關於 innovator visa英國 ，我們在網路上蒐集到這些相關的討論、資訊與評價

又係香港「移民專家」做的好事，依家連英國Startup同Inoovator Visa都要修正，但不失為一件好事（亦有啲心涼）！

//事實上，在過去的一段時間，大家會聽到加入這類操作的移民公司大力宣傳，一如既往地保證100%成功，又或者形容是99.9999......%，更明目張膽的公開表示自己是由Endorsing Body認證的合作伙伴，所以申請必定成功云云。//

Home Office好比面叫Statement of Changes，坦白講就叫打假。坦白講已經放過咗啲同某某「行家」合作嗰啲Endorsing Bodies，不過殺雞點洗用劍㗎，英國法律嘅嘢，中間加幾個字，或者一句半句就搞掂。

//內政部今次的修例，為什麼會要求申請人為生意計劃的創辦人，或者是創辦成員之一。其實，在Start Up的生態下，由一個團隊各展所長去創立，從來都是一件既合理，又合邏輯的事情。如果申請人有其個人的專長，而可以與英國當地的創業家合作，大家各施其職地執行創業計劃，即使在新規例下，仍然是一個可行的做法。𣎴過，如果一方是付錢搞掂；另一方是收錢辦事，那當然是完全摧毀了內政部希望由行內人評審出優秀的申請人和生意計劃的原意。//

Ooops...好彩一路都係行得正企得正，洗乜驚？

大家有興趣想知啲友衰同詳盡嘅講解，可以去同事Billy個Page度了解：

英國移民規例最新修訂 （一）海外商務代表（Representative of an Overseas Business Visa)
https://bit.ly/2ztiF3d
英國移民規例最新修訂（二）：關於Start Up/ Innovator Visa
https://bit.ly/3eoCY0m

#偷雞摸狗已經係錯
#累到個客就同警察差唔多

Goodbye HK Hello Billy

*********************************
支持Patreon係本Page嘅支柱：
https://www.patreon.com/goodbyehkhellouk

YouTube新片：
RTHK《視點31》完整無刪剪完整版（連圖文字畫不乎字幕）
https://youtu.be/HgKNJvZjAuw
*********************************

其實想同大家講聲對唔住！

呢幾日除咗每個鐘都不停要追外國傳媒報導香港嘅情況，同時間無論呢個Page或者同事Billy嗰個嘅inbox廿四小時無停過。所以比大家感覺對啲「怨婦」留言嘅態度好暴躁，實在有啲失態。

喂，腦細有生意唔通唔做咩，同事有需要唔通唔幫手？inbox並唔係留言，無得玩、拗、討論甚至鬧交，係一對一嘅唔可以誤導老點嘅對答，講緊係人地個人，一家加埋細路嘅未來。但當中少不免包含好多低落情緒嘅交流。老實講，好清楚無人特別鐘意離開，依家明顯已經唔再係走唔走，逃唔逃兵咁簡單。

幫到嘅緊係幫，但係有啲又真係幫唔到，嗰啲失望嘅感覺重複又重複...呢三年黎從來都未聽過有咁多人要求腦細開講座，更未試過24小時唔停有唔同人好心急咁inbox，依家一開二連同事都爆埋（literally 24小時）。

無嘢喇...就當我係食血饅頭，發國難財都要講！都係嗰幾句，前路可以好長亦可能好痛苦，走唔走係個人嘅選擇，但係有咁嘅諗法嘅就走得好走，自以為無能力嘅就盡方法知多啲去揾方法。大家最後用咩方法，去邊，幫襯邊個唔關我事，亦控制唔到，但記住！唔好比人呃！尤其是英國，依家Home Office無論對Sole Representative Visa或者Start Up /Innovator Visa都有調整（針對之前香港班老千）。

大家鐘意點問就點問，答到盡量答，幫到一定幫...至於講座...唉...限聚令...加埋之前比腦細發現有老千偷內容，改頭換面呃人...唔知點呀...話唔到事...

#GoodbyeHKHelloUK
#唔好比人呃

最好問佢，我唔知自己幾時暴斃...妻離女散....（講真...）

Goodbye HK Hello Billy

*********************************
支持Patreon係本Page嘅支柱：
https://www.patreon.com/goodbyehkhellouk
《Juan Guaido：Rise to the Challenge》加返廣東話字幕喇！
「委內瑞拉代總統Juan Guaido：：國民唔堅持同覺悟，哪怕幾有執政意志，都可以係困局」
https://www.youtube.com/c/GoodbyeHKHelloUK
英國移民生活網 重要舊文重溫
www.goodbyehkhellouk.com
*********************************

【英國居留簽證懶人包3.0】

2020年3月更新，完整英國移民簽證概念
懶到盡頭，完全免費
(好多人當商業秘密放响寶箱㗎）

長氣都要事先聲明，响今日嘅香港嘅情況，每個人選擇離開或者留低可以有億四個理由，無興趣亦無能力左右大家嘅諗法（亦唔想爭拗）。不過必須指出真正逃生門係入籍，而唔係謂移居，相信大家近期見到啲未入籍只有居留權嘅人士上唔到機㗎呵？同時呢個唔只關乎自己將來，亦影響下一代嘅國籍問題（明就明）。

呢個post希望用最簡單去分享基本移民英國嘅概念，明白申請咩類別，而唔再比啲agent中介「塞」啲所謂Plan比大家。因為每個人或者家庭嘅能力、經驗、背景都唔同，係要考慮每種居留簽證嘅批核、要求、攞IRL嘅居住年期、需要續簽與否都唔同，所以詳細內容，會放响下面舊文連結。

