關於 noodies menu ，我們在網路上蒐集到這些相關的討論、資訊與評價

呢款三文治拼芝士再加芝士再加芝士，唔知啱唔啱你口味呢？

一入間小店，係呀呢度係無座位架，只有立食嘅空間。其實呢度係日本雜貨店，有唔少日本入口嘅廚具、刨、酒、飲品、日本入嘅lemon vodka(幾好味)，仲有自家制爆谷，就係「雜」。當然，唔少得佢地嘅熟食Menu啦。

除咗經典嘅Scotch Egg sandwich，佢地最近仲出埋呢份只有手掌大嘅薄身《Grilled cheese sandwich 》，留意，攞俾潮友嘅時候，應該係with tomato soup嘅，盛惠$80，聖，就這樣潮鳥。

玩得芝士治，預咗食客會有比較架喇，呢度嘅芝士治，同長沙灣嘅比，係系唔同層次嘅食物嚟嘅。同樣邪惡，但全部嘅用料都唔一樣，呢度嘅三文治相對薄而細份，不過芝士味都好濃郁，咸香味更重，實屬重口味芝選。而且，當然要滿足大家部相機：係可以拉到絲嘅。麵包薄身，烘成脆脆地同香口。

仲有個unexpected嘅tomato soup，就係蕃茄蓉湯嘅感覺，偏濃味同咸身，幾濃厚。

想減肥？就係咁簡單。

Sunday's Grocery
星期二至日：11:00-21:00 星期一唔開架
電話 : 2628 6001
@西環堅尼地城吉席街66-68號
#PND西環 #PND西式 #PND外賣
PND中西區搵食、玩樂地圖：
中環裕記大排檔早餐(三文治)/勝香園茄牛麵(公假唔開)→永樂園熱狗→ChumChumMiBox外賣韓式炸雞→IFC Garrett爆谷→香港站1號小巴往山頂→買齊野食去山頂柯士甸山公園野餐/影相→特麗愛Trickeye Museum(出面平台為免費日落觀賞點，可互選)→1號小巴往中環地鐵站→

Instagram pier路線：
HKU站b1出口往Instagram pier(日落觀賞點，可互選為西環泳棚)→電車/徒步/行人扶手電梯上西營盤第三街→Crispy Bistro→晚飯推介NOODIES→阿元來了/uncle Padak→Seoulmate Cafe (韓式甜品)

西環泳棚路線：
西環泳棚→Lex Coffee→「Sunday's Grocery」→可可店

中西區搵食、玩樂地圖（第一版）：

中環裕記大掛檔早餐(三文治)/勝香園茄牛麵→永樂園熱狗→ChumChumMiBox外賣韓式炸雞→IFC Garrett爆谷→香港站1號小巴往山頂→買齊野食去山頂柯士甸山公園野餐/影相→特麗愛Trickeye Museum(出面平台為免費日落觀賞點，可互選)→1號小巴往中環地鐵站→HKU站b1出口往Instagram pier(日落觀賞點，可互選)→電車/徒步/行人扶手電梯上西營盤第三街→Crispy Bistro→晚飯推介「NOODIES」→阿元來了/uncle Padak→Seoulmate Cafe 韓式甜品

由於台灣小店要排太耐鳥，PND驚喜發現，西營盤第三街，有間新派fusion麵店，佢地嘅喇沙湯底同冬蔭公湯底，係世界級嘅！

入到呢家FUSION麵店，店仔細細，得十幾個位。吧枱加挨Pang椅，比拉麵店更好坐。睇睇menu，嘩，平拉麵一半，標準麵底配兩款食材，都係$46！仲見到廚房店員努力炸緊春卷，係同我差唔多大嘅小妹妹(原來係應屆Dse妹妹，勁!)好認真地擔正做大廚，好啦，就試試佢。

PND快速亂Scan，即刻發現點拼最好味：無味精湯底擺明必試冬蔭功/喇沙湯底(想食清啲嘅仲有豬骨湯底)，同朋友互選，就可以飲哂兩款湯底。麵款加$3，可以一個碗食兩款麵(total8款)，米粉米線喇沙粉絲油麵辛辣麵。升級食材每款$10，有溏心蛋、咖哩魚蛋、醬醃豬手(勁好味救命)等， 咖哩汁佢哋自己調，真係幾好味。

嗯，自己碗麵？自由拼啦。

飲哂兩款湯嘅PND，又到發問時間，店長解答，呢度冬蔭公、喇沙湯底係老闆特登飛去泰國、新加坡拜師嘅成果，部分搭配餸仲要係自家製。

我最鐘意佢地嘅普通白麵，爽口彈牙，仲有粉絲，吸哂湯汁好惹味。雲吞自己包，手撕雞好香麻油味，仲要係自己撕。

除咗重口味嘅湯底(唔係好辣又唔口渴)係世界級之外，PND仲對呢度嘅《即製春卷》$25一食鍾情！即炸勁脆，無油益味，內裡有菜有肉有粉絲爆哂餡，好食過泰國菜館/酒樓，潮友一定要試試佢。

Noodies
電話：25590080
人均消費：$46-$70
座位：18
星期一至日 11:00-21:30
#PND西環 #PND泰國菜 #PND小食 #PND港式 #PND主題活動
@西環西營盤第三街56號福滿大廈地下E舖