[ViuTV][調教你MIRROR][EP20 最後一集]
[One & All 鏡仔camp後感言集合]
AK：我覺得呢12日放底咗以前嘅執着，夜闌人靜時我可能都會唔開心，但係我會知道點解決。可能同班兄弟傾？或者同花姐傾？亦都因為同隊友們嗰道牆打爛之後，我嘅情緒都冇咁波動。喺個camp我係有打開返個心，重新感受依家所有嘢，我身邊嘅所有人。我應該活在當下，好好去享受佢。
Anson Lo：今次呢個camp令我覺得做人應該要更加坦白。面對任何關係，如果自己唔開心嘅就要坦誠同對方講，因為對方唔會知。要學習放低。喺成長，甚至係MIRROR出道呢兩年，我有好多嘢都未放低。好多嘢形成咗我今日嘅狀態。我要嘗試學習啲嘢已經過咗去，唔好畀自己諗住嗰啲嘢，要原諒自己。
Edan：經過呢個camp，發覺自己對自己嘅認識唔係咁深。一直我以為自己好了解自己，但其實好多地方都係未透徹。到底Edan係一個點嘅人呢？
姜濤：終於學識點樣同成員之間點樣毫無保留哋溝通，因為呢個係我哋出道到依家最大嘅問題。我都話畀自己知，其實自己係愛呢個團體。
Alton：我有埋怨過之前種種做得唔好嘅事情，或者出到嚟係導致我做得唔夠好唔夠勁。所以我要立個目標畀自己，要變勁啲。要勁到絕對力量，所血披靡，呢個過程就好似用沙埋住自己。某啲店一trigger到，會崩塌。阿祖話真正嘅勁係淡淡然，當你去到咁悠然自得嘅時候，最吸引人嘅嘢就會發生。
Stanley：會了解身邊嘅人。以前覺得自己做得好夠，對大家個心係好夠，但其實唔多唔少都會只係睇咗其他隊員表面嘅行為，誤解佢其實係咁嘅人。佢有咁嘅行為嘅原因我冇去了解。
Jeremy：一開始未有咁多問題發生時，其實會好take care兩邊。依家會更加關心佢，想同佢講多幾句嘢。自在去做返自己一開始做嘅嘢。
Frankie：成班兄弟都係做完嘢約出嚟訴苦，有時有啲無聊嘅時間都想自己一個。但喺12個人喺camp入面，所以生活上都畀到大家，日日都傾偈。我都受佢哋影響咗好多。
Tiger：短短呢12日，我喺團隊嘅崗位會更加清晰，我就係一個幫大家做好件事嘅嗰個人。我相信12個人冇咗邊個都唔得。
Jer：我要打破呢個隔膜，要將道牆慢慢打破佢。我係一個獨立體之外，入咗MIRROR就係一個團體。我要as一個團體去行我嘅路。我都迫自己改變，我希望呢個改變會為大家帶嚟好好嘅景象。
Lokman：呢個camp大家都好融洽，係比較容易正面啲嘅。我覺得之後活動或者出返個camp之後係個挑戰。但我好樂意接受呢個挑戰。
Ian：自己唔同咗同改變咗，自己喺呢個團隊或者環境中係舒服咗，冇咁收埋自己，所以舒服咗。以往所有情緒都係自己一個人知，或者自己一個人收埋就算。但係經過呢十幾日，都有種釋放咗少少嘅感覺。
📺 [調教你MIRROR][全輯20集 重溫]
https://viu.tv/encore/be-a-better-mirror
#ViuTV #調教你MIRROR
#MIRROR #梁祖堯 #花姐
jeremy camp 在 Jeremy Camp | Facebook 的推薦與評價
Jeremy Camp 。 2453425 個讚· 3063 人正在談論這個。 Official Facebook Page for Jeremy camp with music, video, tour updates, and more! ... <看更多>