關於 hiptermaghk ，我們在網路上蒐集到這些相關的討論、資訊與評價

沙巴潛水初體驗

話說好幾年前同一班好朋友去左沙巴玩，
其中一個活動就係潛水。
帶個頭盔先，
我上年十月個時已經係菲律賓到考左PADI喇，
依家都好鐘意潛水，
遲啲會打返係Palawan既遊記。

好，
當日我地一行六人，
報左個當地潛水團。
有兩個教練，
一個教練就mark住三個人。

我帶住擔心又興奮去我既第一次，
係水面學左半個鐘之後，
我地就開始慢慢潛，
點知同我同隊既朋友W因為太緊張，
用左個鼻吸氣，
海水即時由鼻到直入口到，
海底中又無得吐返啲水出黎，
姐係呢吐到都無意思。
淨係見到佢十分難受，
而且無法呼吸。
佢即時揮動雙手向上爬，
只可惜我地已經落左幾米深，
佢爬極都上唔到去，
教練見到佢咁，
即刻沖左過去將佢帶上水面，
而我當然on99停留原地第啦，
四處張望既我只係見到死哂既白色珊瑚
再望就係一望無際清到爆既大海，
個人就好似去左個泳池水底咁，
但多左好多魚毛仔。

到呢個時候我意識到我想去廁所🚽！
WTF?
教練好似無講點去喎！
本身都唸住偷偷地去，
但係一唸到個水清到咁，
我一去咪全世都見到我下體有咋黃色水走出黎，
仲要唔知用咩型態出現就好驚，
唯有忍住先。

一個人沈思完去唔去廁所之後，
教練同W都已經由水面返返黎，
惡夢正式開始。
教練因爲W小姐安全著想，
用五牛二虎之力不停拉住我地2條女，
唔俾我地亂走。
越推就越低，
當下即刻出左個家長為左小朋友唔好亂走，
而係街到用條好似狗帶既野拉住小朋友既畫面。
最後，
因爲得壓太底直接摌左去d已珊瑚到，
可能我睇得海底奇兵太多，
以前以為珊瑚係軟飄下飄下咁，
但今天長知識了，
珊瑚係硬嫁。
我隻腳俾珊瑚擦到損晒，
D血仲要俾海水沖走到好似無血咁，
都唔知會唔會引啲鯊魚過嚟tim。
Anyway,
諗諗下急尿感覺又沖左上黎，
我真係好痛苦，
而且我唔知幾是先可以上返水面。
我以為我就快急尿腳痛高潮而死亡😂
已經再無意欲去睇海底世界，
我再望住對面team既sun哥，
佢好似條浮屍咁冇郁過。

15分鐘過後我地浮返上海面，
我急不及待除哂身上所有器材，
打算直沖廁所，
點知有一個人除得重快過我，
就係浮屍sun哥，
我同佢一齊跑向沙灘既廁所，
我問:你係咪都係急左好耐尿？
Sun哥:我係海底已經偷偷地去左小便啦
我：咁你做咩同我跑？
Sun哥:我好急屎呀
我:😨 .
Btw 要同大家講，
潛水堅好玩，
只要唔急屎。

完😂
.

#followforfollowback #worldtraveler #worldtravelpics #世界旅行#travelphotography #vacation #vsco #travelworld #discoverworld #travellife #passionpassport #travelrepost #旅行好きな人と繋がりたい #instatravel #旅行 #traveler #worldtravelpics #travelphotography #hkig #hkiger #旅遊日記 #遊記 #girlstoptravel #explore #hiptermaghk #長文 #長文慎入 @ Sabah, Malaysia

俄羅斯Irkutsk冰湖迷失記

三個鐘又三個鐘，
唔知過咗幾多個三個鐘，
24個鐘終於完結。
但原來踏足俄羅斯邊境內嘅一刻，
仲有成堆戰鬥民族等緊我。

酒店休息一晚之後，
第二朝早我就出發去全球最深既貝加爾湖睇藍冰，
經旅遊中心詢問處到得知市中心有一架小巴去呢個湖。
但係自從我離開呢一個旅遊中心之後，
我就在冇聽過一句英文。

我滿心歡喜上左架極舊既小巴，
以為一直坐到尾，
點知坐左唔夠十分鐘司機就趕左我落車。
佢二話不說就開車走左，
留底左我自己一條友俾一個唔知咩男人係個市集到。
雞同鴨講底下，
個男人又推左我上另一嫁無人小巴，
我又都唔知點解會跟著上左。

