雖然宜家日日都大汗搭細汗，但打邊爐的心仍會不斷作祟～ 尤其食D高質邊爐，更加老是在腦海中出現🤫🤫
是日去左佐敦嘅「打邊爐」打邊爐～主要係因為隊員Ｗ之前食過話值得推介，甘就試下啦！ 😜
一坐低老闆娘好好客，埋黎介紹左幾樣是日精選，原來呢度係有刺身食架，而且不是日式三文魚刺身果D小兒科！而係海細磷🤩！
上台果下超宏偉超有驚喜！因為師傅刀工實在非常了得，魚肉片到薄薄的，老闆娘除左比左醬油仲特別比左特調酸汁我地，拎起一片魚肉，點一點汁，放入口，果種鮮味係迅間散發出黎💥💥！！！
而且質感很爽很彈牙，簡直人間滋味呀！連唔食魚既隊員W都食到停唔到口，一D都唔腥😙！
隊長B就非常喜歡個酸汁，很MATCH而且更加提鮮！食完刺身，老闆娘仲介紹可以即刻整椒鹽魚骨，話黎送酒一流！椒鹽完的魚骨脆到連骨都食到，好香口，而且唔咸，就甘食都可以👍🏻👍🏻👍🏻～
同樣椒鹽的還有風沙椒鹽粟米，避風塘式食法加左好多炸蒜同少量辣椒，超惹味🌽~
然後就係自家制紫菜響鈴，老闆娘話係即整即炸的，好有HEART!食落似腐皮卷，現炸的溫度同味道令我地發現響鈴即使再肥都一定要食😜！
食完咁多熱氣野，當然要飲番２杯清涼野~老闆娘推介自家制香茅檸檬薏米水同自家制竹蔗茅根水，好足料，飲落完全係清涼爽快感～打邊爐岩晒✅！
好啦，終於到個煲啦，我地揀左意大利蕃茄牛坑腩鍋🐮，未放野入去之前先試下個湯底先，好濃郁的茄味，而且Ｄ牛腩非常淋直頭可以就甘食，好有牛味，完全唔痴牙😌！牛煲就緊係要有肥牛啦，試左手切霜降安格斯肥牛，牛味夠而好滑，一食就知係靚牛！
廣島蠔好大粒，大粒過個匙更，煮完都唔會縮太細，正~ 🤩
自家手釀流沙蝦丸又係要試，咬落去D咸蛋黃真係識流出黎，而且用左好多蝦肉去整，食落去啖啖都係爽彈蝦肉～🦐🦐
最後就係食埋Ｄ冰荳腐，吸晒湯底精華的荳腐完美了整餐的終結~🥳
-----------------------
好味指數😋：8/10
翻啅指數🙆🏻：8/10
人均消費💰：401-800
服務態度👨🏼🍳：8/10
乾淨指數🌝：7/10
-----------------------------------------
打邊爐
佐敦廟街286-298號華志大廈地下
----------------------
#hs火鍋#hs佐敦#火鍋#佐敦#食好西#美食#相機食先#食評#打邊爐 #foodporn#foodreview#hkigfood#foodiehk#hongkongfood#hkfood#foodhk#hkblog#hkfoodblog#hkfoodblogger#hongkong#hk#852food#852foodie @ 打邊爐
hs佐敦 在 場的一邊～快播 ～ #食好西#美食#相機食先#食評#hs自助餐 ... 的推薦與評價
場的一邊～快播 ～ #食好西#美食#相機食先#食評#hs自助餐#hs佐敦#佐敦-------------------------- 紅煙窗餐廳-恒豐酒店... ... <看更多>