［今日寫呢啲］今日夠晒長，因為三個每日一圖同三篇Good Read 夠長。
另外，星期六出咗篇，公開晒我持倉。當然只係得名單同買入價，多數都冇講買咗幾多（近期買嘅就有）。但，重點係你睇返我賺錢同蝕錢啲例子，搵返啲啟示呀。我自己好滿意的。讀者就可以睇返晒。
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！
＝＝＝＝＝＝＝＝＝＝＝＝＝＝
美股冇市，就只講港股，咪反彈咯，港交所388騰訊700都反彈，冇乜特別。固然成交比較弱，但記唔記得一兩個星期前，又話熊市呀，又話政策風險不能量化呀，又話外資全部沽晒呀，又話共同富裕行返共產主義呀，又話港紙弱係咁走資呀，又話搞北京交易所港交所玩完呀。
AND？最Q好笑，Cathie Wood就已經買返騰訊添。之前夠清倉。啱價咪買返，使通知你？
仲有，隻理文化工746相當生猛，仲要係大成交，平時幾十萬股，昨日兩百萬股。咁應該點處理？Patreon入面講
咁當然，仲有王維基HKTV 1137入咗港股通名單，北水可以買，但股價反而跌。咁呢度都有講過，就唔重覆了。
三個圖都挑戰你常識，挑戰啲只係線性思考背答案嘅人。好多人以為，係「因為」大陸推一孩政策，「所以」出生率先降。但有冇對照實驗？我相信，冇一孩政策，一樣出生率都降。好簡單，你見一孩政策之前，出生率都係不停降的。原因？你估下？好簡單。有錢咗。有人話高樓價係最好嘅避孕藥，其實唔係，你見高收入買得起買嘅人一樣唔生，唔見得會比低收入嘅人生得多。講到尾，有錢就唔想生。度度都係咁。你見有人話香港咁政治環境邊敢生仔，但日本韓國台灣啲友一樣唔生，反而越南一黨專政照生，亦係收入問題（所以而家越南都唔多生）。同理，你見中東非洲啲友，照樣係咁生，得罪講句，生多幾件當保險，預總有一兩件炸死或餓死。所以領導人呢，都係落後於大勢，追住啲舊數據行—同你炒股差不多。你睇文入面個圖就見到
第二，好多人以為QE聯儲局買債，就壓低債息。然後到退市，就會扯高債息。Really？你可以睇返過去幾次QE，過程中債息都係升嘅。唔信你睇Patreon嘅圖
第三仲好玩，好多人（多數係啲冇買股票嘅人）以為，車，你2020年疫情整到個基數咁低，2021年啲業績梗係勁，有乜咁特別？Really？咁我入面個圖話你知，超過75%嘅美股公司，2021年第二季嘅盈利已經高過2019年。咁你話係咪股市升得唔合理？定你同個世界脫節？Patreon個圖仲會分埋有幾多公司盈利連升兩年，幾多係跌完反彈得更高，幾多係未返到2019年。
Good Read又係挑戰你傳統智慧。第一篇話你知，成功初創嘅創辦人，平均係45歲，唔係你以為嘅後生仔。仲有，40歲搞初創，成功機會大過25歲一個開。你可以話後生仔識科技有幹勁有想法敢冒險，但人地又可以話老嘢有人脈有錢做嘢成熟。但數據話你知：都係老嘢好，識人好過識字。不過，啲私募基金創投基金又仲係鍾意投入去後生仔度喎，點解？文入面會講。唔係你想像咁簡單
第二篇，大好友反駁啲友睇淡嘅理由。其中一個我上面都講咗，有人以為只係疫情低基數，所以企業盈利先咁勁，錯得很。又畀你見到投資只係得個講字，唔睇數字，等於廢話。另外，亦都反駁埋所謂「升咗好多就冇得再升」嘅觀點。What if 我話你知，而家美股仲平過年頭？是真的。Patreon講
第三篇，技術嘢，講CAPE（Cyclically Adjusted PE），亦即係Shiller PE有咩不足。你唔知係乜嘅，我文入面都有解返。但你連PE都唔知係乜嘅，幫你唔到。 Anyway篇文講咗CAPE有乜不足，因為稅率唔同咗，同埋公司做咗好多回購。佢整咗個CAPE2.0出嚟。然後有乜結論？Patreon講
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
邁向2000人訂！Two thousand people can't be wrong！（扯，幾百萬人冇訂添！）．搵人填埋佢，下一個目標當然係3000！
＝＝＝＝＝＝＝＝＝＝＝＝＝＝
what if第二季 在 [新聞] 有信心！漫威《What If...？》籌備第二季- 看板EAseries 的推薦與評價
有信心！漫威動畫影集《What If...？》籌備第二季
第一季預計2021年播出 完全顛覆主宇宙設定
漫威影業為迪士尼串流媒體平台Disney+打造的動畫影集《What If...？》要到2021年才
會和觀眾見面。但漫威顯然對這部作品很有信心，製作第一季的同時，已經宣佈開始籌備
第二季。
漫威影業總裁凱文費吉透露，《What If...？》的第二季會有10集的數量。
據悉，《What If...？》是一部腦洞大開的劇集，每集一個主題，全都顛覆了之前漫威電
影宇宙發生的故事。比如特工佩姬卡特成為「英國隊長」、美國隊長變成鋼鐵人、黑豹變
成星爵等，十分會玩！而漫威電影演員也將集體回歸配音各自的角色。
https://reurl.cc/QporVZ
--
※ 發信站: 批踢踢實業坊(ptt.cc), 來自: 101.9.140.204 (臺灣)
※ 文章網址: https://www.ptt.cc/bbs/EAseries/M.1576933639.A.BE7.html
... <看更多>