上左之後越唸就越唔對路，
勁似俾人運去賣豬仔之際，
呢個司機又停左車，
又趕左我落車，
跟住又有個唔知乜水既男人企左係到等我嫁車。
我心諗唔通係déjà-vu?
定玩緊整人節目下麻之際，
乜水男人又再推左我上第三嫁小巴。
不過呢嫁小巴係有人，
好多都女人同小朋友，
成個人口販賣集團等出貨既小巴咁。

反正都溝通唔到，
我亦都再無嘗試去間嫁車去邊，
我抱住等佢又趕我落車同上車可能咁最後會到我想去既地方呢！
不過今次在無人趕我落車，
小巴期間會不停咁停低上客。

過日左個幾鐘頭之後終於到站，
一心諗住睇藍冰我嘅我又沖左去旅遊資訊中心，
係，
雖然佢寫住嘅係英文information Centre，
但係原來呢一個小鎮冇人識講英文，
職員攞住個地圖指指下又趕咗我走，
我已經開始習慣俾人趕走嘅感覺。

落住雪嘅情況底下我徒步行咗一個鐘去湖邊，
萬眾期待熱切盼望既畫面係，
「無出現」既。
原來要全面冰封嘅話係要等到12月中先會囉，
我眼前見到嘅只係同西貢一樣嘅大海。

我行到去海邊，
坐喺俾海水沾濕左嘅木板，
望住個日落🌄，
有啲想喊出嚟。
說好的好型棍一條友坐西伯利亞鐵路點解會變咗做死亡日記？
期待嘅冰封大海變咗做西貢淺水灣，
我帶着好失望嘅心情，
冰凍嘅雙腳又徒步一個鐘行返出去小鎮嗰度坐小巴返番酒店。

對我個人推理嘅理解能力，
架小巴應該係返返市中心第一個地方，
點知sorry，
係冇㗎囉！
去到總站嘅時候，
全部人落晒車，
我都比司機趕埋落車。
個天又黑晒，
Shit!又係方源十里都冇交通工具，
冇超級市場，冇商店，
剩係得啲雜草同條大馬路，
我又去咗唔知邊度喇。

大馬路時唔知有車經過，
於是開始向私家車同的士招手👋🏻，
真係灰到一個點，
停咗嘅所有車都因為我講英文唔係講俄文，
轉頭就即刻走咗。
戇鳩鳩嘅我足足截左成個半鐘頭車先搵到個後生啲嘅司機車我。

我以為已經好灰，但係原來再灰既既然係聽日坐火車去莫斯科囉，下一篇 “職員改票被困火車站25小時”

人生裏面總會有好多未知之數，
你總會遇到好多好人同唔好嘅人，
要珍惜所有對你好嘅人，
你都要係對你唔好嘅人身上學習點樣唔做一個乞人憎嘅人。
俄羅斯嘅文化裏面，
係直接粗暴，點解我要幫你，
但擰轉一面嘅角度就係佢唔會去呃你。
如果你俾我揀選擇幫人並唔幫人，
我會話: 我會幫個靚仔同靚女先，sorry 😂

#followforfollowback #worldtraveler #worldtravelpics #世界旅行#travelphotography #vacation #vsco #travelworld #discoverworld #travellife #passionpassport #travelrepost #旅行好きな人と繋がりたい #instatravel #旅行 #traveler #worldtravelpics #travelphotography #hkig #hkiger #旅遊日記 #遊記 #girlstoptravel #explore #hiptermaghk #蒙古 #russiA #visitrussia @ Irkutsk, Russia

24小時火車之搶位訓覺篇

上回講到岩岩上左火車之後，
我就同兩位白人backpacker分道揚鑣，
因為我地係唔同車廂，
仲要係一個最前一個最後。

走入指定臥鋪火車車廂之後，
發現裏面只有一個女仔，
一個車廂裏面有四張床，
我對返自己張床號對號入座之後，
就放晒自己啲行李上上格床。

經過俾死肥佬就快KO既我，
心身疲累，
所以我決定訓一訓定下經，
始終呢啲嘢唔係成日可以遇到。

當我訓係雪白但又有小小硬既床鋪上進入熟睡狀態既一刻，
我聽到有幾個講俄文既男入咗嚟。
由不以為然，
因為仲有2個位係吉既。
再過多一陣又有2個女人入左黎，
我諗緊我係唔係太攰所以有幻覺，
雖然好攰都好，
我都爬咗起身。

唔爬都由至可，
因為咩都睇唔到。
屌，
我一望落下格床，
我又再O左咀！
我真係唔明點解一個四人車廂有七個人。
咩事先，開心蒙古鐵路party?
唔通超額發售？

但係我決定唔理，
因為我要瞓覺。
轉身訓番覺唔夠五分鐘，
我感覺到有人用幾大力下拍我背脊，
我已經攰喇，
你地放過我啦！
所以我無理佢，
點知佢一直拍，
仲重越拍越大力。
係無辦法情況底吓我起咗身啤住佢，
佢左手攞住車飛用右手食指指住車飛上既車位，
又對住我唔知up乜鳩俄文。

