關於 neway投訴 ，我們在網路上蒐集到這些相關的討論、資訊與評價

講起唱K

Neway執笠，我呢一個長居歐洲嘅都忍唔住講兩句。

唱K雖然唔係香港人發明，但如果話唱K係香港人嘅集體回憶之一，絕對係當之無愧。十幾歲學生零用錢唔多，可以享受嘅娛樂十隻手指數得晒，但唱K絕對係可以一大班人，一齊開心之餘單成本又唔高嘅活動。就算係大個咗，如果一大班人聚埋一齊，諗唔到有咩做，最簡單Book間房唱K呀！

唱K一出到西方國家，就變晒質。成間酒吧每一台輪流點場，一個二個淨係識得唱Katy Perry嘅Roar，又或者係Bruno Mars嘅Uptown Funk You Up，再唔係黎一首Backstreet Boys 嘅 I Want It That Way。喺外國唱K，
揀歌係要揀係要人人都識唱，而且可以帶動氣氛；你唔講，我以為我搞緊演唱會，sad少少嘅歌都唔敢揀，驚冇人買門票啊頂。

邊似得喺香港唱K，揀歌完全睇心情，失戀可以唱K，開心可以唱歌K，考試得好可以唱K，食飽飯冇嘢做一樣可以唱K。得閒可以嚟首《陀飛輪》，再唔係唱下《囍帖街》或者《櫻花樹下》；能夠鐘之前一定要插首古巨基唱夠十分鐘。

香港人唱歌，緊張嘅係歌詞，憑歌寄意。鬼佬唱歌，緊張嘅係旋律，話知你錯Grammar。你喺班鬼佬面前揀首歌詞靚嘅，啲鬼佬會好唔識貨咁同你講，「點解你廣東歌咁難聽嘅？」（喂，我都未開始唱！ ）唔係我講笑，你如果同一班鬼佬唱K，揀首廣東歌，佢哋唔識欣賞之餘，仲會覺得你搞差唒啲氣氛。

卡拉OK，外國有得唱。但唱出嚟個感覺，完全唔同。唉，唯有沖涼嘅時候，攞住個花灑當嘜唱歌啦。最驚鄰居投訴啫😂

Newway 撐得過沙士，但捱唔過肺炎。唉，可惜啊！

#香港人在歐洲
#香港人
#唱K
#集體回憶

雖然之前文科生說不想再講政治，但今日心情實在太沉重。

當幾十年前有個別組織發起暴動、持續多日、引起大量死傷卻只判得比今次輕，當有人放火燒死入境處職員後只被判幾年仲要攞埋香港身份證，當你不小心駕駛誤殺路人都只是判幾年的時候，一個心中只為香港好的熱血青年卻被判6年監禁。

的確，我們必須承認他在處理魚蛋一夜時可以做得更好，在控制群眾以及保護群眾方面可以思考得更多。但是事後孔明其實誰不會？一個青年到底對香港有多大的抱負才會不惜一切代價去為大家爭取一個我們值得擁有的未來。

生於這個戰後時代，我們雖然不用面對戰爭的摧殘，每日為生存而提心吊膽，但我們卻要面對著源源不絕的絕望。在正常的社會裡，一個青年讀完大學，應該是充滿著抱負踏進社會，就算不打算攞十大傑青都應該會想有一番作為光宗耀祖，成家立室、養妻活兒、住洋樓養返一貓一狗。

但在香港，我們這一代不單止要先天性地背負住「一代不如一代」、「廢青」和「新一代大不如前」的原罪，我們更要面對不可能的向上流動和買樓的任務。不知道由幾時開始，製造一個可持續發展的社會環境變成了年輕人的責任。當年輕人見不到未來，不再嚮往香港的未來而覺得絕望時，成年人不單止享受完經濟急速發展的成果後輕鬆拍拍屁股便走人，更落井下石批評「年輕人太受寵愛，不肯去捱」去總結。

他們不會代入你的角度去看事情的始末，不會體諒我們活在一個香港收入中位數還要不吃不喝二十多年才能買到樓，每年加薪幅度低過通漲、每日朝九晚六至八、每人只為生存而工作的環境，每當年輕人抱怨時都會被冠上「廢青小小苦都捱唔到」的罪名再送你兩句「阿叔我當年一咪又一樣咁捱，哪有你們那麼幸福」云云。

但是很多時候老海鮮永遠都不會明白，今時不同往日，昔日獅子山精神，只要努力不懈堅持下去就有出頭天的日子不再，當年60萬的樓今日變成300萬，但香港收入中位數在這幾十年間卻沒有增加6倍。從前我們去公立醫院不會聽到遇到這麼多廣東話都不懂講的病人，但今日卻每十步會遇到不會講廣東話的「香港居民」對醫護人員呼呼喝喝動輒投訴，永遠攞緊綜援和醫療基金卻又從來沒有交過稅。從前香港沒有這麼多金舖和做旅客生意的零售舖頭，現在卻周街周氏金舖和名版零售業佔據香港的街道。從前我們的商場充滿著一家大小歡樂地逛街，但今時今日卻只剩下一堆行李箱佔據萬寧和屈神氏。新一代想去個neway唱個KTV卻先要在地鐵站逼個半死+/-除地便溺的小童再在擠迫的街上以比毛毛蟲還要慢的速度緩慢地爬行去目的地。不知由幾時開始，香港變成被旅客佔據的商業城，本地人連呼吸的空間都沒有。

講下講下好似真係好絕望，但文科生想講，我們或許不是活在最盛世的時代，但我們還是可以選擇在現有的環境下活出最屬於自己的未來。每一代都總是將「一代不如一代」掛在嘴邊，但人類到現在還不是沒有滅亡，反而不斷在進化。在這個艱難的時代，如果我們沒有改變環境的能力或者沒有勇氣去承擔爭取改變環境的重任，那麼我們只能靠自己付出更多的努力和決心去活出我們渴求的生活。

即使隔日香港就有一些令你心痛和心累的新聞，但文科生還是熱愛著這個我從小長大的香港。今日或許我們還未見到未來的曙光，但希望大家可以勇敢地以自己的方式活下去！

共勉之

Reference photo
Edward Leung Facebook page

就咁嘅，今日係 #葡萄酒情人節 ，送兩個小驚喜出嚟先，第一係， #循序漸愛 已經登陸 Neway Karaoke Box Hong Kong ，而且由於太多人投訴唱 #學習浪漫 時次次都要睇晒我哋呢對煩膠嘈完一輪先有得唱嘅關係，今次好貼心推出兩個版本，想睇段戲就揀劇場版，淨係想唱歌就揀番普通版。至於另一個小驚喜係咩呢，晏啲再post。

Dumb Youth #CommonLoser #hkDumbJoker #由我共你下輩子一起過每天