［歐遊列國 #9］我愛煮，同時亦愛…….
雖然心裡面難有呢份民族認同，但身體卻很誠實，中國人民以食為天，真係講得幾岩，我係一個鐘意食野既人，但因為我份人又幾唔鐘意花太多錢，所以就好有動力去學習煮野食，因此我唯一信仰係……煮！
生活係香港，要買餸煮飯當然係十分方便，星馬泰中日韓，都未開始整西餐，都已經幾百種選擇，一有時間同心機去煮，肯定煮出唔止十二道燶味。哈哈，搞完爛GAG入返正題先，我想講既係，當你置身於波羅的海三小國當中，整個首都你都搵唔到十家人係講中文既(係，個度接近無華人咁濟，而家可能會多D掛)，要整中菜當然亦唔容易，再加上氣候偏冷(至少凍過香港先)，而且入口貨品偏貴，拉脫維亞人人平時食開既野都離不開三五種魚，三五種生果同菜，好D既係肉類，起碼夠新鮮先。
相入面我手中個盤野好似係咖哩雜菜。係Riga (Latvia首都)你唔會好似係英國咁，買到D Condensed既醬料，整咖哩汁，就要由咖哩粉由零開始，而呢盤野最貴既精髓，就係入口貨，椰漿喇，一罐大既椰漿圍返港紙要30蚊以上，好彩呢度買菜相對地平，所以拉返勻條數都冇蝕(其實可以蝕D乜? XD)。
重點係，到底呢盤野好唔好食呢? 我試過，我真係試過，好味架，Haha，食到我D dormmate 津津有味，最終呢盤野好似得3份1係我食，不過煮野食既滿足感就係來自呢度，有時都唔係care d錢既，亦可能因為咁，我係澳洲Working Holiday既時候瘋狂整野食啦！
#hkig #instagram #travel #foodie #cooking #tasty #hongkong #riga #photography #eating #travelblogger #life #aamusictravel #latvia #baltics #europe #exchange #exchangestudent #dailylife #拉脫維亞 #歐洲 #攝影 #旅行 #呃like #里加 #食 #波羅的海