如果想移民英國，响現時嘅制度下，攞到居留簽證係第一亦係最重要嘅一步。英國現行最基本嘅移民政策嘅大概念。申請人係要得到居留簽證（Residence Visa），完成每種簽證下指定居留時間，同其它要求、包括要考埋The Life in the UK Test就可以申請永久居留權（Indefinite Leave to Remain (IRL)），呢個時候申請人並未正式成為英國公民。攞到IRL後住滿一年，滿足到入籍的居留日數，就可能申請入籍，就正式成為英國公民（即係英國Passport持有人）。

申請英國居留簽證之前，當然要知自己或者配偶用緊嘅係咩Passport。如果自己或者配偶持有英國公民護照的話，即係居英權或者其它原因係英國公民（唔係BNO嘅英籍）。可以直接申請Settlement/Spouse Visa，要留意自己同配偶、十八歲以下嘅仔女嘅居留時間係一樣，係無太空人呢樣嘢。

由於呢類家庭團聚簽證呢類關乎人口同福利分配，所以對申請人現金或者薪金要求係唔係低嘅。如果係持有特區護照或者BNO，可以達至入籍嘅居留簽證選擇大概分四類，Start up ，Innovator，Point Based Working Visa，Representative of an Overseas Business Visa（同唔希望亦唔想分享嘅難民申請）。响申請英國嘅居留簽證嘅要求或者地位，暫時特區護照同BNO係無明顯分別。本人自問睇英國國內新聞相當多，唔太鐘意吹奏平權打飛機，雖然英國政界的確對BNO有啲改變，但係唔太覺得會一刀切同BC平權。因為當前政府嘅急務係減少移民數目（還北部選票），連EU人嘅居留權响2021年都要跟Point Based System。所以就算BNO身份有改變，居留要求唔會低過Settlement Visa，Home Office肯定會保留審核權，以防Free Rider或者腦殘寶寶。

大家可能响香港啲Agent中介口中，成日都話什麼投資移民英國，其實呢個講法係錯到盡頭嘅。因為投資移民係一個好籠統嘅sell嘢名稱，事實上英國關於投資嘅居留簽證，係細分三個完全唔同要求同概念嘅東西。當中包括T1 Investor、Startup同Innovator三種種Visa。T1 Investor亦即係真正嘅投資移民（買護照！），買上市公司股票或債券，符合簽證政府指定要求嘅基金或者投資產品至少二百萬鎊（數額越大，入籍時間越快）。Global Talent Visa，睇名就知係比响體育、藝術、科研、演藝之如此類，有所成就同認受人士申請，呢個唔一定對香港人係遙不可及，成就同出色係指示機構決定，無話容易或者難，只係唔到你同我（或者啲香港agent）去衡量。

Startup同Innovator响2019年已經取代舊有香港人常用嘅T1 Entrepreneur 簽證，分別比無做生意經驗嘅創業人士同已經有營商背景嘅人申請嘅。Startup主要就係由指定院校（有少量私人機構）做Endosing Body去審批申請人嘅生意概念，無年齡同投資要求，不過生意要响兩年內升級到Innovator（呢段時間唔計入居留期）。而Innovator就係由覆蓋各行盤業嘅指定機構去審批，申請人要响三年後達到某啲業務要求的話，就可以申請永久居留。由於已經實行咗一段時間，Endorsing Bodies已經相當了解政府嘅要求，所以已經無咗之前申請人做白老鼠嘅問題。

好多香港中介Agent因為唔熟悉新制，所以大家都會聽到Representative of an Overseas Business Visa 呢樣嘢。呢個簽證並唔係什麼新東西，概念好簡單，就係一間响外國營運咗一段時間嘅公司，派一個員工(可持有少於50%股份的僱員）去發展英國市場，所以呢個員工需要居留簽證。就係因為新制度已經完整實行，所以內政部會好清楚咩人係應該申請Startup或者Innovator而去貪容易走去做Business Representative，唔好問點解，總之係咁。

最後一種（唔計難民申請）嘅居留簽證，就係工作簽證（Tier 2 Working Visa）。响2021年1月開始，Point Based System會取代現時難過上太空嘅T2 Working Visa。申請人必須要有70分（教育水平等如英國A-Level或以上）先合資格申請，當中有50分係必須要有嘅：

持牌照僱主嘅Job Offer = 20分
需要技術類形嘅工種 = 20分
指定嘅英語水平 = 10分

（即係點都仲係要揾到份工先可申請）

下面嗰啲就係可以互換嘅分數：

年薪
£20,480 – £23,039 = 0分
£23,040 – £25,599 = 10
£25,600 or above = 20分
每年英國特定短缺工種 = 20分
PhD學位同工作有關 = 10分
PhD學位同STEM學科有關 = 20分(STEM即係Science, Technology, Engineering and Maths）

#GoodbyeHkHelloUK
#英國居留簽證懶人包
#其實唔係商業秘密

###########################
個別居留簽證詳細資料舊文傳送門s：
英國公民（包括居英權一二代）申請家庭團聚 http://bit.ly/2QsTguz
計分制工作簽證概念
http://bit.ly/2Tfco1O
Startup與Innovator完整概念
http://bit.ly/2Wt401e
咩係Business Representative Visa？
http://bit.ly/30PimIS
T1 Investor
https://www.gov.uk/tier-1-investor
Global Talent Visa
https://www.gov.uk/global-talent

#########################
****************************
英國移民生活網 重要舊文重溫
www.goodbyehkhellouk.com
****************************