[好開心搵到好食既香港地道茶室！😍]
遊園．茶記 @peonygarden.hk
Address: 尖沙咀柯士甸道西88號戲曲中心地下2-3號舖
💜 第一次去到柯士甸嘅戲曲中心！建築物設計都好有特色☺️
之前聽過游園茶記都係因為佢好出名嘅芫荽湯車仔麵，但係今日去到發現原來除咗車仔麵，仲有好多好味嘅潮州菜式！💕
重有潮州來的陳師傅坐鎮👍🏼
💜 首創鹹檸檬燉鵝湯
雪蓮子蟲草花燉竹絲雞
兩款燉湯都超清甜，超好飲😋
鹹檸檬燉鵝湯比較特別，聽說是用醃了20年的鹹檸檬🍋煲的~如果你鍾意鹹檸檬既味道，我都會推薦你試吓呢個湯☺️
💜 金牌滷水鵝件雙拼
潮州既滷水又係必食嘅！除咗平時既鵝件，仲有其他選擇例如：滷水五花腩, 滷水鵝腸, 滷水鵝肝, 或滷水無骨豬手~
我今次揀咗鵝件同鵝肝！平時食煎鵝肝就食得多，滷水鵝肝都係第一次食😳
食落去感覺覺得啲鵝肝好滑，亦都唔會太膩
💜 懷舊鬼馬雙星
第一次睇呢個名完全唔知道係乜嘢食物😂
原來係用油炸鬼包住墨魚肉同鯪魚滑炸出來的!😍
🐼聽到就話想試，好開心食到新嘅菜式！味道亦比想像中好！😋 亦都冇想像中咁油膩。我本身都好鍾意食油炸鬼，另外墨魚肉都好彈牙，超鍾意食呢個小菜！🤤
💜 台山興哥手工黃鱔煲仔飯
煲仔飯好大煲啊！兩至三個人share都得👍🏼
煲仔飯入邊都有好多黃鱔， yummy!
💜 最後黎到甜品啦！又係試新野既時候。
💜手工反沙芋，反沙芋真係將芋頭不斷起啲糖到炒呀炒呀，炒到直至上邊有一層砂糖，不過我就覺得有點太甜啦🤔
💜黑芝麻奶凍，芝麻奶凍好滑啊~ 芝麻味都好重，有啲似食芝麻湯圓入邊嘅餡感覺☺️
💜菠蘿冰🍍下邊有好多菠蘿粒啊😍
💜荷蘭唂咕，初頭唔知道個唂咕係乜嘢
原來懷舊的"唂咕"是直接純可可粉沖水砂糖調味，而"朱古力"沖劑則含可可粉、奶精、糖等調配。
#peonygarden #littletummychinese #littletummy柯士甸 #遊園茶記 #中菜 #潮州菜 @ 遊園．茶記 Peony Garden
