護旗手 之 哀鳴曲》

在一所位高40層，坐擁大落地玻璃的餐廳內，也不用多說，就內藏「高級」兩個字。

Menu上的也不例外是新式份子料理，
一旁的酒櫃琳瑯滿目，猶如將法國酒莊都「移民」過來。

不過，這些通通不是主角。

主角是剛從男廁步出的男子，
他拿著iPhone，
用不純熟的普通話匆忙地應對上數句。

「不是吧？電影上不了？排不了期。
你不是說…批文甚麼的都辦妥了的嗎？」

「我也很為難呀，你也知道現在是敏感時期。
你們香城人的身分更加尷尬，甚麼事都不好說話。
你說有口頭承諾？哈！算得是甚麼？
他們的這些合約都沒有約束力，隨時可以推翻呀！」

「煎的…真的不行呀。不撚…不能不批的，大哥你有甚麼辦法嘛？」

「辦法嘛？當然有。還是老樣子。
像那個梁大導嘛，出席一下支持警察的大會，鞠躬致敬，隔幾天就有批文啦。
遊戲嘛，還是老樣子。」

「這個…不太好辦吧？」

「這就拉倒呀！」

「別別別，不太好辦…不是不能辦…
但是呢，最近有甚麼活動，我可以支持嗎？」

「有一個，發給你看看。」

男人掛上電話，
看見Wechat的一個新訊息，眼前的佳餚都變得無味。

他自言自語說：「護旗手？唔係掛…」

玻璃國最近的國旗，在香城被一陣怪風吹下汪洋大海，
引起全國玻璃心發作，出現「護旗手行動」。

簡單說，就是用網路上的文字，去護一下現實的國旗。
來個以虛應實。

而這個惆悵的男人叫阿志，
是一名新晉導演，偶像是Francis Ford Coppola。

在他18歲的時候，夢想是拍一套「金像獎電影」。
到今年3字頭，夢想早變成拍一套「合拍片」，拿大Budget，拍大特效，擁抱一個大中華。

每個人心目中都有個價。
而阿志面對一個「北上夢」，
內心自然「大特價」。

在落地玻璃下的街道，
數十枚催淚彈在人群中穿梭，阿志則在40樓打開iPhone，
輸入了「#護旗手」三個字，
再用Google translate成「#护旗手」，於微博發送。