我心唸唔通我坐錯位？
咁我嗱嗱臨攞返自己張車飛對一對先。
22222，我無坐錯喎！
咩事先丫哥你，
咁我就用英文同指住我張飛同床號同佢解釋，
“我無坐錯”
但條俄佬好似聽唔明，
一直講野講俄文，
我又keep住講英文，
車箱裡面所有人都講野，
我簡直置身於蜜蜂蜂巢裏面一樣，
烏雲雲 鳥雲雲 雲雲烏........ 鳥鳥烏我差啲以為自己可以生產蜜糖之際，
個俄佬兩隻手捉住我右腳足踝位置，
大力一扯，
我成個人俾佢由上格床扯左落車箱地面。
左面盆骨落地，
痛到入心。
但仲未意識到所有痛楚既時候，
俄佬將我差唔多有15KG既backpack 都扯左落床，
直接重重擊落我右腦。

本來坐左係地下既我，
當下直接進入昏迷狀態訓底左，
失去唔知有5秒定10秒知覺既時間既我醒返，
我回神之後我單手抱住個頭企返起身。

呢一刻，
我唔知呢個係咩野蒙古party，
咩野文化會咁對人。
我企係車箱中心，
憤怒到一個點。
好似河東獅吼咁嘶聲力竭瘋狂大叫廣東話粗口，
同時覺得好委屈，
自己都無做錯點解你地個個都要搞鳩我？
眼淚都控制唔到不停係咁流出黎，
鼻涕都流到咀唇邊，
然後失控地指住佢哋每一個人塊面逐個人大叫屌你老母，
「屌你老母，屌晒你地全部老母」
「Get the Fuck OouUttttt!」 然後佢哋六個全部俾我呢個舉動嚇到呆晒，
全場靜哂！
其實裏邊有一個幾老下嘅婆婆，
佢本身食緊餅乾，
都嚇到成包餅都跌咗落地下。
然後唔係屬於呢一個車廂嘅人走晒，
車廂裏面終於回復返四個人，
個仆街俄佬爬咗上我個位，
於是我攞返自己個袋，
瞓咗本身係佢嘅床位。

過咗20分鐘有職員嚟檢查車飛，
佢見我哋四個都係同一個車廂床位所以乜都冇講就走左喇。
我終於都可以安心進入左睡眠狀態。

過咗10幾個鐘之後我瞓醒左，
我走過去婆婆個位同佢講左對唔住，
雖然佢唔知我屌佢老母，
但係成個車廂係冇人識英文，
都唔知道婆婆明唔明我同佢道歉🙇🏻‍♀️ 不過車廂裏面嘅我哋就開始用身體語言同英文單詞溝通，
先得知，
啱啱七個人裏面有三個人係拉我落嚟俄佬既朋友，
佢哋係喺隔離車廂度訓嘅，
只不過開頭嘅時候入嚟傾吓計。
而俄佬真係想換位，
因為佢唔鍾意下舖，
佢會瞓唔到。
而婆婆同佢個孫女就係烏克蘭人，
去蒙古度探親。
以上嘅資訊基本上係用八成身體語言交流所得知。

最後我都冇嬲到佢哋，
喺剩低落嚟嘅50幾個鐘我仲同佢地有傾有講，
（有傾有講=身體語言及單詞）
同交換食物。
每個地方總有佢哋嘅文化，
亦都唔係每個人都可以有機會接受到教育可以用英文交流。
去人哋嘅地方去旅行，
必須要尊重當地人同
事前了解一下當地文化。
多份尊重，
多一份愛，
呢個世界會變得更美好💓

係必要嘅時候，
要識得保護自己，
其實你冇想像中咁軟弱，
踏出勇敢嘅一步，
你會發現呢個世界好大，
而你自己都可以更加強大。

下一篇旅記會講下到左俄羅斯Irkutsk冰湖迷失記，
之前會加插一篇香港篇之”呃蝦條”

#followforfollowback #worldtraveler #worldtravelpics #世界旅行#travelphotography #vacation #vsco #travelworld #discoverworld #travellife #passionpassport #travelrepost #旅行好きな人と繋がりたい #instatravel #旅行 #traveler #worldtravelpics #travelphotography #hkig #hkiger #旅遊日記 #遊記 #girlstoptravel #explore #hiptermaghk #蒙古 #mongolia #visitmongolia @ Ulaanbaatar, Mongolia