關於 一齊和牛燒肉評價 ，我們在網路上蒐集到這些相關的討論、資訊與評價

🔍柞木炭家
🥢旺角彌敦道700號T.O.P This is Our Place 5樓501號舖
-----
話說打完第二針之後攰咗成個星期，直至啱啱過去嘅週末，個人終於精神返少少，即刻就約咗朋友去食韓燒補充Energy🔥！
（🥱朋友表示：脂肪就脂肪啦大姐，En咩nergy)

呢間係T.O.P 嘅韓燒店，面積頗大，餐廳裝潢同餐桌都頗新淨，環境幾舒服，週末晚上6點左右已經幾乎全場爆滿，唔想等位最好提早預約。

✨濟州大八爪魚 $178
大大件原隻大八爪魚🦑，觀感頗具震撼力，令我諗起喺韓國食活章魚嘅回憶，不過呢度嘅章魚就係經醃製過嘅，無需額外調味，原隻擺落去爐上面燒完剪開就可以食得，味道新鮮彈牙，必叫。

✨汁燒豬皮 $78
燒過嘅豬皮柔軟中不乏彈性，燒太耐會熔熔地，食落輕微黏牙，所以火候控制好緊要，控制得當嘅話，味道質感都一流，啖啖都係膠原滿嘅感覺。🐷

✨慶州豬背肉 $185
豬背係豬肩胛骨同埋肋骨之間嘅肉，偏瘦得黎，又有肉脂味。口感比豬頸肉硬同挺身少少，無骨不帶筋，脂肪含量亦低，屬比較健康嘅燒肉選擇，唔多地方有，值得一Try。🐖

✨海鮮煎蔥餅 $112
邊緣酥脆，內裏柔軟嘅煎餅，海鮮份量頗多，不過味道唔算太濃，需要沾上佢哋特調嘅醬料之後先夠味，味道不過不失，但口感上佳。🐙

-----
👶🏻B仔整體評價：8/10個👍🏻
👶🏻B仔抵食程度：7/10個👍🏻
👶🏻B仔環境評分：8/10個👍🏻
👶🏻B仔味道評分：8.5/10個👍🏻
👶🏻B仔回頭機會：8/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowmongkok

#hkfoodie #hkfoodreview #foodiegram #bbq
#thecharcoalroomhk #thecharcoalroom #koreancuisine #koreanbbq #柞木炭家 #柞木 #韓國菜 #韓燒 #燒肉 #和牛 #韓牛 #koreanfood #好耐冇去韓國啦