事成了，
他拿起一份大公報，細閱社會大小事。

＝＝＝＝＝＝＝＝＝＝＝＝＝＝＝＝

阿志有個長期的拍擋，明仔。

這一天，明仔氣急敗壞地跑到阿志的辦公室。

明仔：「喂！你微博畀人Hack咗呀？快啲澄清啦！」

阿志：「澄咩清呀。」

明仔：「護旗手呀！」

阿志：「哦…你Post咗未呀。」

明仔：「吓…Post咩呀？」

阿志：「護旗手呀！
你快啲喺微博Post埋自己做護旗手啦！
咁我哋套電影就出得㗎啦。」

明仔：「你係咪癲咗呀？」

阿志：「我唔係癲咗，係揀咗啫。
玻璃國14億人…
1％人睇你套電影，你都發咗達啦。

同埋你都知玻璃國有『人民評分制』，只要你而家表態，喺『引薦人』度寫埋我個名，就2人護旗，3人積分，返到去上面，可以有權搭的士，好有Face㗎。」

看見阿志滿足的笑容，加上枱面的「大公報」…

再望望左手邊，他們二人攜手執導的學生作品海報；
又望望右手邊，這張寫著『初心』的牌匾。

明仔心一淡，原來3歲不會定80，
只要有錢，初心都可以搓圓撳扁。

他留下一句：
「祝你電影大賣。冇咩事嘅，以後唔好搵我啦。
同埋，有時間練下啲普通話。」

阿志突然被揶揄，氣在心頭：
「你做咩啫家陣，扮清高呀？玩性格呀？
咁多原因畀你轉變，你點解唔變啫？

有啲嘢…係要屈服㗎啦。」

明仔一聽，厲眼凝視這個陌生的阿志，
心中有萬句想反駁，一時卻找不到最恰當的對白。

阿志沒他好氣，徑自離開。
＝＝＝＝＝＝＝＝＝＝＝＝＝＝＝＝

當了「护旗手」，與「不歸邊」的壞孩子割席，
但批文依然沒有發下來，
阿志心急如焚。

這一晚，他就在5星級酒店宴請一眾 玻璃國的電影人。

「各位大哥，就幫小弟說句好話嘛！」

「行行行！」
「沒問題啦！」
「阿志，再來一支82年的！」
「我再要一客吉品鮑！」

「味問題！沒問題！」

送別一眾大哥後，
他獨自在廣場散步，心中滿是金錢的符號。

「掂啦呢次…哇，套戲一上，如果大賣…
哇，不得了不得了…呢世就唔使咁愁啦！」

但突然間，旁邊一陣喧鬧吸引了他的注意。

原來是一群愛玻璃國人士，在掛上一幅3倍大的玻璃國國旗，以示對國家的支持。
阿志急忙拍下影片，作為愛國的素材。

愛玻璃國人士一看，大聲歡呼：
「是護旗手阿志呀！護旗手！護旗手！護旗手！」

掌聲震天，阿志笑著揮手，心中在數著：
「一張飛、兩張飛、三張飛、四張飛…佢哋都會成為我嘅fans。哈哈。」

誰知，就在國旗揚揚升起之際，
一陣大風刮起，國旗脫線，從直杵上飛奔怒海。

眾人既驚且怒，看著國旗被怪風愚弄，恨呀！
此刻國家就是需要一個忠烈的護旗手！

慢著，正正有一個呀！

他們頭一轉，望著阿志，
大喊：「護旗手！護旗手！護旗手！！護旗手！護旗手！護旗手！」

這下阿志可就為難了…
但群情空湧，大家都充滿著愛國情緒。

阿志知道，這種愛，可化成錢。
而錢，就可以轉化成一種動力。
對呀，當初他也是因為錢而護旗。

他脫去上衣，大喊一聲：「護旗手來也！」
接下來就躍進海中！

大眾更加興奮，拿著手機拍片，叫聲更響：
「護旗手！護旗手！護旗手！！護旗手！護旗手！護旗手！」

阿志一手拉住國旗的邊緣，想拉向岸邊，
卻發現國旗聞風不動。

他算漏了這可是特大國旗，面積很廣。
不過面對著龐大的「金主」，阿志扭動蛇腰，再一次發力。

但此刻他暗覺不妙，因為雙腳似是被國旗的魚絲纏住，
他愈掙扎，國旗反而愈是向他靠近，將他全身包裹！！！

整個人被濕水國旗環繞全身，發不上力，漸向下沉。
他大叫：「救！！救命！！」

可惜，他此刻說的是廣東話，
而觀看的人，都只懂普通話。
摸不著頭腦，唯有依舊吶喊助威…

直至...
阿志，整個人隨國旗一同沉沒到海底的最深處，
呼出最後一口氣。

=============
轉眼間，十年過去。

香城那時命運如何，都不要緊。
反正經濟是個循環，
即使遇上低潮，也總會迎來高鋒。

這段時間，的確有護旗手藉著龐大的人口市場，富甲一方。
也有些倒霉的旗手，從批鬥文化中殞命或被失蹤。

最後決定留守香城的明仔，
十年來浮浮沉沉，雖沒有一間幾千呎的豪宅，卻隨遇而安，迎難而上，搵到兩餐，打到下機。

的確沒試過幾億元的票房，但拍到自己喜歡的作品。

總算，活了下去。

今天，他到了阿志的墓前拜祭，放下鮮花。
他點了一根煙，
在思考，如果當年聽阿志話，離棄自己的出生地...

阿志是否就不會出意外？
而自己又會否早就有足夠的錢，移民到外國悠哉悠哉？

他回想起十年前阿志的那句
「咁多原因畀你轉變，你點解唔變啫？」

當時他未有最好的對白，
但十年後，倒是有了答案。

他輕輕一笑：「太牽強啦。」

對呀，要改變自己的想法，有很多原因。
只是每個原因，都很牽強。

每個原因，都不能100%說服自己。
這樣活著，快樂嗎？

他不確定。
但至少這十年來，明仔與這片土地共同進退，
雖然收入勉勉強強，卻活得毫不牽強。

他蹲下，把剩餘的半支煙放在墳頭前，雙手合十：
「好掛住你...
.
.
.
.
以前嗰個你。」

IG: cheungson88
https://www.instagram.com/cheungson88/

另外，大家有冇開Twitter，打算傳播多啲msg畀唔同國家？
有嘅話，我哋互相Follow吧。
https://twitter.com/cheungson88

今日搭tram個司機唔知咩料黃子華上身，當全車人係觀眾講棟篤笑。

佢前後唱咗兩次生日歌祝大家生日快樂。
每個站都同落車嘅人講byebye。
又同上車嘅人講welcome on board。
又解釋自己點解要做電車司機。
係咁廢UP搞到全車人勁hyper又唱歌又起哄又剩😂

全程最記得佢話佢個朋友教佢講普通話，佢好記得一句：開心，意思係open your heart喎

雖然佢個朋友好似google translate咁樣直譯開心做open your heart，不過open 完your heart 又確係會開心🤔 又解釋得幾有深度喎🧐

多謝呢個司機日日open his heart娛樂大家，個個搭tram 搭到咁開心真係第一次🥰