《以為打機等於孤獨？但打機笑得最喪嘅畫面，一定有朋友份！》
「雷鳥邊度捉？卡比獸點叫醒架？」
「Eva初號機係咪會暴走？」
「小蝦米隻船喺邊架？」
「restaurant city送蘿蔔畀我呀！」
單機又好 Online又好，打機笑到最喪嘅畫面，都有一班朋友份，
甚至係因為隻Game，你先有呢班朋友。
曾經有個時間線，上網仲係56K，首頁只有Yahoo，Game多數日文，冇咩網上攻略，冇錢買Game書…
若然冇朋友，打機卡關仲慘過畀人困入阿茲卡班....
但如果班Fd都有玩，你就有救！！
即使條友唔太熟，你都會狗衝過去：
「喂，你過咗嗰版未呀。」
呢一刻，你靜待答案嘅來臨。
如果佢答「過咗」，咁就「娘子，出嚟睇耶穌呀！」
就算佢「未過」，都可以一齊討論，切磋切磋！將「一個人嘅事」變「兩個人嘅事」。
你有冇發覺，無論幾嚴肅嘅人，一講起打機都好似撻著引擎咁。亦因為太好吹，當年就出現咗「上太空捉夢夢」……
就算呢家網上有晒攻略，但同朋友一齊研究同Chok bug嘅日子都係最好笑，
小品如Restaurant City，日日收Msg又送呢樣又求嗰樣，都係樂趣。
喺返學返工佔咗生活大部份時間嘅香港，呢種娛樂成為同朋友聯繫嘅一種方式，就算工作上冇話題，一提Fifa都係進入「秒回」狀態。
打機自閉？冇機打我自殺都似！
呢排朋友話等咗隻《The Last Guardian》好耐，玩得時一齊開波。成班fd要探索每個角度。因為隻Game好少提示，自己一丁友玩隨時卡關卡到宇宙盡頭。
打機最開心唔係趕時間、限時打，打到慘過返工，
而係有班朋友陪自己闖關。
卡唔緊要，一齊卡！
好似《The Last Guardian》入面嘅細路主角同隻忠心大鷹一樣，
互相撐住，有關一齊過。
好，雖然成班友都就三張嘢，但喺遊戲機呢個地方上，
我哋一開機，一插咪，就變返中學時代。
「阿強，隻大鷹點跳㗎？？」
「嗯……答你唔到住，我跌死咗……」
笑一笑，又一晚。
PS. 想睇下《The Last Guardian》隻大鷹有幾猛料，可以睇下最新中文預告：https://youtu.be/uhucr2WPic0
如果你以前玩過《ICO》同《旺達與巨像》，
都一定會期待呢隻Game！
PlayStation HK
#PS4最後的守護者
Ig:cheungson88
*會慢慢Up嘢上去