📍響 - Hibiki 日本燒肉 (佐敦)
🔍佐敦白加士街101號珀軒1樓
-----
早前朋友升職話請我食飯，厚面皮嘅B仔👶🏻一聽到食...當然無推卻，佢升職當日就等佢收工一齊去佢推介嘅燒肉店食放題😂由於佢比較夜收，所以我地差唔多8點先去到。本身諗住呢個時勢一定唔使等位啦，點知竟然全場滿晒，好彩等左5分鐘就咁啱有人走。
-
坐低一陣店員就為我哋送上一盤刺身拼盤（有海膽、三文魚、甜蝦、油甘魚、帶子、八爪魚）一份龍蝦🦞同一盤烤肉，除咗海膽同龍蝦之外，其他款式都可以無限量order 。🐠
-
🍴刺身：全部刺身都幾高質，比元老級放題大喜屋更加新鮮，尤其推介爽口多汁嘅八爪魚同鮮嫩肥潤嘅甜蝦，除咗呢啲基本刺身之外，佢哋仲有日本每日空運魚生，店家話日日款式都唔同，非常用心。🐟
-
🍴飲品：呢度嘅飲品款式頗多，有凍有熱，但要說最令人surprise嘅，就係佢哋連酒嘅款式都好多，有清酒🍶、梅酒、日本小麥啤🍺、韓國啤酒、紅酒🍷同白酒，嗜酒之人絕對可以輕鬆番本。
-
🍴日式燒肉：頭一輪餐廳會主動送上最推介嘅幾款肉類🥩款式（包括有澳洲和牛西冷、澳洲和牛胸腹、澳洲和牛肉眼、美國牛肋骨、米澤三元豚西冷、米澤三元豚脯片同骨付雞肉腸）。每款肉上都有標明名稱，可以試過自己鍾意邊款再逐一寫紙下單。色澤鮮艷有活力嘅肉類單看賣相已知新鮮程度可見一斑，並非便宜貨色。牛肉方面，三種和牛🐮都非常出色，雪花分佈平均，而美國牛肋骨入口就無和牛咁柔軟，油花味亦無咁重。日本直送嘅三元豚🐷無論係西冷扒定豚片，豬肉味都濃郁，唔中意食太肥嘅可以選擇西冷，反之如果中意肉脂味濃嘅話就可以選擇豚脯片。最後，骨付雞肉腸🍖則Juicy度爆燈，燒完香香甜甜非常惹味。除左第一輪呢啲人氣肉類之外，佢哋仲有其他燒肉可供選擇，例如有香草雞柳同一口牛粒等等，都可以自己另外寫紙落單。
-
除咗上述呢啲重點主打之外，佢地仲有燒蔬菜🥬（推介香甜多汁嘅菠蘿片🍍同營養豐富又易熟嘅有機金菇）、烏冬和食、椒鹽燒（必叫香脆有咬口嘅雞軟骨串同爽脆彈牙嘅雞腎串）、小食、沙律、燒海鮮、天婦羅🍤、炸物、甜品🧁和雪糕（有B仔最愛嘅MÖVENPICK)，整體食物選擇不算很多，但樣樣質素都很不錯，係一間貴精不貴多嘅放題選擇。
-
💰2.5小時和牛燒肉放題：價錢按離座時間及星期幾而有所不同 ，成人由$388-$508不等（宵夜場免收加一）
-----
👶🏻B仔整體評價：7.9/10個👍🏻
👶🏻B仔抵食程度：7.5/10個👍🏻
（自問酒量大嘅會較容易回本😎）
👶🏻B仔環境評分：7.5/10個👍🏻
（兩個人都比四人枱，坐得好寬闊幾舒服。但抽油煙嘅力度則有待加強）
👶🏻B仔味道評分：8.5/10個👍🏻
（放題黎講，食物質素真係算幾高質）
👶🏻B仔回頭機會：8/10個👍🏻
-----
#swallowhongkong
跟住我一齊吞食香港啦！🤤
#swallowjordan

@ 響 - Hibiki 日本燒肉

【銅鑼灣】高CP值日式燒肉Lunch Set🤤份量大無花假🥩‼（星期六及日都供應）
（🧡Comment Box留言「日式燒肉」，即刻inbox你免費「每$500減$50」現金優惠訊息*）

今次介紹的呢間日式燒肉，前身係唔少人都食過的「伊呂波燒肉」，繼續由同一日本師傅坐鎮。想先小試牛刀，不妨去試高CP值的Lunch Set，最抵係$90的「超份量薄切牛排定食」，勁大碟肉，蘸點日廚自調燒肉汁，水果甜提升肉香。其他定食由$130-$380不等，重點係星期六及日都供應，例如來緊母親節，可考慮帶媽咪去食靚燒肉，推介$380的「特上16件燒肉定食」，食到呢度招牌的A5日本飛驒牛，在當地攞晒認證，入口即溶；裡面的美國牛都唔差，肉嫩油香，吃罷令人好滿足！現在餐廳比以前更闊落，有更多A5靚和牛及部位選擇，晚上更多優質肉類選擇。
呢度有Lunch menu睇：https://bit.ly/2PRnyGV

#日式燒肉 #銅鑼灣午餐 #weekendlunch #肉料理廣

🍏店名：肉料理 廣
📍地址：銅鑼灣渣甸街50號渣甸中心2樓
📞電話：2882 9877
📱WhatsApp: 9766 8938
⏰營業時間：星期一至日 中午12時-下午3時；下午3時-晚上11時

⭐影片之食評、價格及資料，以試食當日品質、情況為準。

=================================
想同我們一齊去食好嘢，以及知道更多飲食資訊，即加入Hello Family啦！
👉🏻Link: www.facebook.com/groups/hellofamilyhk