「天馬行空的昨天，怎麼瞬間靈感被擱淺。」
有時靈感呢家野話黎情理之內 意料之外
就黎話走就走，要將美食同歌詞結合，
又怕離題又怕寫得太多，正所謂情理之內，
意料之外，真係唔容易；同樣要將一碗越南粉
成為響噹噹既品牌，呢樣就要講諗頭啦。
今次到訪曾經創下日賣400碗越南粉既
「南越南咖啡廳」，就注入更多新穎驚喜既
招牌菜，令南越南菜係香港大展所長！👇
-
📌S n a c k -
▪ Crispy Rice · Noodle Tower - $48
▫ 打頭陣一定黎個「NVM·高樓米塔」先夠霸氣！
其實係將一碗熱辣辣既自家醬汁倒落炸過既
米粉，過程中慢慢睇住佢融化，夠哂治癒。
而食落非常爽脆，加上有d香葉、蘿蔔絲、
越南香腸，整體口感非常豐富，又夠開胃，唔錯。
-
▪ Crispy Rice Paper - $48
▫ 另一款同樣以脆口見稱既「脆米紙·薄餅」
以炸米紙取代煎餅，上面鋪滿青瓜、蘿蔔、
香腸粒、蝦乾，再連埋酸甜汁一齊食，
份外惹味；而且米紙唔會太油膩，
就算幾邪惡都唔怕！
-
▪ Shake Shake Garlic Basil Chicken Cartilage - $42
▫ 呢個「Shake Shake·雞軟骨」幾有驚喜，一上枱
用紙袋裝住，其實裡面係炸左既雞軟骨；Staff
建議將辣椒粒同埋青檸汁一齊shake勻佢，
香辣感即刻提升。而雞軟骨酥脆無比，
配埋南越啤酒就更夾啦！
-
📌P H O -
▪ Granny’s Signature Pho - $88
▫ 黎得呢到必試經典人氣「嫲嫲南越湯·招牌
金邊粉」，湯底非常香濃清甜，一入口就知
有料到。原來淨係湯底都係超過24小時熬製，
唔怪得咁正啦；而金邊粉吸收哂湯底既精華，
一入口非常軟滑爽彈，好食；而配料仲有牛肉片、
牛面頰、牛腱、牛筋、牛肉丸同埋油炸鬼；
唔同部位既牛，滿足唔同既口感，呢個認真要試！
-
📌To · Share -
▪ Betel Leaf · Isfused Chicken - $78/Half
▫ 主食我會推介佢地既「烤蔞葉雞·青蘋果條」，
呢款雞烤得岩岩好，外皮帶少少脆口，
而裡面肉質唔會太乾，加上秘製香料既配搭，
幾有風味；而旁邊既打蘋果條亦係亮點之一，
清甜又解膩，正！
-
📌D r i n k s -
▪ NVN · Egg Beer - $38
▪ Microalgae Lemon · Ginger Tea - $28
▫ 估唔到連飲品都非常夠地道，前者「南越·
蛋啤酒」係杯裡面掛左蜂糖蛋醬，倒埋越南
啤酒產生一種好強烈既化學作用；飲落甜得黎
啤酒單唔會太重，而!入口非常順滑，同一般
香港飲開果d好唔同，好特別；而後者「微藻·
檸檬薑茶」，凍飲飲落檸味突出，
而且賣相吸引，打卡一流。
-
📎 南越南咖啡廳 · Nan Viet Nan Café
📍 旺 角 彌 敦 道 726 號 1 樓
