想抖夠，先慢慢寫個post。
又完成一個全馬。
這次，紐約馬拉松！
要從市中心到Staten Island 起點，可選擇乘搭巴士或者小輪，小輪雖則快一點但還是要接駁巴士才可到達起點。最怕因快得慢，所以都係乖乖坐足個幾兩個鐘巴士直達起點。
天氣很寒冷。由起身一刻的三度到抵達現場的六度，好彩一直有陽光，陽光不會令你覺得暖只是冇咁凍。聽聞有人準備充足買定羽絨保暖，本來覺得有啲誇張，現場先覺得其實有道理。
兩行鼻水一直流，一邊排隊去廁所一邊食早餐，又內心掙扎好唔好飲多杯咖啡？因為去廁所真係會用晒你將所有時間。
去到差唔多上線，依然眷戀着禦寒sweat pants 同 jacket，見到很多人最後一刻先剝衫，我決定先剝褲，人哋剝衫我先剝。
一大班runners 浩浩蕩蕩半跳半跑手舞足蹈咁去到起點，好正，等咗半年的一刻即將來臨。
好多人話紐約賽道係最難嘅一條，我抱著懷疑態度，香港夠難啦！難唔難過香港先？果然一起跑已經要上斜。後跑過幾條橋，條條都唔短，就算好多場直路原來都係暗斜。不過景色係200分嘅絕美，每一段路都咁靚，每一個位置都有人同你打氣。同芝加哥馬拉松有啲相似嘅地方係唔同民族嘅人都會用佢哋嘅方法同你打氣，你見到南美人用佢哋嘅舞蹈同音樂、日本人嘅太鼓、美國人佢哋嘅Big Band等等。成個馬拉松真係無間音樂。
轉入Manhattan Avenue一段長直路，兩旁係美劇入邊嗰啲典型美式建築，最遠處嘅藍天白雲加上摩天大廈感覺好surreal。
起初覺得自己狀態還好，故跟了比較快的一隊pacer，但之後先發覺自己太心急，未到一半已經好攰，後半段一直覺撐唔住，感覺就快要抽筋，懷疑自己能否完成兼且想放棄。
我從來都唔係一個跑得快嘅人，不過意志方面係比較ok嘅。我知道係時候使出絕招，等自己腦入面嗰片混亂平靜番先，然之後就有機會慢慢控制返自己身體，等自己可以撐埋餘下賽事。
進入Central Park前一段是我的地獄，感覺同終點好近，但又跑極唔到又驚抽筋。
轉個彎就入公園嘞，多謝左手面一班齊吶喊嘅香港人，令我响紐約見識到「香港人加油！」入到公園後亦有人叫Cyrus，原來真係好多香港人參加紐馬。多謝你哋，每一下都boost 到多少少energy。
喺公園內外直到終點嗰幾公里，自己都盤算着有冇可能保持到自己嘅成績呢？一直到40公里其實還是有可能的，不過叔叔真的不行了，最後兩公里，「必」曬全身氣力還是差了一點點。
20191103 @nycmarathon 完成時間04:01:23 。有點可惜，不過非常滿意自己嘅determination。
我知道紐約一定係想俾機會我返嚟好好「懲罰」呢條賽道！
Thank you New York for an incredible marathon experience and can’t wait to be back and running with the amazing crowd!
#特別鳴謝終點的有心人送上救命斗篷
#cycyrunning #run #runner #running #NewYork #abbottworldmarathonmajors #USA #travel #travelrunning #travelling #nike #nextpercent #nikerunning
travelrunning 在 #travelrunning - YouTube 的推薦與評價
Running in the Badlands, South Dakota || Trail running the Castle & Medicine Root Trails · Travel Runner. Travel Runner. •. 4 views 23 minutes ago. ... <看更多>