#小編食好西 之 美利酒店靚景Popinjays餐廳
除咗住返晚，都可以食返餐好既獎勵下自己！小編今次就去到美利酒店嘅Popinjays餐廳，嘆返個靚晚餐啦～
📍位置及環境
Popinjays餐廳位於酒店頂樓，需要搭lift到最高再轉一架好有科幻感嘅lift先上到去～🤓 餐廳環境十分唔錯，大部分可以飽覽繁華中環夜景，仲望到少少海景（見到ICC），景色唔錯～🤩 餐廳有戶內外座位供選擇，戶外超有feel，仲有唔少外國人用餐，整體都好有外國感🤗，但小編去到天氣唔太好，就揀咗坐入面😕
🥣前菜及湯
今次小編同友人就食咗個4 course dinner（每位$598+10%，可加$398+10%做wine pairing），有前菜有湯又主菜有甜品😋
前菜未到之前就嚟咗個前前菜，有塊餅加一舊類似芋頭嘅嘢，有脆有淋，質感好夾，餅都中和咗個鹹味，唔會好膩😛 另外仲有個形狀幾得意嘅麵包，麵包外酥內軟，肚餓嘅小編好快一口接一口就食哂了😂
真正前菜到啦，就係日式溫泉蛋+菠菜+菇 及 棉布鴨肝（加$48），日式溫泉蛋+菠菜+菇配搭十分清新，隻蛋都冇腥味，菠菜都煮到好淋唔會難咬，仲中和到菇嘅鹹味，作為開胃菜係唔錯嘅選擇～🤗另一個就係棉布鴨肝，鴨肝嘅油脂保存得幾好，食落好滑，但就咁食會有點鹹，記得要配埋一齊上嘅多士同血橙汁一齊食～😂
前菜後就就湯，而今次嘅係青豆湯，食得出佢落足哂料，啖啖都有青豆蓉，好濃好濃，水份反而唔太多，味道都唔差，幾飽肚🤔 但可能小編對青豆本身麻麻，所以對呢個湯冇咩特別喜愛😅
🍝主菜
飲完湯，就係主角登場啦！🥳 今次小編嗌哂兩個主菜：香煎鱸魚配黑橄欖汁蘆筍 及 烤羊架（+$68）兩個主菜都極度出色，食完有點意猶未盡的感覺！香煎鱸魚外脆內滑，有好香的魚香味（唔係腥），食完真係有陣魚香味留喺個口度！整體同醬汁配對度好高，份量都唔細，真要一試！😋
另外就係加錢嘅羊架，size比想像中細，比較精緻～🤔羊架冇咩肥膏，但食落都好淋好滑，冇咩筋，加埋汁烤之後好入味，咬落去都有juicy感，係10分有9.5分嘅高質羊架！🤤🤤🤤 食完兩舊都唔係好夠，但冇得再添🙁（廢話
🍨甜品
晚餐嚟到尾聲，收起主菜後會先俾兩舊開心果脆餅俾你清一清個口先～🤭再飲啖口清哂陣味，就上甜品啦！🥰今次甜品係Rum Baba，係一種浸於冧酒中的蛋糕，成舊蛋糕就索哂啲酒，啖啖酒香！🤩可能小編雖然唔係好鍾意酒味，但佢加埋入面嘅水果同雲呢拿cream一齊食又ok喎，唔太苦～😎
💬結論
平時小編乜都要快，食又一定要量多，今次難得可以靜落嚟慢慢食，都係一個唔錯嘅fine dinning體驗！🤗 原本以為會唔飽，但最後又幾飽，唔通慢慢食係會飽啲？🧐 餐廳環境唔錯，職員服務都係一流，加上餐廳較靜，想同fd一齊食個dinner慢慢傾計，或者有特別慶祝，都係一個唔錯嘅選擇～👍
完
icc 頂樓 在 從佐敦木的地酒店頂樓270度景觀酒吧，可以眺望ICC摩天大樓 的推薦與評價
從佐敦木的地酒店頂樓270度景觀酒吧，可以眺望ICC摩天大樓，想到去年我們從ICC香港麗思卡爾頓酒店（The Ritz-Carlton Hong Kong）頂樓酒吧俯瞰香港夜景，驚嘆時光匆匆 ... ... <看更多>